#قصة جديدة
#افترقنا-منذ-الصغر
#للكاتبة رقية-ليث
.
.
.
.
نرجس: تعرفين شنو راح تجيبين من المخزن
نسيم بأبتسامة خجل: ههه لا والله
نرجس: لعد شلون نزلتي....دتعاي اخذي هاي الورقة بيها الشغلات الي نحتاجها
نسيم: اوك...
نزلت جوة و شفت هيثم كاعد يحجي وية ولد ظليت حايرة شلون احاجي
بعدين رحت يمهم و كتلهم اريد اجيب شغلات من المخزن و مااكدر اشلهن وحدي واكيد هيثم تبرع يجي وياية رحنه للمخزن و الابتسامة مرسومة عل وجهنه..
طبينه للمخزن و شفت الاغراض الي نحتاجهن
هيثم: طالعة حلوة اليوم
نسيم بخجل: اكو داعي للرومانسية هسه
هيثم وهو يكمش ايدها: اكيد اكو داعي
نسيم ابتعدت عنه خفت خاف احد يشوفنه: هيثم شكاعد تسوي اذا احد شافنه
هيثم: شبيج ولج فضحتينه...وبعدين غير اني احبج لازم نتزوج بأسرع وقت مااتحمل بعدج عني
نسيم: مو لازم نتعرف عل بعض اكثر.
هيثم: ايي نطول فترة الخطوبة حتى نتعرف..حتى نكون رسميا مخطوبين صدك اذا اريد اخطبج...من منو يعني اقصد امي و اختي المن راح يجن يخطبنج من منو
نسيم: من بيت رانيا لان اصلا هي كلتلي اذا يريد هيثم يخطبج خلي يجون لبيتنه..لان اني علاقتي وياهم قوية
هيثم: ماشي باجر لعد جهزي روحج جايج خطابة
نسيم بأستغراب: مو كانوا الشغلة بسرعة صارت
هيثم: ولج يا بسرعة صارلي ٣ سنوات احبج يا بسرعة متكليلي...واخيرا راح تصيرين حلالي الي وبسسس
نسيم: منتظرة امك و اختك باجر..
هيثم: وكتيش اسمع كلمة احبك من لسانج
نسيم: كلشي بوگتة حلو
هيثم: يلة نصبر ونشوف
نسيم: يلة لازم اروح تأخرت..
هيثم: تأكدي اخذتي كلشي محتاجي
نسيم: ايي اخذتهن كلهن
هيثم: خوش يلة نطلع
صعدنه الملابس فوك للطابق الثاني
شافتني رانيا اني و هيثم ابتسمت و غمزتلي
هيثم حط الغراض وراح...واحنه كعدنه نرتبهن
ورة ما كملنه جرتني رانيا وكلتلي احجي شصار
نسيم: ولج انتي شكد فضولية
رانيا: احجي بسرعة مو احترگت من الفضول
نسيم وهي تضحك: هههههه يلة ميخالف راح احجيلج شنو صار.....هيثم راح يخطبني باجر
رانيا وهي تصيح: چذذذذذذذذذذب
نسيم: لج فضحتينه...دشوفي البنات كلهن يباوعن علينه
رانيا: اييي وشنو كتيلة؟!
نسيم: اكيد وافقت وكتله منتظرة امك و اختك
رانيا: كتيلة يجون لبيتنه؟
نسيم: ايي كتلة...ولج مااعرف احس حرارتي صعدت داحس كلشي كاعد يصير بسرعة
رانيا: لج هدئي شبيج..اصلا هو يحبج وانتي تحبي شنو تنتظرون اتزوجوا وفضونه
نسيم: راح نطول الخطبة لان لازم واحد يتعرف عل الثاني
رانيا: ولج صايرة تفكرين ام العقل اليابس
نسيم: ههههه...اعجبج حياتي..اكلج حايرة شلبس اليوم و مثل متعرفين اني ماعدي ملابس مال مناسبات او شيء حلو اصلا ما صارت عدي مناسبة حلوة بحياتي حتى اشتري مااعرف حايرة حتى ماالحك اشتري
رانيا: ليش متشترين من المول الي احنه نشتغل بي
نسيم: تعرفين بي غالي واني ماعدي هواي فلوس يا دوب يكفني عل الاكل الي اكلة و كهرباء وووووو غير اشياء
رانيا: هم صدك...اجتني فكرة ليش متلبسين ثوبي هذا الي اشتريته بعرس ابن عمي اصلا حتى ما لابسته غير بس مرة وحدة واني وياج نفس القياس شنوو رأيج
نسيم: ﻻﻻ فشلة من امج هسه شتكول
رانيا: لج هاي شبيج تدرين بأمي تحبج و تعتبرج مثل بتها واصلا من اكللها عل الخبر راح تطير من الفرح
نسيم: اوك موافقة
رانيا حضنتها بقوةة: واخيرا راح تصيرين عروس...حياتي احببج كومات
نسيم: واني هم احبببج يعمري..الله لا يحرمني منج
كعدنه نشتغل وبعدين صارت فترة الغدة تغدينه بسرعة و رجعنه للشغل
ما حجينه هواي اني ورانيا لان التهينا بالشغل
رانيا احسها فرحانه اكثر مني هههههه...
كملنه شغل واجة سعيد علينه اني و رانيا
هيثم راد يوصلني بس اني ما قبلت كتلة من نخطب انت وصلني
وصلت للشقة ميتة تعب...مددت شوية
بعدين تذكرت فروحة كلت خلي اخابرها واطمن عليها
مشتاقتلها هوااي
خابرت عل الميتم طلعتلي العاملة كتلها اريد فرح
كلتلي هسه اصيحها
فرح بلهفة: هلوو نسمتي شونج..والله مشتاقتلج كووومات
نسيم: حياتي والله اني هم مشتاقتلج..اني زينه انتي شخبارج
فرح: صرت زينه من سمعت صوتج..الميتم بلياج مو حلو جنتي اتي الي ترسمين الضحكة عل وجهي
نسيم دمعت عيوني لان صدك اشتاقيتلها: حياتي انتي..صدك نسيت اكلج
فرح: كولي...خيرر خو ما صاير شيء؟!!
نسيم: لا مابية شيء لتخاقين..بس اختج نسومة راح تنخطب
فرح: صدددك...يااااي حياتي والله فرحتلج من كل گلبي
نسيم: انشالله يوم الج...وازفرج بيدي
فرح: ههههه...شغلتنا مطولة
نسيم: ابقي هيج احسلج..هههه
فرح: يلة حبي راح اروح لان مااكدر اطول
نسيم: ماشي حياتي ...باي
فرح: بايي
هيثم....رجعت للبيت تعبان و دايخ من الشغل تمددت عل القنفة شوية اريد ارتاح
هيثم: ميسم...ميسم..لج وينج ميسسسسم
ميسم: هاا شتريد شبيك ثبرتني
هيثم: جيبيلي مي...يلة بسرعة لان عطشان كلش
ميسم: متكوم انت شبيك
ابو هيثم: ميسسم روحي جيبي مي لاخوج
ميسم بخوف: هاا..اي رايحة اجيبلة مي
ابو هيثم: سمعت تريد تخطب؟؟
هيثم عدلت كعدتي: ايي يابة اريد اخطب بنية عاجبتني بالشغل وياية واريد اخطبها
ابو هيثم: امك كالت يتيمة
هيثم: ايي...ليش عندك اعتراض؟
♡♡♡♡♡♡♡♡♡
اتمنى تعجبكم°°
لا تنسوا التعليق والتصويت°°
احبكمممممممممم♡♡
أنت تقرأ
افترقنا منذ الصغر
Romantikفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
