#قصة جديدة
#افترقنا-منذ-الصغر
# للكاتبةرقية-ليث
.
.
.
.
ميسم: امممم احس اكو نقص بالغراض شووو خلي اتأكد عرفت شنو النقص الهمبركر وينها
هيثم: ما كتيلي جيب همبركر
ميسم: هيثم لا تجذب انت دائما تجذب علية وتكلي ما كتيلي وتطلع
هيثم: شبيج والله ما كتيلي...وبعدين هذني كلهن ميكفن لو كرشج ميشبع الا بگدر دولمة
ميسم: اللله والله اشتهيت دولمة...باجر اكلها لامي تسويلنه
هيثم: صدك هايشة هذا الاسم ينطبق عليج
ميسم: ديلة هسه انت شونك ليكلك ابد متاكل
هيثم: اكل بس مو مثلج كلشي تعلفين يمكن حتى لو اطيج جت تعلفي
ميسم: وشبي الجت مو مشبع حيوانات..لتستهزء ماشي
هيثم: ماشي ماشي سكتنه...صدك ميسوو عندي خبر مثل القنبلة
ميسم بحماس: دقيقة خلي افتح البيتزا والبيبسي وكول الخبر
هيثم: احجي لو لا...لتظلين تتأمرين
ميسم وهي تأكل: كول كول تشوقت
هيثم: اخوج راح يتزوج
ميسم: چذذذذب
هيثم: والله
ميسم: منو هاي تعيسة الحظ..اقصد سعيدة الحظ
هيثم: ملاك مو بنية..مااعرف اوصفها بالكلمات
ميسم: ايبااا...خاف تطلع شيطانة واحنه مندري
هيثم: دكعدي راحة عيني اتي الشيطانة مو هي..تقريبا تنطيج شبهه طبعا بس بالشكل اما بالتصرفات مية بالمية تختلفن اتي بالجنوب وهي بالشمال هي كلها انوثة اما اتي الي يشوفج...خليني ساكت احسن
ميسم: لا والله حضرة جنابة ما عاجبته طلعت
هيثم: اكيد معاجبتني...مو زين متحملج وكاعد كبال جهرتچ
ام هيثم: ولكم شكد تلغون كوموا ناموا...ابوكم نايم تدرون اذا يكعد عل صوتكم شيسوي بيكم...والله يخليكم تنامون بالشارع
ميسم: عااادي نروح يم مرت اخوية هيثم(باوعت لهيثم و غمزتلة)
هيثم شمرت عليها الكوشة: لج شكاعدة تحجين انتي يا مرت اخو
ام هيثم: شنو شكاعدين تخريطون انتوا؟؟
ميسم: ابنج شافلة وحدة خلتة ميعرف ليلة من نهارة
ام هيثم: واخيييرا فكيت و قررت تتزوج
هيثم: ايي يمة البنية احبها وهي هم تحبني
ام هيثم: ايي شكو بيها يمة حدد يوم حتى نروح اني و ميسم ونخطبها
هيثم: يوم بس اكو شغلة صغيرة لازم تعرفيها البنية يتيمة و ما عدها احد من هي و صغيرة بالميتم
ام هيثم: وشكو بيها يا يمة ماطول عاجبتك و تريدها هاهية راح تصير الك
هيثم كمت و بستها من راسها: الله يحفظج و يطول بعمرج يا احسن ام شفتها
ام هيثم: بس منين نروح نخطبها لعد ؟؟
هيثم: مااعرف اسئلها باجر
ام هيثم: خوش لعد...يلة كوموا ناموا الوقت تأخر و ثنينكم عدكم شغل باجر
هيثم.....طبعا نسيت اكللكم اختي ميسم صيدلانية هواي خطابة يجون عليها بس هي تكول ما مفكرة اتزوج هسه...
نسيم..رجعت للشقة فرحانة مااعرف شسوي من الفرحة
ظليت اكمز بالبيت و اضحك و اسولف هاي اول مرة احس بطعم السعادة
سعادة حقيقية مو مزيفة
ورة شوية خابرتني رانيا و كلتلي شنو صار؟
حجيتلها كلشي من الالف للياء
كلتلي اول مرة تتصرفين صح
ضلينه نسولف اني وياها بعدين نعسنه نهينه المكالمة ونمنه
كعدت ثاني يوم نشيطة و الابتسامة مرسومة عل وجهي
يالله الحب هيج حلو و يخلي الشخص دائما فرحان
اجتني رسالة من هيثم وجان كاتب بيها (صباح الورد و العسل والياسمين❤🌹...احبج)
الظاهر هو هم فرحان مثلي ما مصدك اعترفلي واخيرا..ههههه
رديت علية وكتبتلة (صباح الخير🌝)
ظلينة نسولف سوية..شوية وكتلة اريد ابدل لان الوگت راح يروح علية
اجتي رانيا علية هي و سعيد و رحنه للشغل
اول ما دخلت جنت متأملة اشوف هيثم لان دائما اشوفة يجي من وگت بس اليوم ماكو..
انقهرت لان ما شفته..سلمنه و صعدنه فوك
بعد مااكدر انزل لان راح التهي بالشغل...اووف ليش هيج
اول ما صعدنه كلتلي رانيا كليلي شصار البارحة
كتلها مو حجيتلج البارحة كلشي...
رانيا: مو بالحقيقة تصير احلى...واريد حتى تعابير الوجي تسويهن
نسيم: بعد حضرتج شتريدين؟!
رانيا: لا مااريد شيء...ذني كافيات
نسيم: اها عسبالي تريدين..رجعت حجيتلها كلشي من البداية
رانيا: شلون صارت عندج الجرئة تكليلة موافقة
نسيم: صراحة مااعرف...لساني وحدة نطقها بدون ميأخذ اذن من دماغي
رانيا: لان يدري اذا يأخذ الاذن من عقلج راح يرفض
نسيم: بكل تأكيد راح يرفض...بس انتي لو شايفة الفرحة الي بعيونة من يمي ذبت
رانيا: طلعتي مو قليلة ولج..يا ما تحت السواهي
نسيم وهي تضحك: دواهي ههههههه...دقيقة خلي اشوف اجتني رسالة
شفتها طلعت من هيثم كاتبلي دبريلج حجة ونزلي جوة اريد اشوفج
كتبتلة مااكدر شنو شكللهم قابل
كتب مااعرف دبري حجة ونزلي جوة
كتبتلة ماشي اشوف اذا لكيت حجة انزل
شفت نرجس كاعدة تنزل جوة قبل متنزل صحتها
نسيم: نرررجس
نرجس: نعم
نسيم: خير شو نازلة جوة؟
نرجس: اكو كم شغلة ناقصتنه فوك راح انزل اجيبها من جوة...ليش اكو شيء؟؟؟
نسيم: ﻻﻻ ماكو شيء..بس انتي ليش اتعبين روحج اني انزل بدالج
نرجس: لا عادي اني انزل
نيسم: لخاطري خليني انزل...حبابة حبابة
نرجس: اوكي نزلي بس شكو؟؟
نسيم: يااي تسلمين حياتي (نزلت بسرعة)
نرجس: نسيم...نسيم انتظري دقيقة
نسيم: خيررر اكو شيء
نرجس: تعرفين شنو راح تجيبين من المخزن
نسيم بأبتسامة خجل: ههه لا والله
نرجس: لعد شلون نزلتي....دتعاي اخذي هاي الورقة بيها الشغلات الي نحتاجها
................
اتمنى تعجبكم^^^
لا تنسوا التصويت والتعليق^^
احبكممممم💜💜💜
أنت تقرأ
افترقنا منذ الصغر
عاطفيةفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
