#قصة جديدة
#افترقنا-منذ-الصغر
#للكاتبة رقية-ليث
.
.
بعد مرور سنة^^
نسيم: شنو رأيك بالحياة؟؟
هيثم: قاسية..دائما الشخص الي نحبة يطلع مو من نصيبنه
نسيم: شتتوقع حبنا حرام لو حلال
هيثم: حبنا صادق مابي خيانة او نفاق اكيد حلال
نسيم: خايفة..
هيثم: من شنوو؟؟
نسيم: خايفة خاف نفترق
هيثم: لتخافين اني يمج ماراح اعيفج..
نسيم: حاسة بتأنيب الضمير بعد الي صار بسعيد خايفة خاف بعد ميسامحني
هيثم: لتخافين انحل كلشي بمرور الوقت..و رانيا علاقتج بيها شلونها؟
نسيم: للاسف كلشي خرب بعد الي صار كل مااتصل عليها ترفضة او يطلع مغلق تخيل حتى الشغل عافته حاليا كلش مقهورة مااعرف شسوي لازم اصلح كلشي بيناتنه مااكدر بدون رانيا
هيثم: لتخافين ماراح اخليج تحسين بتأنيب الضمير راح احل كلشي
نسيم بأبتسامة: احبك
هيثم: و اني هم احبج (حضنتها)
________________
رانيا: اليوم معزومة يمنه عل العشة
نسيم بتردد: مااعرف مو اكيد اكدر اجي
رانيا: والله ازعل منج اذا متجين بعدين اكو وحدة يعزموها اهل خطيبها و ترفض...تحضري و سعيد يجي عليج بليل
نسيم: ماشي امري لله
من رجعت للبيت كتلهم عل الغدة اليوم راح اروح اتعشة يم بيت سعيد عزموني
وافقوا اهلي بدون أي اعتراض
حاولت اشوف ردة فعل هيثم بس جان كاعد مثل الصنم بكل برود كاعد يأكل
حسيت بوقتها هيثم بعد ميحبني حبه مات و گلبة بعد ميريدني
نمت شوية و كعدت حضرت روحي
اجة سعيد علية طب سلم عل اهلي و رحنه
حس بية سعيد جنت ضايجة بس اني كتلة مابية شيء مااعرف اذا صدك او لا
تعشيت يمهم و طبعا امه فرحت بية كلش
اصلا اني اعتبرها مثل امي كلش احبها
كعدنة نسولف و اكلنه حلويات جانت رانيا مسويتهن
ورة شوية كتله لسعيد اريد ارجع لان تأخر الوقت
رجعني للبيت و قبل ماادخل باسني بخدي وكلي احبج
ما عرفت شجاوب بس ابتسمت و دخلت للبيت
شفت امي و ابوية و ميسم كاعدين عل التلفزيون
و هيثم اكيد بغرفته ما مستغربة من هاي الناحية
صعدت للغرفة بدلت و تمددت حطيت الهتفونات بأذاني و كعدت اسمع اغاني
و ظليت ابجي احس جواية وجع محد كاعد يحس بي
جنت مغطية وجهي باللحاف و مغمضة عيوني
ما حسيت غير شخص يحضني
خفت اوخر اللحاف و اشوف منوو
ورة شوية و خرته و شفت ميسم حاضنتني وكاعدة تبجي
كمت بسرعة مسحت دموعي و سئلتها شبيج؟ليش تبجين؟
ميسم: ترة اني توأمج و احس بيج...متحبين سعيد صح؟
نسيم وهي تبجي: مااعرف شحجي بعد خلص الحجي كلة
ميسم حضنتها: كاافي بجي حياتي..تكدرين تنهين كلشي بينج وبين سعيد
نسيم: مااكدر انهي كلشي لان اذا نهيت كلشي راح نظل اني و هيثم قريبين واحد عل الثاني واحد غرفته كبال الثانية اصبح بوجهه وامسي بوجهه وتريديني انسى مااكدر..احسن حل اتزوج سعيد حتى حبنه يموت و يصير سوالف
ميسم: مااعرف بقت يمج بعد..بس اتي بهاي الحالة كاعدة تظلمين نفسج و هيثم و سعيد..حاولي تفكرين مرة ثانية
نسيم: و شراح يفيد التفكير اذا هيثم اخوية يعني لازم انسى هو خطيبي و حتى لو نهيت كلشي بيني و بين سعيد شراح استفاد و بعدين سعيد يحبني واني اكيد راح اتعود علية بمرور الوقت
ميسم: بكيفج بعد..بس مسحي هاي الدموع الجمال هذا ميصير تخربي بالدموع
نسيم حضنتها حيل: الله لا يحرمني منج
تمر الايام كلها عادي لا تطور بحياتي و لا بحياة اهلي
الوضع هدوء..بس بيوم من الايام امي تخربطت و ديناها للدكتور و كال بيها
سكر انصدمنه كلنه من سمعنه الدكتور
ظلينه نعتني بيها طول هاي الفترة نخاف عليها ﻻن عل ساعة تتخربط
من امي تمرضت كتلة لسعيد حتى نأجل العرس
ﻻن مو وكتها ابد....اهل سعيد اجوا شافوا امي و امه خطية كل يوم تخابرني
تطمن عليها....خليناها تلتزم بالدواء و بوقته تاخذة
شوية بدت تتحسن بمرور الوقت....
اليوم خابرني سعيد و كلي عازمج بالمطعم
اتفقنه عل الوقت حتى يجي يأخذني ومناك نروح للمطعم
رجعت من الشغل تغديت و نمت....ورة ساعة كعدت بدلت و حضرت نفسي
خابرني كلي اني بالباب انتظرج...طلعت سلمت علية ورحنه للمطعم
ميسم جانت طالعة وية خطيبها و ابوية وية اصدقائة طالع
بس هيثم و امي بالبيت
هيثم: يوم شلون صرتي؟؟
ام هيثم: والله يا يمة مااعرف شبية كلش تعبانه
هيثم: اوديج للمستشفى؟
ام هيثم: ﻻ ماكو داعي هسه انام و اصير زينه
هيثم: دواء مالتج اخذتي لو لا؟؟؟
ام هيثم: لا والله نسيت روح جيبليا بعد امك
هيثم: ايي هسه راح اجيبة
رحت جبت الدواء و جبت وية مي وديته لامي
هيثم: هاج يوم هذا الدواء
ام هيثم: هيثم
هيثم: ها يمة..تريدين شيء
ام هيثم: اريد اكلك شيء مااريد اموت و هذا الشيء يروح وياية من اموت
هيثم: يوم لتحجين هيج اسم الله عليج..شنو شكو شنو هذا الشيء؟.
-----------
اتمنى تعجبكم^^
لا تنسوا التصويت والتعليق^^
أنت تقرأ
افترقنا منذ الصغر
Storie d'amoreفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
