#قصة جديدة
#افترقنا-منذ-الصغر
#للكاتبة رقية-ليث
.
.
.
.
.
.
نسيم: هااا حياتي فروحة؟
فرح: يلة حياتي راح تتأخرين عل الشغل
نسيم: ايي حياتي راح اكعد
فرح و عيونها مدمعة: سمعت راح تروحين من الميت..صحيح هذا الحجي؟
نسيم: حياتي فروحة لتبجين....انتي تعرفين قوانين الميتم و لازم اطلع مااكدر ابقى
فرح: اخذيني وياج؟
نسيم: حياتي لو اكدر والله چاا اخذتج..بس للاسف عمرج ١٦ و ميصير اطلعين من الميتم
فرح: تدرين بية متعلقة بيج وما عندي احد غيرج
نسيم: لتخافين اكوو هواي بنات وياج انتي مو وحدج
فرح وهي تمسح دموعها: يلة كومي اخرتج عل دوامج...خربت يومج من الصبح
نسيم: اكو واحد يصبح بهل الوجه الگمر ويخرب الصبح مالته
فرح: ههههه خجلتيني.....ولج يلة كومي راح تتأخرين
نسيم: غيررر اتي لهيتيني ههههه
كمت غسلت و تريكت و بدلت و رحت للشغل
اليوم راح تبدي اجراءات الشقة و خلال فترة راح تصير ملكي
اول ما فتت عل المول شفت العشق مالي هيثم
نسيم بأبتسامة: صباح الخير
هيثم: صباح الورد و الياسمين...خيرج رايدة شيء
نسيم: لا ما رايدة...مجرد سلام
هيثم: تعرفين شيء؟
نسيم: شنوو؟!!
هيثم: اول ما شفتج عسبالي انتي اختي....كلش تشبهيها تدرين ردت اجيج واكلج شعدج هناا
نسيم: هههههه لهل الدرجة؟
هيثم: ايي و الله تشابهون....خلق من الشبهه اربعين
نسيم: يلة نتعرف عليها يوم من الايام و نشوف اذا تشبهني لو لا.....يلة اني اروح لشغلي و خليتك تلتهي عل شغلك...بيباي
هيثم: ماكو داعي للبيباي....انتي تشتغلين بالطابق الثاني و اني بالاول يعني نعتبر جيران
نسيم: ههههه هم صح...يلة اني رايحة
هيثم: الله وياج
نسيم بفرح: رانييييياااااااا
رانيا: يا ساتر شبيج حياتي...تكهربتي و اني ماادري؟
نسيم: حجيت وية هيثم
رانيا: رجعنه لسالفة هيثم
نسيم: شبيج گبر....تدرين بية احبة
رانيا: وهو؟
نسيم: واني شمدريني اذا يحبني او لا؟
رانيا: ما مرتاحة لهذا الحب ابد....حاسة ورة مصايب
نسيم: الله اليستر من احاسيسج...صايرتلي السحارة ام عباس
رانيا: هههههه خرب يومج....لا ولج مو لهل الدرجة بس غير اني اخاف عليج و بعدين اتي تدرين بي يدري بيج عايشة بالميتم...يعني جوز راح يفكر بغير طريقة من ناحيتج و يحاول يستغلج
نسيم بعصبية: شنووو تقصدين بهذا كلامج يعني اني رخيصة....وبعدين واذا جنت يتيمة شنوووو يعني؟(عفتها و رحت)
رانيا: لج والله مو قصدي شيء...نسيم.........نسيم تعاي وين رايحة؟
وكفت بعيد عنها مااريد احجي وياها بعد الي سمعته منها
طلعت صورتي من جنت صغيرة و شفتها
اخذها وياية وين مااروح
كل مااشوفها احس اكو امل اشوف اهلي
حسيت عيوني دمعت....حاولت ابين نفسي قوية مااريد الناس تشوف ضعفي
شفت رانيا جاية بأتجاهي
ضميت الصورة و حاولت ابتعد عنها بس هي وكفت كبالي
رانيا بحزن: اسفة والله اسفة....اسفة والف مرة اسفة بس اني والله خايفة عليج والله احبج ومااعرف شلون حجيت هيج انشالله ينگص الساني اذا بعد احجي هيج
نسيم: اششش اكو واحد هيج يدعي عل نفسه
رانيا: ايي اني..
نسيم: لان مخبلة...وبس المخبل يدعي هيج عل روحة
رانيا: سامحتيني؟
نسيم: ليش اني اكدر ازعل منج
رانيا حضنتها بقوة: احبج
نسيم: واني اكثر احبج
رانيا: اعتقد راح ننطرد اليوم من كثر ما حجينة
نسيم: ههههه ديلة ابتعدي كم سنتمتر حتى مننطرد
رانيا: شكد تافهه
نسيم: منين اتعلمتها غير منج
كعدنة نشتغل لحد ما صار وقت الغدة راح شاب ويانة اسمه علي جابنه كلنه لفات گص واجة
بوقت الغدة نسد المول لمدة ساعة استراحة النا
ونجتمع كلنا نضحك و نسولف
كلها تسولف و تضحك بدون تصنع او چذب او تباوع بنظرة مو حلوة
رانيا: احم....عيونج
نسيم: ولج شبيج؟
رانيا: الولد اگلتي بعيونج..ولج ثگلي شوية
نسيم: شسوي هو حلوو
رانيا: اجتني فكرة
نسيم: الله اليستر وشنو هاي الفكرة؟
رانيا: اروح اكلة نسيم تحبببببك
نسيم: دكعدي كعدي لا هسه يجيج بوكس طايرر...
رانيا: علمود ترتاحين غيرر
احمد: احم احم....الظاهر اكو موضوع مهم كاعدات تتناقشن بي
رانيا: اي والله كلش
نسيم گرصتها بأيدها: احم
رانيا: آآآآيييي
احمد: هاي شبيج؟
رانيا: لا ماكو شيء بس يمكن زنبور گرصني
نسيم: زنبووووور؟!
رانيا: للاسف اي
نسيم: بسيطة رانيا زنبور موو زنبور
رانيا: زنبور خبيث
نسيم: فوكاها خبيث
رانيا: للاسف خبيث
احمد: حاليا اني مثل الاطرش بالزفة
نسيم: احسن....هههههه
احمد: انسحب احسلي
رانيا: ههههههه
شفت موبايلي دگ...جان رقم الميتم
نسيم: الوو
فرح: شلونج نسمتي؟
نسيم: هلوو فروحة حياتي اني زينة اتي شونج؟
فرح: بخير من سمعت صوتج
نسيم: خير حبي رايدة شيء؟
فرح: هيج ماكو شيء اشتاقيتلج لا اكثر ولا اقل
نسيم: حياتي انتي...اني هم اشتاقيتلج
فرح: يلة حياتي اني اروح حبيت اطمن عليج بس....مااريد تتأخرين عل شغلج
نسيم: اوك..باي حب
فرح: بيباي
كملنة اكل و كعدنة نشتغل التهينا بالشغل لان صار ازدحام
وبعدين خلصنه و كل واحد راح لبيته
ورة اسبوع استلمت الشقة
و بدينة اني و رانيا انظف بيها
كملناها و هي جانت بيها اثاث بس مو كامل
جان عندي فلوس من الي مجمعتهن كملت كل شيء ناقص بالبيت
-------------------
اتمنى تعجبكم^^
لا تنسوا التصويت والتعليق^^^
رأيكم مهم❤❤❤
أنت تقرأ
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
