#قصة جديدة
#افترقنا-منذ-الصغر
#للكاتبة رقية-ليث
.
.
.
نسيم بأبتسامة: تحبي؟؟
ميسم: اممم..صراحة مااعرف
نسيم: للمرة الثانية تحبي؟؟
ميسم: يعني تكدرين تكولين أعجاب ﻻ اكثر ولا اقل
نسيم بأبتسامة: مبروك الزواج
ميسم: شنوووو!!..شكاعدة تحجين؟
نسيم: شبيج حياتي تحبي تحبي
ميسم: صراحة دوختيني..ههههه مااعرف حايرة شنو اكلة
نسيم: اذا جان عاجبج وافقي لتضيعي من ايدج
ميسم: مااعرف..بس هو شاب مرتب و مناقصة شيء..افكر واشوف
نسيم: ليش ما كلتي ﻻمج...اعتقد لازم تعرف بهذا الموضوع
ميسم: تدرين علاقتي بيها بالفترة الاخيرة مو كلش
نسيم: ﻻزم تحجين وياها ﻻن مثل متعرفين هاي امج
ميسم: بعد الشيء الي سوته مااكدر اشوف وجهه اصلا
نسيم: خطية مكسورة و مقهورة عل الشيء الي سوته..سامحيها
ميسم: رغم الشيء الي سوته بيج بس گلبج طيب..احبببج
نسيم بأبتسامة: واني هم احبج
رجعت ميسم ثاني يوم من الشغل وكلتلي وافقت عل الشاب و باجر راح يجي يخطبني
فرحتلها كلش من كالت هيج
راحت كالت لامي و هم فرحت...وبليل كالت لهيثم و لابوية وهم فرحوا
واخيرا الفرحة دخلت لبيتنا...
ثاني يوم اجوا اهلة و طلبوا ميسم عل سنة الله و رسولة
هيثم سأل عل ناس و طلعوا خوش ناس ما عليهم حجي مو زين
ورة اسبوع خابرتهم امي وكلتلهم موافقين
ميسم طايرة من الفرح...كلنه فرحنه لفرحها احس البيت صار بي نفس
انخطبت ميسم من أسامة الي هو خطيبها
ورة ٣ اسابيع بالشغل قبل مااطلع رانيا كلتلي اريد احاجيج بموضوع مهم
وكفنه عل صفحة هي تنتظر سعيد واني انتظر هيثم
نسيم: وشنوو هل الموضوع المهم؟؟!
رانيا بتوتر: مااعرف شنووو اكلج
نسيم: ديلاا احجي وفضيني هسة هيثم يجي
رانيا: سعيد يحبج ويريد يخطبج
نسيم بصدمة: شنووو!!!
رانيا: هو جان يحبج قبل متنخطبين بس من انخطبتي فقد الامل بس بعد ما صار هذا الشيء قرر يخطبج..طبعا بعد موافقتج..
نسيم: بس انتي تعرفين اني اعتبرة مثل اخوية...وانتي تدرين بية اني
رانيا قاطعتها: ادري تحبين هيثم..بس سعيد حالته متخربطة من ورة هل الحب
نسيم: مااعرف شنو اكلج صراحة صدمتيني...يلة رايحة هيثم اجة
رانيا: رديلي خبر مو تنسين
نسيم: ماشي..اشوف
ركبت بالسيارة و جنت داخلة بحالة صدمة
انصدمت من الكلام الي كالته اني و سعيد..ههه ما مفكرة بهذا الشيء ابد
هيثم: خيرر شبيج؟؟شو ساكته؟.
نسيم: لا ماكو شيء بس تعبانه من الشغل
هيثم: متأكدة؟!
نسيم: هيثم كتلك ماكو شيء...لتظل تسأل
هيثم: هاي شبيج هسه احنه شكلنه
نسيم: اسكت احسن
هيثم: سكتنه..سكتنه بس متأكد اكو شيء
نسيم: هيييثم..
هيثم بأبتسامة: اوك سكتنه
وصلنه للبيت كتلهم مااشتهي اتغدة
صعدت للغرفة و مددت عل الجرباية
ظليت افكر بالكلام الي كالته مااعرف شنوو راح يكون جوابي
اني احب هيثم و مستحيل افكر بغيرة
اندكت الباب عدلت كعدتي و كلت تفضل
شفت هيثم دخل للغرفة
هيثم كعدت بصفها: كليلي شبيج؟؟..مااكدر اشوفج بهاي الحالة
نسيم: سعيد يحبني ويريد يخطبني
هيثم كمت من مكاني مصدوم: شنووووو شنووووو؟؟؟
نسيم: اششش نصي صوتك خاف اهلي يسمعون
هيثم: طزززز بالدنيا خلي يسمعون....نسيم انتي الي وبس محد راح يأخذج مني افتهمي هذا الشيء احبببج ومااكدر اطلعج من گلبي
نسيم: واني هم احبك....بس
هيثم قاطعتها: بس احنه اخوان مو هيج ردتي تكولين...اني ما معتبرج بيوم من الايام اختي افتهمي هذا الشيء مستحيل اخليج تتزوجين من سعيد
نسيم: حاول تنساني ﻻني راح اوافق
هيثم بصدمة: نسيم شكاعدة تحجين شنووو توافقين لج اني حبيبج هيثم و خطيبج...شلون تروحين تتزوجين واحد غيري..
نسيم بصوت عالي: هيييثم افهم اني اختك اختك مو ح ب ي ب ت ك....نزعت الحلقة كدامة و حطيتها بأيدة..كتلك من استوعب احنه اخوان راح انزعها وهسه نزعتها و انتهى كلشي بيناتنه وهسه ممكن تطلع برة اريد ارتاح
هيثم: هذا اخر كلام ماكو تنازل؟
نسيم: اخر كلام
طلع هيثم من الغرفة و اخذ روحي وية
كعدت ابجي عل حظي...شلون هيج احجي واكلة موافقة
حجيت هيج حتى اخلي ينساني و ينسى حبه
صح اني ما نسيته...بس هاي بعد الحياة مستمرة و احنه مستمرين وياها لحد ميجي يومنه و نموت
اجتي ميسم و شافتني كاعدة ابجي
ميسم: خيررر حياتي شبيج ليش تبجين؟
نسيم وهي تبجي: تعبانة...مااعرف شنو سويت
ميسم: يعني ماراح تحجين شبيج؟
نسيم: راح تعرفين كلشي بالوقت المناسب
ميسم: ماشي..عل راحتج
طلعت من الغرفة و رحت لابوية حتى احجيلة كلشي
اريد اكلة سعيد خطبني مجبورة اوافق...حتى اخلي هيثم ينساني و ابتعد عنه
نسيم بأرتباك: بابا اريد اكلك شغلة..فارغ لو ﻻ؟؟
ابو هيثم: تعاي احجي ماعدي شيء...شنوو صاير؟
نسيم: ﻻ ماكو شيء لتخاف
ابو هيثم: اسمعج احجي
نسيم: اليوم رانيا كلتلي سعيد يريد يخطبج..وباجر تريد اردلها خبر اذا موافقين يجون يخطبوني او لا
ابو هيثم: وانتي شنوو رأيج؟؟
نسيم بتردد: موافقة
ابو هيثم: نتشرف بيهم خوش ناس ماكو منهم و بعدين اتي بحساب متربية بينهم و تعرفيهم عدل..رديلهم خبر موافقين خلي يجون باجر
نسيم: متأكد انت موافق؟..
ابو هيثم: ليش اكو شيء؟؟
...................
اتمنى تعجبكم^^
لا تنسوا التعليق و التصويت^^
احبكممممم💘💘
أنت تقرأ
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
