#قصة جديدة
#افترقنا-منذ-الصغر
#للكاتبة رقية-ليث
.
.
.
اجة هيثم شافني و تحمدلي بالسلامة طلع هو و ميسم هم طلعت و رانيا كالت جبتلج ملابس تعاي ابدلج..
بدلتلي رانيا و سندتني و لزمت ايدي و طلعنه اول ما شافني هيثم و خرت رانيا واجة هو بدالها..
اول ما طلعت تحمدولي بالسلامة و هيثم كال راح اخذج لبيتنه اني رفضت كتلة اخذني للشقة ورانيا راح ادير بالها علية بس هو اصر و ميسم هم كالت تعالي ويانة شلون نعيفج وحدج بالشقة
رحت وياهم بس امهم جان وجها ثكيل علية
لحد الان ما فهمت شيء ليش اني شنو سويت حتى تطردني هيج من البيت وبهاي الطريقة...
عقلي مشوش حاليا..ردت اسئلها بس ترددت
خفت اسئلها لان خاف الي اعرفة يخرب حياتي..
شكد جنت متمنية اعرف اهلي بس بعد الي صار صرت اخاف خاف اطلع بنت غير شرعية و هيثم يتركني صرت اخاف من كلشي
اول ما وصلنه للبيت ميسم اخذتني للغرفة مالتها و نمت بيها جنت تعبانه كلش و مالي خلگ اي شيء..صار النوم و سيلتي حتى اتهرب من الحقيقة
ماكو شيء يظل مخفي كلشي ينكشف بس اني جنت خايفة من الحقيقة
حسيت هيثم كعد بصفي وبدء يلعب بخصلات شعري
فتحت عيوني شوية شوية و ابتسمت
هيثم: فديت هاي الابتسامة و صاحبة الابتسامة
نسيم وهي تبتسم: فداك يعمري
ظلينه واحد يباوع عل الثاني بدون منحجي أي شيء...
ورة شوية سمعنه صوت صايح..جان صوت ابو هيثم
و سمعنه امه تبجي
هيثم راح بسرعة يشوف شنو كاعد يصير ردت اكوم بس هو كلي لتعبين نفسج ظلي بمكانج
اسمع عمتي تكولة لعمي ماادري هيج راح يصير والله
بعدين شوية صارت هدوء....فجاءة سمعت صايح هيثم كاعد يصيح عل امه و يكلها شلون تضمين علينه هيج شيء....راح تتدمر حياتي بسببج انتي
ظل يصيح و اسمع ميسم تبجي و عمي يصيح و عمتي تبجي و تكلهم جنت خايفة خايفة
جنت كاعدة عل نار مااعرف گلبي شصار بي اريد اعرف شبيهم
كلت جوز مشكلة عائلية ملازم ادخل
بس لازم اعرف هيثم شبي ليش هيج صار عصبي و يمكن كام يبجي مااعرف كلشي صار مخربط و مشوش
بيوم و ليلة كلشي تغير
حسيت احد متجهه للغرفة الي اني بيها سويت نفسي نايمة
انفتحت الباب و سمعت صوت بجي
اتقرب الصوت اكثر و اكثر
عرفته هيثم....انعصر گلبي علية مااتحمل اسمعه يبجي
كعد بصفي و صار يلعب بخصلات شعري ويكول..معقولة تاليتها هيج يصير بينه
ليش حظنه هيج اني وياج..ليش حبينه بعض ليش التقينه اصلا شلون راح ادكدر انساج و اعيش حياتي و كانما شيئا لم يحدث
احبج مو بيدي احبببج والله احبج
درت وجهي علية حتى اعرف السالفة شنووو وليش هيج كاعد يحجي؟؟
نسيم: حياتي شبيك ليش هيج كاعد تحجي؟؟ وليش هاي الدموع؟؟
هيثم وهو يبجي: مااعرف نسيم مااعرف..اني ضايع حاليا مااعرف شنو كاعد يصير شلون هيج يصير شلون؟؟!!
نسيم لزمت ايدة: حبيبي شنووو هو الشيء الي خلاك تبجي وتنهار احجي فضفضلي
هيثم وخرت ايدي منها: مااعرف شنوووو اكلج...بس اكدر اكلج شغلة وحدة وهي اني و ياج لازم نفترق
نسيم انصدمت من الي سمعته ضحكت عسبالي كاعد يتشاقة: ههههه صدك تحجي هيثم لو تشاقة؟
هيثم: يعني كاعدة تشوفين حالتي مال واحد كاعد يتشاقة
نسيم دموعي نزلن بدون ميعرفن السبب كمت ابجي و مااعرف شنو سبب انفصالنه: بسسسس ليشش...؟؟ليششش ننفصل هيثم فهمني ليش مو انت تحبني واني احبك ليش ننفصل هيثم والله اموت بدونك انت روحي و حياتي كلها انت مو تحبني اكو واحد يزعل حبيبة و يكلة خلي ننفصل بدون سابق انذار...ظليت اضرب عل صدرة وابجي...هيثم فهمني السبب والله راح اموت
هيثم كمت من الفراش بعصبية: ليشششش هي الشغلة بأيدي اني....وانتي من تعرفين السبب هم راح تنفصلين عني لان احنه ميصير نتزوج
نسيم وهي تبجي: بسسسسس ليشش...ليشششش ميصير نتزوج ليششش
هيثم بعصبية: لان احنه اخوووووان....اخوووان تعرفين شنوو معنى اخوان اني وياج اخوان...هذا هو السبب فهمتي هسه لو لا انيييييي وياااااج اخووووووان اخوووووان
نسيم رفعت راسي بصدمة اريد استوعب الي كاعد يحجي هيثم ما كدرت استوعب شيء ما حسيت غير الدنيا سودت بوجهي
ما حسيت عل شيء بعد...احس روحي رحت لعالم ثاني حسيت روحي ميته ماكو نفس و لا نبض كلشي اسود....
بس بعدين عرفت نفسي مو ميته لان بديت احس اسمع شنو يحجون بس مااكدر اتحرك او افتح عيوني اريد اكللهم اني عايشة بعدني ما متت بس مااكدر اتحرك...
اسمع صوت هيثم من يجي يبجي و رانيا و ميسم كلهم يبجون
سمعت صوت الطبيب من يكللها شوفي نبضها طبيعي لو لا
وهي تكلة ايي دكتور طبيعي ما بيها شيء
بعدين حسيت اكو شخص دخل و جان يبجي بحرگة صوت البجي مالته قوي
اريد اعرفة منوو ما عرفته
حسيت بي تقرب علية شوية شوية
بدء يمسح عل شعري و كال الله لا ينطي كل شخص حرمني منج كل هاي السنين تربيتي بعيدة عني
عشتي حياتج يتيمة...واهلج عايشين و مابيهم شيء
حاربتي وحدج نمتي وحدج اكلتي وحدج...واهلج عايشين و مرتاحين
گلبي كام يبجي من سمع هل الكلام...مااعرف اذا اكلة بابا لو عمو
گلبي مااعرف شنوو صار بي فجاءة حسيت الدكاترة التموا علية و جهاز النبض مااعرف شبي كام يطلع صوت....
كلها تصيح و تبجي اسمع صوتهم برة و الدكاترة فوك راسي...
÷÷÷÷÷÷÷÷÷÷÷÷
اتمنى تعجبكم^^
♡♡♡♡♡
أنت تقرأ
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
