#قصة جديدة
#افترقنا-منذ-الصغر
#للكاتبة رقية-ليث
.
.
.
اني اخذت الصورة واحتفظت بيها وجنت مطمنه انتي هسه بأمريكا حتى من هيثم حجالي عليج اني بالبداية شكيت بالسالفة بس بعدين تذكرت انتي هسه بامريكا و هيثم كال البنية يتيمة و جانت بالميتم..بس مااعرف شلون انتي ما رحتي لامريكا
نسيم: اي اتذكر اجوا ناس و شافوني واجتي وياهم المرة الي تكولون عليها دكتورة ايمان بس اني رفضت هذا الشيء و ظليت ابجي و الناس ضاجوا مني و كلولها منريد هاي البنية بس تبجي و مبين عليها متناسبنا حاولت تقنعهم بس همه رفضوا و راحوا وهي انطتني صورة و كلتلي احتفظي بيها و نسخة عندي وراحت و بعد مااجت..ظليت كل يوم انتظرها بس مااجت
ام هيثم: ﻻﻻ ما معقولة يعني معقولة ايمان جان جاية تكلي نسيم ما راحت لامريكا و صار الحادث..(ظليت ابجي)
هيثم: يوووم شكااعدة تسوين هنا اني مو كلت محد يدخل لنسيم
ام هيثم وهي تبجي: حجيت الي بداخلي لا اكثر ولا اقل...(طلعت و عفتهم)
نسيم وهي تبجي: هيثم طلعنه اخوان....اني وياك اخوان يعني مو مخطوبين
هيثم اجيت حظنتها: اشششش هدئي مراح يصير شيء...نامي و ارتاحي
نسيم: رجعني للشقة..مااريد ابقى هنا اكثر..مااريد
هيثم: شكاعدة تحجين شلون اخليج وحدج بالشقة
نسيم: مااتحمل اعيش يم ناس تبرو مني من اني و صغيرة
هيثم: انتي شكاعدة تحجين...شننوو هل الحجي نسيم انتي بوعيج؟!!
نسيم: ايي بكامل وعي كاعدة احجي مااريد ابقى هنا تاخذني لو اني اروح وحدي
هيثم: شبيج نسيم تخبلتي اكيد مااراح اخليج تروحين وحدج
نسيم: لعد اخذني انت
هيثم: الله يصبرني عليج....يلة امشي حضري نفسج منتظرج برة...اصيح ميسم تساعدج لو ﻻ؟
نسيم: ماكو داعي اني ادبر نفسي
هيثم: ماااشي
بدلت وكملت طلعت لكيت هيثم كاعدة عل الموبايل كاعد ينتظرني
جانت ميسم نايمة عل القنفة امه و ابو مااعرف وين
نسيم: كملت...يلة نطلع
هيثم: اوك...بس انطي علم لاهلي
نسيم: مااشي
انتظرته حتى يجي ورة شوية اجة ابو
ابو هيثم: بنتي شلون راح تروحين و تعيفينه
نسيم: مااكدر اظل اكثر بهذا البيت
ابو هيثم: مستحيل اخلي شيء يفرقنه اكثر عمرج كلة عشتي بعيدة عني
نسيم: اسفة عمو مااكدر اظل
ابو هيثم: بابا مو عمو اني ابوج ابوج
نسيم: اني ماعندي اهل انولدت يتيمة..هيثم منتظرتك برة(طلعت برة و عفتهم)
ابو هيثم بعصبية: كللللللة بسسسببج انتي انتييييي ماااااكو غييررررررج
ام هيثم وهي تبجي: لا والله انت السبب انت لان انت جنت دائما تخوفني اريد ولد واريد ولد واني جنت خايفة خاف تطلع بنية ومن عرفت بنات ثنين خفت خاف تسويلهن شيء لهذا حاولت اضحي بوحدة منهن
ابو هيثم ضربتها راجدي: مااريد اسمع حسج مرة ثانية...سكتي احسلج لو واحد غيري جان هسه انتي ميته
هيثم: الله يصبرني...(طلعت و عفتهم)
شفت نسيم كاعدة بالسيارة وجانت حاطة راسها عل الجامة مال السيارة
مبين عليها مهمومة...وكاعدة تفكر بوضعنه
حاول ابين نفسي قوي كدامها..بس اني بالحقيقة ماعدة اتألم الف مرة مااعرف اذا انقهر عل حالتنه لو حبنه لو اهلي الي مااعرف شلون صارت تصرفاتهم لو عل حالة نسيم الي مااكدر اوصفها بالكلمات..خايف من كلشي خايف من الكوارث الي منتظرتني اكثر ما مستعد ﻻي شيء
هيثم: اسف تأخرت عليج
نسيم: لا ماكو مشكلة
هيثم: واثقة من قرارج
نسيم: احسن قرار اخذته لحد الان
هيثم: راح اخابر رانيا واكللها تبات يمج...او اذا تريدين ابات اني يمج
نسيم: مااريد احد يبقى يمي اريد اظل وحدي
هيثم: مااكدر اعيفج وحدج
نسيم: هيثم اني اختك مو خطيبتك...اني نسيم اختك
هيثم: هذا الموضوع شعلية بالسالفة كلها
نسيم: بس حبيت اذكرك لان انت حاليا لازم ايدي مثل مجنت تسوي كل مرة من اصعد وياك بالسيارة من جنه مخطوبين...حبيت اذكرك اني اختك مو خطيبتك
هيثم بأرتباك: اسف..ماانتبهت عل نفسي
نسيم: ماكو داعي تعتذر...ماراح تنزع الحلقة
هيثم: گلبي ميقبل....مااكدر انزعها باليوم الي راح انزعها اعتبري گلبي نساج واعتبرج اخته....يرجع السؤال نفسة الج
نسيم: من استوعب احنه اخوان بذاك الوقت راح انزعها...اني لساعني مخطوبة من هيثم
هيثم: واذا مااستوعبتي احنه اخوان؟
نسيم: يجي يوم واستوعب....اعتقد وصلنه يلة باي
هيثم: اوكفي وين رايحة...اجي وياج(نزلت من السيارة و دخلت وياها للشقة)
نسيم بعصبية: هيثم اطلع برة و عيفني وحدي
هيثم: كاااافي والله تعبت....تعبت ارحميني عاد مااكدر اتحمل اكثر والله مااكدر اتحمل
نسيم اتقربت منه و حضنته: اسفة...مجان قصدي اسوي هيج بس جنت حابة اكعد وحدي لا اكثر ولا اقل
هيثم: ماشي راح اعيفج واطلع(طلعت و عفتها)
نسيم: هيثم....هيثم وين رايح
ظليت كاعدة بالشقة افكر بهيثم...خاف زعل مني
ظليت حايرة اتصل بي لو لا
اتصلت طلع جهازة مغلق
ظليت افتر بالشقة خايفة خاف صار بي شيء
بعدين تعبت...رحت نمت بعد ما التفكير اخذ عقلي
كعدت عل صوت الموبايل....شفت ميسم كاعدة تتصل
نسيم: الوو
ميسم: صباح الخير
نسيم: صباح النور
ميسم: ليش عفتي البيت؟؟
نسيم: ماارتاحيت....بالشقة ارتاح اكثر
ميسم: اكمل شغل واجيج للشقة...تستقبليني لو لا؟؟
'~~~~~~~~'
اتمنى تعجبكم^^
لا تنسوا التصويت والتعليق^^
احبكممممممممممممم😇💋
أنت تقرأ
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
