#صفحات من الماضي
الكاتبة فاطمة عادل
عدت الايام واجة يوم العرس ١٤/١٠/١٩٨٩
ماجدة : لابسة البدلة ومسويلي تسريحة بشعري ومكياج طوخ كلش حلوة طالعة وكل شوية اباوع بالمراية وابتسم والكرايب والجيران كلهم موجودين شوي واجتي الزفة ودخلو اخواني يكولون اجوي الجماعة اني عدلت كعدي ورتبت شعري باايدي دخلو الناس واولهم صلاح لابس قاط وشواربة ثخينة ويباوع علية ومبتسم انحرجت ودرت وجهي للناحية الثانية بس عدلت كدلتي وكعدت وشربنة شربت وعم صلاح جان بمقام ابوه لان والدة متوفي وهوة الابن الاكبر كال يابة نتشكر منكم واليوم بنتكم وباجر بنتنة بابا تشكر منهم وبوست بابا وطلعنة صعدني بالسيارة ورة وكعد يمي وامة بالصدر وعمة يسوق وصلنة لكركوك دخلونة لبيت اهلة اول والنسوان يركصون ومشغلين الاغاني عالية دخت من الصوت لليل كالو يلا حنزفكم وزفونة لبيتنة وطلعو وقفلو الباب علينة اجاني صلاح وكف يمي
صلاح : مبروك عروستي تعاي اشيلج وادخلج للغرفة
ماجدة : دخلني للغرفة واني كلبي يريد يطك من الخوف نطاني هدوم نوم كلي لبسي هذا وغمزلي وطلع بدلت ع السريع قبل ليرجع دااعدل البدلة دخل للغرفة لاف منشفة ع خصرة وجسمة منكع باوع علية واجاني شالني وذبي ع الفراش من الخوف ابجي واحجي وياه هوة ممهتم ولا يرد عفية صلاح بس انتظر احجي وياك حسيت بأذية قوية اصرخ ادفعة ميهمة كمل مهمتة ووخر عني نمت ع الطرف ولفيت نفسي بالغطة ودموعي تنزل هوة عدل كعدتة وانتجة ع الجرباية ويدخن جكارة ويذب بالمنفضة
صلاح : ماجدة كومي حضريلنة اكل جعت
ماجدة : كمت واني كوة امشي طبيت سبحت وطلعت بدلت واكو اكل بالمطبخ حضرتة وعدلت الميز وصحت صلاح كتلة الاكل جهز
صلاح : تعاي كعدي بحظني اوكلج
ماجدة : لا مرتاحة هنا
صلاح : تعاااي اكلج
ماجدة : خلاني بحظنة وياكل ويحط بحلكي واني مااشتهي كملنة ورحنة نمنة محسينة اله ع صوت الباب يندك وبقوة كام صلاح فتح الباب
ادم : الله يساعدك عريسنة
صلاح : هلة بيك اخوية تفضل حبيبي
احلام : شلونك صلاح شايفين كل الخير
صلاح : هلو عيني تفضلو
ادم : فوتي احلام روحي لماجدة اني هنا جبت الريوك للعرسان
صلاح : ليش هل زحمة عاشت ايديكم
ماجدة : فاتت احلام بوستني وباركتلي وراحت
طلعت للصالة لكيت صلاح كاعد يدخن كالي حضري الريوك
ماجدة : رحت حضرتة وكملتة واجتي عمتي ام صلاح دكت الباب وكاللها صلاح تريكي ويانة سلمت وكعدت تاكل شكلها مو راضية مااعرف شنو بيها كملنة اكل كالت لصلاح ودي ريوك لاخوانك عندة اربع اخوان واخت وحدة راحت ام صلاح وهوة هم راح وية امة
