#صفحات من الماضي
الكاتبة فاطمة عادل
علي : اختنكت كلش طلعت من البيت اتمشة بالليل مااعرف وين اروح بقيت كاعد تقريبا ساعتين برة هدأت ورحت للبيت رأسا نمت
كعدت الصبح مالي مزاج لأي شي امي كالت الي تعال تريك مقبلت طلعت ادور ع شغل صار الظهر واني افتر بالمطاعم والمحلات اريد احد يشغلني محد ميقبل
خابرت صديقتي رزكار
رزكار : حبيبي علاوي شلونك
علي : هلو حبيبي الحمد لله
رزكار : الاهل شلونهم
علي : على الله
اكول حبي اريد منك خدمة ولو اتثاقلت عليك
رزكار : لا حبيبي أأمرني
علي : اريد تشوفلي شغلة اي شي اشتغل
رزكار : بالليل اردلك خبر
علي : متقصر حبيبي
نمت الظهر امي كعدتني ع الغدة ماأشتهي اكل بس شوية اكلت لخاطرها اخاف تزعل مني ورجعت نمت فزيت ع صوت الموبايل يدك شفت زركار
شلتة
زركار : علاوي حبيبي وين انت
علي : هلو حبيبي بالبيت
زركار : تعالي اني ب....... واكف داانتظرك
علي : اجيتك حبيبي كمت غسلت وبدلت ورحت للمكان
زركار : علاوي شوف انت تعرف تزين تقص شعر
علي : مو هواية يعني مرات اني ازين لنفسي
زركار : باوع حبيبي اني رح اشغلك حلاق يم صاحبي اول شهر حيعلمك بس مينطيك راتب شهر الثاني يبدي ينطيك راتب وتشتغل وياه
علي : هاهية حبيبي
دخلنة ع محل الحلاقة وسلمت ع صاحب المحل واتفقنة ينطيني بالشهر ٤٠٠ الف ماعدا البخشيش او الساعات اضافية يادوب يسد الايجار بس احسن من ماكو
وبديت اتعلم واشتغل جوة ايدة وبديت اتعلم بسرعة الحمد لله وفرح بية ابو المحل كال ماشاء الله ايدك خفيفة وبسرعة تعلمت
رجعت بالليل للبيت واااخ يالليل بس يذكرني بحبيتي اللي مااعرف مصيرها وين
دك علية الموبايل شفتة مراد مالي واهس اجاوب لان اكيد رح اذكر نيرمين واسألة واعرف الاجابة مثل كل مرة مااعرف عنها شي
علي : الووو
مراد : هلو ولك بذاتة
علي : هلو حبيبي مراد شلونك
مراد : الحمد لله يم الله انت شلونك لكيت شغل لو بعدك
علي : اي صارلي كم يوم دااشتغل حلاق
مراد : حبيبي الله يرزقك
علي : مراد
مراد : كول حبيبي
علي : معرفت شي ع نيرمين
مراد : لا معرفت شي
علي : الله يسهل
