#صفحات من الماضي
الكاتبة فاطمة عادل
الدكتور : تفضلي ست ماجدة استريحي
هشام : هاا دكتور بشر شنو النتيجة
الدكتور : انتي انسانة مؤمنة واريدج تكونين قوية هاي الجغدة خبيثة ولازم تنشال من الصدر بعملية واسرع وقت
ماجدة : اتجمعت الدموع بعيني اتذكرت علي وحسين باوعت ع خالو وجهة احمر وكوة يحجي
هشام : دكتور اقرب وكت للعملية شوكت تكدر تسويها
الدكتور : يوم الاربعاء اقرب وكت بس الست ماجدة مستعدة
ماجدة : باوعت ع خالو
هشام : اي مستعدة ان شاء الله
ماجدة : نطانة موعد الدكتور ورجعنة بالطريق السكوت سيد الموقف و احس نفسي بغير عالم من الصدمة وصلني خالو وبقة يمي مراح لبيتة
هشام : ماجدة رح ابقة وياج للعملية بعد يومين
ماجدة : اي خالو خليك وياية
اجوي الولد كعدو يمنة
علي : ها ماما بشري شكال الدكتور
ماجدة : هاا لا ماما ماكو شي
هشام : ماكو شي بس جغدة بصدرها ويشيلوها الهة بعملية صغيرة
حسين : يعني رح تسوين عملية ماما
ماجدة : اي حبيبي عملية بسيطة
علي : ان شاء الله بسيطة
صلاح : سلام عليكم
هشام : اهلا ابو علي
صلاح : هاا شيخ هشام هنا تفضل استريح
هشام : تسلم متقصر هوة اني مستريح هنا باقي كم يوم
صلاح : هااا والاهل تعوفهم بحدهم
ماجدة : باوعت ع صلاح وأشرت اله يسكت
هشام : اي صلاح مسألت مرتك شلون صارت
صلاح : ليش خيرها
هشام : رح تسوي عملية بعد يومين
صلاح : ماعندج غير العافية مجودة
ماجدة : يحجي صلاح بكل صلافة واستفزاز وخالو هادئ ورزن يجاوب بهدوء صلاح تخبل اخذ هدومة وطلع كال راح ابات برة اني فرحت حتى ليحجي وية خالو شي
عدت يومين خالو ابد مقصر علينة العصر يطلعنة ونضحك ونسولف بالرغم الخبر الموزين اللي نعرفة اني وخالو بس حتى يغير الجو علية وحسينة بجو العائلة الحقيقي
كعدت الصبح محضرة جنطة المستشفى علاوي وحسين هم اجوي مقبلو يبقون وخالو وياية و صلاح مكلف نفسة وأجة
ورحنة للمستشفى بدة الخوف يسيطر علية خالو حس بية اجة لزمني من ايدي دخلوني الممرضات للغرفة ونطوني هدوم العملية لبستها اجة الطبيب
