#صفحات من الماضي
الكاتبة فاطمة عادل
دك تلفوني مهند شلتة الوووو
سمعت صوتة يبجي وفاحط من البجي اني اتخبلت
مهند حبيبي شبيك احجي
مهند : بصوت متقطع مااجدة حبيبتي الحمد لله ع سلامتج الدكتور يكول بعد متحتاجين كيمياوي
ماجدة : بجيت وسجدت سجدة شكر لان الكيمياوي يدمر الله ليكتبة الاحد
كتلة مهند انت شمدريك
مهند : اخذت التحاليل والمفراس ووديتها للطبيب كالي مباقي عندها اي مرض كلة شلناه وميحتاج الكيمياوي
ماجدة : الف الحمد لله والشكر ياربي
مهند : بس كل فترة تراجعين بعد حبيبتي اني اخذج باأيدي لتهملين نفسج
ماجدة : ان شاء الله حبيبي
اني رايحة ابشر الولد
مهند : روحي حبيبتي الله وياج
ماجدة : علاوي ... حسوني تعالو ماما
علي : نعم ماما
حسين : اجيت ماما
ماجدة : بعد ميحتاجلي كيمياوي الحمد لله حضنوني وبوسوني وتحمدولي السلامة جان علي يجر نفسة وصفن بية
علي : ماما منو استلم تحاليلج
ماجدة : هااا عفاف استلمتها
علي : شلون عفاف استلمتها وهية اليوم خابرتني الصبح سألتني استلمتو التحاليل
ماجدة : بقيت صافنة مااعرف شنو اجاوب كتلة لا بعدين هية راحت
ثاني يوم خابرني مهند كالي اليوم نروح للطبيب وجهزت نفسي وصار الوكت دااطلع شافني علاوي ابني
علي : يمة لا عبالج ابنج غشيم من اللي ديصير ورة ظهرة
ماجدة : معرفت اجاوبة دنكت وطلعت اخذني مهند للطبيب وحددلي مواعيد مال مراجعة يحقن المكان سليكون حتى يتساوة
ورجعت لدوامي ومن يصير موعد الجلسة ياخذني للطبيب اسوي الجلسة ويرجعني
والحمد لله انتهت رحلة مرضي ورجع صدري متساوي بالسليكون وتقريبا رجعت لحياتي الطبيعية واكيد لحبيبي
دااطلع الصبح الدوام لكيت صلاح كدامي بالشارع اتفاجأت
صلاح : هاا ماجدة شلونج متسلمين
ماجدة : صلاح شجابك هنا
صلاح : اني اجيت سكنت هنا بنفس فرعكم أجرت
