#صفحات من الماضي
الكاتبة فاطمة عادل
ماجدة : انصدمت بالخبر ابوية بالنسبة الي الحياة وطول فترة البعد عن اهلي اكثر شخص افكر بي ابوية روحي من الدنيا بجيت وتأثرت كلش بس محبيت ابين كدام ابوية ادري بي يحبني كلش وميريد يأذيني
نصبو العشة وكعدت وياهم مااشتهي اكل اللكمة واباوع ع ابوية شلون ضعفان وياكل ع كيفة وشلون جان قوي ويركض ويتسوك و يشتغل بالبييت يصلح الشغلات العاطلة وجنت اساعدة هواية دمعت عيني مسحت عيوني وكعدت كملنة العشة واني كلش متأذاية ومااكدر حتى اباوع ع بابا لان رأسا ابجي شلنة الاكل وكملنة المطبخ ونمنة من وكت لان باجر ورانة رجعة لتكريت مكدرت انام من الخبر اللي سمعتة
اتذكرت بابا من جنت صغيرة امي تريد تشغلني ودائما تحملني مسؤولية اخواني الاصغر مني وبابا ميقبل يكللها بعدها صغيرة عوفيها
الام : ماجدة تعاي غسلي الكراج
ماجدة : اي ماما هسة اطلع
جنت كاعدة العب وية اخوية الاصغر مني اني جنت صف اول ابتدائي واخوية الاصغر مني بتلث سنوات والتهيت وتأخرت مشفت اله امي اجتي ضربتي وجرتني قوي من ايدي
الام : وج مو كتلج اغسلي الكراج رح يجي ابوج
ماجدة : ابجي واشهك اي اي والله رح اطلع
الام : مرة ثانية خلي اكلج شي ولتسوي وشوفي شنو حيصير بيج
ماجدة : طلعت واني ابجي واغسل بالكراج
الكراج مال اهلي كلش جبير يصير داير مداير البيت واني مدنكة واغسل اجة بابا من الشغل دخل السيارة واجاني
الاب : ها باباتي شبيج تبجين
ماجدة : مابية شي
الاب : اخاف تعبتي حبيبتي انطيني اساعدج
ماجدة : اخذ الصوندة مني بابا وغسل الكراج واني اساعدة ويسولفلي ع بيبي الله يرحمها
الاب : جانت امي الله يرحمها دائما دكلي اتزوج اني مااقبل اتزوج دكلي مو تكبر وتخرف ومتلكة احد يداريك اضحك عليها اكللها من اكبر واخرف ذبوني بالشارع بعد ماعليكم مني جانت تزعل مني ومرة عادت علية الاسطوانة وكلتلي شوكت تزوج مو رح تخرف ويذبوك بالشارع بهل حجاية كامت تبجي ودكول ياريت لو مكطوع لساني ولا حاجية هل كلمة كلش انقهرت عليها كتلها يمة هيج عاجبج تزوجيني كالتلي اي والله اريد افرح بيك كتلها اختاريلي مرة انتي وشافتلي امج وعجبتني وصارت القسمة ورة زواجي بشهر توفت امي تأذيت عليها كلش وصدك عبالك كلبها عالمها تريد تطمأن علية
ماجدة : دمعت عيوني علية شلون مقهور ويسولفلي كتلة الله يرحمها بس لو شايفتلك غير امي مو احسن
الاب : ضحكت بعلو صوتي واني ادري بأمها شكد مأذيتها بس ماانطي بيها واحاول اعوضها عن حنان امها
