#صفحات من الماضي
الكاتبة فاطمة عادل
علي : من حجتلي نيرمين كلبي تكطع عليها وعلى اللي صاير بيها وبأهلها لان عندها بس هل اخ
وقررت اساعد نيرمين ومااعوفها بعد ابد بس هية بعدها ع ذمة ابن عمها وماادري ابوها شنو ناوي يسوي حتى يفك نيرمين من زوجها
علاقتنة رجعت مثل اول وأحسن ويومية اكعد ادرسها قبل الامتحان وندخل للقاعة سوة نمتحن
كملت سلمت الدفتر وطلعت لكيت نيرمين مكملة
نيرمين : هاا حبيبي شلون جاوبت
علي : الحمد لله زين سهلة الاسئلة انتي شلون جاوبتي
نيرمين : زينة الحمد لله
علي بابا يدك علية دينتضرني جوة اني رايحة
علي : روحي حبيبتي نتخابر
نيرمين : اوكي بيباي
علي : رجعت للبيت تلكتني امي وكعدنة نتغدة وسولفتلها كل شي ع نيرمين
ماجدة : ولك يمة لتجيب المشاكل لنفسك هاي تعتبر متزوجة هسة يسووها عليك جبيرة
علي : يمة مااكدر اعيش بلياها
ماجدة : اني كتلك ذاك المرة اخطبها الك وماعندي اعتراض انت تحب بس اتزوجت وزوجها ارهابي يعني مصيبة جبيرة
علي : مو ابوها يريد يطلكها من عندة
ماجدة : اذا طلكت ميخالف اخطبها الك وشنو تريد اسويلك
علي : الله كريم يمة اندعيلي ويصير خير
عدت الايام وصار اخر يوم بلامتحانات واني يومية انتظرها بالكافتريا اجتي نيرمين عيونها منفوخة من البجي اتخبلت كتلها امشي للمكتبة رحنة للمكتبة كعدنة
علي : شبيج نيرمين حبيبتي ليش هلكد باجية صاير شي
نيرمين : اي علي كل شي صاير
علي : شنو صاير احجيلي
نيرمين : علي اليوم اخر يوم اشوفك
علي : ليش صاير شي
نيرمين : اليوم اخر يوم بلامتحانات وبعد مااكدر اشوفك
علي : هههههه حبيبتي وتبجين علمود هاي ميخالف حياتي بس هذاك الارهابي يطلكج اني اخطبج ونتزوج ويومية بعد تشوفيني واشوفج وكل شي نسوي وغمزتلها
نيرمين : خجلت من كلام علي وضحكت ع سوالفة وكتلة الله لايحرمني منك
علي : نيرمين اليوم عندي الج مفاجأة ورة الامتحان
نيرمين : شنووو
علي : بعدين اكول الج يلا امشي نمحتن
دخلنة للقاعة امتحنة وطلعنة اخذت سويج السيارة مال مراد واخذت نيرمين وطلعت رحنة لمحل فضة اشتريت الها محبس ابو الفص يجنن مثل الحلقة وكعدنة بالسيارة
