#صفحات من الماضي
الكاتبة فاطمة عادل
علي : تعالو اشرحة
وبديت اشرح ومندمج ومنزل راسي واجوي صديقات براء وولد اثنين بالشعبة دااشرح الهم رفعت راسي وشفت اللي متصورت اشوفة
ضليت ساكت الكلام بعد ميطلع من عندي ذبيت القلم وكمت امشي كلهم يباوعون علية عفتهم ورحت
لكيت نيرمين دتدخل للكافتريا ولابسة اسود وذبلانة اباوع عليها جوة عيونها اسود واضافرها اللي جنت احبها ممعتنية بيها والخشم العالي والدلع كلة رايح منها وكفت كبالها شافتني ارتبكت واخذت ملازمها حضنتها وطلعت ركضت
نيرمين اوكفي نيرمين
نيرمين : شنو تريد علي
علي : تعاي وياية احجي وياج
نيرمين : ايدي علي شبيك الطلاب يباوعون علينة
علي : جريتها ومشيت دخلتها لممر ورة الكلية ميروحون بي الطلاب حصرتها ع حايط وضغطت ع ايديها وصكيت ع اسناني وكتلها وج احجججيييييي اتزوجتي موووو وحبي الج وينة ليش هيج سويتي بية موتيني تعرفين شنو يعني موتيني هية بس تبجي وشايلة ايديها خايفة اضربها
موبايلي يدك مراد ارفضة خبلني كل شوية يدك شلتة
هاااا مراد شتريد
مراد : ولك وينك طبينة للقاعة الامتحان حيروح عليك
علي : اتذكرت الامتحان طبكتة ولزمت نيرمين وكتلها امشي كدامي نكمل الامتحان والي غير تصرف وياج هية تبجي وتشهك واني لازمها من ايديها وامشي سريع
نيرمين : علي رح اوكع ع كيفك
علي : امشي ولتلغين
دخلتها للقاعة كلهم يباوعون علينة كعدتها ع الكرسي مالتها ورحت كعدت وزعولنة اسئلة ع السريع اكتب حتى لتطلع كدامي واخاف بعد مااشوفها سلمت الورقة اول واحد وطلعت ضليت انتظر بباب القاعة لحد مطلعت نيرمين شوية هدئت لزمتها من ايديها ودخلت للقاعة كتلة للاستاذ بس اريد السويج مال سيارة مراد وأشرت المراد كلي الاستاذ فوت اخذة دخلت اخذتة وطلعت تمشينة للسيارة بالكراج وكعدت يمها لي ورة من البجي متكدر حتى تحجي حضنتها بقوتي وهمست باأذانها اشششش اسكتي حبيبتي كافي
نيرمين : علي خايفة يشوفوني اهلي خلي انزل
علي : نيرمين انتي صدك اتزوجتي احجيلي حبيبتي لتوجعين كلبي اكثر
نيرمين : ابجي واشهك واحجي باوع علي اني رح احجيلك كل شي
اني بعدني احبك واموت عليك
بس بابا قاري الفاتحة مالتي ع ابن عمي من جنت صغيرة ولهذا جنت احبك ومااكدر اوافق عليك بس كلت بلكي اقنع بابا يعوف هذا الموضوع ويخلينة نتزوج ومن دخل داعش ياخذون البنات بابا تخبل كال باجر زفتج ع ابن عمج وكطعو النة مهر واخذوني بالهدوم العلية ورحت لبيتهم
علي : احس عيوني تذب نار وهية سكتت وتبجي وخايفة وتباوع علية كتلها بعلو صوتي اااااااحححححجججججججيييييي
