#صفحات من الماضي
الكاتبة فاطمة عادل
ماجدة : طلعت حامل وماما فرحت بالخبر اكثر مني وراحت لجيرانة وخابرت ع اهل صلاح وبلغتهم بالحمل
الاب : بابا صحيح الاوضاع مو شي والحصار مأثر علينة بس مااتثاقل من لكمتج ويانة واذا اجوي صلاح واهلة ومتريدين ترجعين ع راحتج
ماجدة : بابا هواية اذوني
الام : عادي شنو يعني المشاكل تصير بكل بيت
ماجدة : اكيد ماما تريد ترجعني حتى لو على حساب كرامتي عدت تلث ايام واجة صلاح وامة رادو يرجعوني بابا مقبل وكال البنية تعبت من معاملتكم راحو ورة اسبوعين اجة صلاح وجايت ناس وشيوخ واصدقاء بابا
صلاح : عمي اللي صار ميتكرر اوعدك
الكل : يابة الرجال وعدك ميعيدها ويخلي بنتك بعينة
الاب : ع بركة الله حترجع ماجدة وياه
ماجدة : رجعت لكركوك وصلنة للبيت كلبي انقبص دخلت وارتب ملابسي اجة لزم بطني وباسها
صلاح : حبيبتي اني احبج تعاي وياية مشتاقلج
ماجدة : واخذني للفراش وعاملني بحنية واول مرة هيج يصير وياية وضل يومين معاملتة حلوة وثالث يوم رجع مثل مكان واكثر سهرات وطلعات ويرجع للبييت سكران تعبت منة
عدت الايام وبطني كبرت ودخلت لشهر التاسع صارت عندي الالم خفيفة شوية شوية بدت تقوة كعدت صلاح من النوم كتلة كوم وديني اخاف رح اجيب
صلاح : اهووو يعني واحد مينام
ماجدة : اكلت الالم وبدة يزداد كلش كمت اصرخ
صلاح : انتظري اروح اشوف امي
ماجدة : احس عيوني حتطلع من الالم اجوي صلاح وامة
ام صلاح : اكول عيني خانم بلا عيارة البجر تاكل شهرها كلة وانتي هستوج طابة بشهرج
ماجدة : رح اموووووت عمة
صلاح : دكومي بدلي خلي نروح للمستشفى بس اذا طلعتي دتكذبين اني اعرف شلون اتعامل وياج
ماجدة : اخذت هدومي بجنطة ورحنة للمستشفى رأسا جيبوني سألت شنو جبت كالو بنية بس رأسا اخذو الطفلة كالو للخدج للظهر كال صلاح نرجع للبيت كتلة والطفلة كال ماعليها شي بالخدج
رجعت للبيت ضلينة تلث ايام يومية ابجي واتوسل بي اكلة روح جيب الطفلة يكلي اي باجر اروح الى ان مرة خابرو المستشفى ع التلفون الارضي كالو ماتت الطفلة تعالو استلموها صلاح ابد ولا راح كال الاخو هادي وراح اخوه دفنها وقام بلأجراءات بجيت وانقهرت ومحد دار بال الي ولا للبنية الراحت
ومشت الايام وصلاح يوم بعد يوم يسوء وضرب واهاين ويجي سكران للبيت
