جميلة : مراد مش كده ؟
مراد : مستر مراد
جميلة : انا اسفة .. اتفضل حضرتك .
مراد : انتي مين ؟
جميلة : انا مترجمة والمساعدة الشخصية لمستر عبد العزيز بعتني استقبلك لانه عنده معاد مفاجئ ومقدرش يجي واثناء كلامها فتح الباب وركب السيارة
جميلة : ممكن تحط الشنط في شنطة العربية بعد اذنك .. شكراً .. نورت مصر يا مستر مراد .. قالوا عليك كلام كتير في الشركة بس .. وقطع كلامها
مراد : هنفضل واقفين كتير ؟
جميلة : هنتحرك فورا .. جميلة لنفسها ماله ده ؟ غريب .. حضرتك بقالك قد ايه مش موجود في مصر ؟
مراد : من زمان
جميلة : ما شاء الله
مراد : ليه جينا الفيلا ؟
جميلة : ما هو اكيد حضرتك تعبان من السفر وهتروح الفيلا
مراد : ارجعي وروحي الشركة وبعدين المفروض تسأليني
جميلة : انا اسفة يا مستر مراد بس توقعت كده
مراد : ارجعي يلا
جميلة : حاضر
جميلة لنفسها : بيتكلم كده ليه ده ؟ في حاجة اسمها ذوق
وبعد ان وصلوا الشركة ..
الموظفين : اهلا بيك مستر مراد .. نورت الشركة
مراد : بنوركم
سلمى : شوفتيه عامل ازاي ؟
جميلة : مستفز جدا
سلمى : اايه ! انتي مجنونة تعالي هنا .. جميلة .. عايزة اعرف ايه اللي حصل ؟ اووف
عبد العزيز : مراد .. ابني حبيبي .. حمد الله على السلامة
مراد : الله يسلمك .. طمني ايه اخبار الشركة ؟
عبد العزيز : تمام
مراد : انتي واقفة هنا بتعملي ايه ؟
جميلة : انا واقفة عشان لو مستر عبد العزيز احتاجني
مراد : اطلعي بره
جميلة : افندم !!
مراد : قولت حاجة مش مفهومة .. اخرجي
عبد العزيز : مراد .. معلش يا جميلة بعد اذنك سيبينا شوية
جميلة : حاضر يا مستر .. بعد اذنك
عبد العزيز : انت مش هتبطل طريقتك دي .. من امتى وانت كده يا مراد
مراد : من يوم ما اثبتوا عليا اني مجرم
عبد العزيز : ايوة وبعد كده طلعت برئ
مراد : طلعت برئ .. بعد قد ايه... بعدما ضاع من عمري 10 سنين وانا عايش بره بلدي .. بعيد عنكم .. حتى لما امى ماتت معرفتش اشوفها ولا ادفنها
عبد العزيز : الحمد لله انهم اثبتوا برأتك .. قولي دلوقتي طبعا انت هتقعد في مصر خلاص
مراد : هرجع تاني بس مش قبل ما اخد انتقامي من خليل
عبد العزيز : انت لسه مصمم ان هو اللي حرق المخزن واتسبب في موت شيري و زين ( زوجته وابنه )
مراد : طبعا .. عايز يخليني اتوجع بنفس الطريقة .. عايز يخليني اشوف موت ابني ومراتي قدام عيني
عبد العزيز : وهو فين دلوقتي ؟
مراد : المفروض في مصر دورت كتير وعرفت انه في مصر
عبد العزيز : هتدور عليه يعني
مراد : ايوة مش هسيبه .. هو كان عايز ينتقم مني ..معرفش يقتلني ... فقتل مراتي وابني ودلوقتي انقلبت الاية وانا دلوقتي اللي هنتقم .. المهم عايز اكلمك في موضوعنا
عبد العزيز : وانا كمان .. تعال نرجع الفيلا ونتكلم براحتنا .. جميلة عايزك
جميلة : اتفضل يا مستر
عبد العزيز : خدي الايميلات دي ترجميها وتجيبهالي في اقرب وقت .. انا راجع الفيلا
جميلة : حاضر يا فندم
وفي طريقهم للمنزل ..
مراد : جميلة دي اشتغلت من امتى في الشركة ؟
عبد العزيز : من 4 سنين لكن طبعا انت منزلتش بقالك 5 سنين
مراد : عشان كده مشوفتهاش قبل كده .... مصرية هي ؟ شكلها مش مصري لكن كلامها مصري جدا
عبد العزيز : مصرية فرنسية
مراد : فرنسية !
عبد العزيز : ابوها مصري وامها فرنسية وهي واخدة جمال امها الفرنسي .. بتتكلم 6 لغات العربية ، الفرنسية ، الايطالية ، الانجليزية والتركية والالمانية بطلاقة
مراد : واضح انها عايشة بره مصر بقالها كتير
عبد العزيز : اه هي اتولدت في فرنسا اصلا وعاشت فيها عمرها كله وبعد وفاة مامتها بسبب حادثة نزلت مصر مع ابوها
مراد : كل ده عارفه عنها ؟
عبد العزيز : بعتبرها زي بنتي وهي كمان ف حاكتلي عن حياتها بس رائعة جمال وادب وذكاء ومجتهدة
مراد : وصلنا .
في المنزل ( مكتب عبد العزيز )
مراد : لو هتفضل تتأخر عليهم في بضاعتهم بالشكل ده .. المبلغ هينزل ومتبقاش تزعل في الاخر
عبد العزيز : ما انت عارف ان اللي احنا بنتعامل معاهم هي دي طريقتهم بس في الاخر بيديك صنف كويس
مراد : و هما مش عايزين تأخير .. ده بيخسرهم واحنا كمان بنخسر فلوسهم .. الايطاليين دول مش بيهزروا
الخادمة سعاد : اهلا يا جميلة .. اتفضلي
جميلة : ايه اخبارك ؟
سعاد : الحمد لله يا حبيبتي
جميلة : مستر عبد العزيز في المكتب ولا خرج ؟
سعاد : لأ في المكتب
جميلة : تمام
جميلة ذاهبة باتجاه مكتب عبد العزيز و رفعت يديها لتتطرق الباب ... لكن توقفت وانزلتها ببطء !!
مراد : اللي انت بتبيعلهم هنا اه عاجبهم الصنف لكن اللي في ايطاليا مش عاجبهم ده غير التأخير .. ريحهم عشان يريحونا احنا كمان
عبد العزيز : يعني اعمل انا ايه دلوقتي ؟
مراد : شوف حد تاني تتعامل معاه هنا لازم تغير نوع المخدرات ده !!
جميلة لنفسها : مخدرات !!
مراد : اتصرف ، مراد متجه نحو الباب وفتحه !! وعلى وجه جميلة الصدمة والغضب والخوف .. يتبع
I hope u like it .. comment all your thoughts 🖤 & vote 😘
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
