في منزل عزت
جميلة : مين ؟
سلمى : سلمى
جميلة : سلمى حبيبتي .. وحشتيني اوي
سلمى : وانتي كمان جدا
جميلة : انتي عرفتي ازاي اني هنا ؟
سلمى : كلمتك مردتيش على الموبايل فكلمت مراد قالي ان انتي هنا
جميلة : كلمتيه !
سلمى : اه وحتى كمان قالي روحي قعدي معاها
جميلة : هو قالك كده ؟
سلمى : ايوة .. اومال فين uncle عزت ؟
عزت : انا هنا يا حبيبة انكل عزت .. عاملة ايه ؟ طمنيني عليكي
سلمى : الحمد لله والله .. حضرتك اخبارك ايه ؟
عزت : الحمد لله تمام
سلمى : تمام
جميلة : هقعد انا وسلمى في اوضتي .. تمام ؟
عزت : ايوة يلا روحوا اتكلموا واقعدوا مع بعض
سلمى : ايه يا بنتي .. لا بتسألي ولا بشوفك .. اصلا انتي ايه اللي مقعدك هنا ؟
جميلة : بغير جو .. بابا كان واحشني اوي .. فقولت اقعد معاه يومين
سلمى : اخبارك ايه مع مراد ؟ مبسوطة معاه ؟
جميلة : اااه .. الحمد لله
سلمى : جميلة انا عايزة اتكلم معاكي حتى من قبل ما تتجوزي ، من اول ما مراد ظهر
جميلة : ليه خير ؟
سلمى : انتي فيكي حاجة مش طبيعية ابدا .. من ساعة ما مراد رجع وتحديدا من بعض ما روحتي لعبد العزيز بيه الفيلا عشان توديله الايميلات .. من اليوم ده وانتي غريبة كده ساكتة وسرحانة دايما واوعي تنكري لاني متأكدة ان فيه حاجة حصلت .. وحاجة تانية انا مش مقتنعة ازاي كنتي مش طايقة مراد وقولتي عليه مستفز في اول يوم وبعديها على طول قولتي انك حبتيه .. في ايه بقى ؟ اتكلمي
جميلة : توعديني انك مش هتقولي لأي حد ايا كان مين حتى لو ابويا
سلمى : للدرجة دي الموضوع مهم .. اوعدك طبعا ، احنا اسرارنا مع بعض .. انا اختك
جميلة : اليوم اللي مراد رجع فيه وروحت الفيلا انا سمعت حقيقتهم بالغلط !
سلمى : حقيقة ايه ؟ قولي كل حاجة بالتفاصيل
وبعد ان قالت لها جميلة جميع ما حدث وجميع ما قالته لها سعاد
سلمى : انا مش مصدقة بجد .. كل ده حصل وانا معرفش يا جميلة .. ازاي متقوليش كل ده ؟
جميلة : اقولك ايه بس .. دول كانوا بيهددوني بابويا هقولك انتي
سلمى : بس انتي بتقولي ان مراد بدأ يتغير
جميلة : شوية يبقى كويس ويتعامل معايا حلو جدا وشوية يرجع زي الاول
سلمى : بس سعاد قالتلك انها اول مرة تشوفوا خايف جدا لما اضربتي بالنار ... ما يمكن فعلا حبك و ده سبب تغيره
جميلة : مش عارفة بقى يا سلمى
سلمى : وانتي ؟
جميلة : انا ايه ؟
سلمى : حبتيه ؟
جميلة : مش عارفة ... بس اول لما دخل وضرب الرجالة وانقذني ساعتها معرفش ليه حسيت زي مايكون في حاجة اتحركت جوايا وحسيت باطمئنان غريب ومعرفش ليه كان جوايا احساس انو هيجي ينقذني .. واتصدمت لما شدني وحضني فجأة .. ساعتها حسيت باحساس عمري ما حسيته .. عارفة لما قلبك ينبض بسرعة جدا .
سلمى : قلبك حبه لكن عقلك مش قادر يستوعب
جميلة : مش عارفة
سلمى : بصي يا جميلة الحب الحقيقي مش بيجمع غالبا المتشابهين دايما بيجمع المختلفين زي اتنين بينهم فرق في العمر او اتنين واحد فيهم عنده ماضي وواحد بيحب لاول لمرة ! الحب دايما بيبدأ بعتاب ، بشجار او بكره
جميلة : معاكي حق .. انا عمري ما حبيت ولا دخلت في علاقة
سلمى : عارفة مع ان كان بيتقدملك رجالة كتير بس انتي كنتي بتقولي انهم معجبين بشكلي بس وقررتي تدرسي بس
جميلة : ايوة .. بس فيه كارثة كبيرة هتفرقنا في يوم
سلمى : مشكلة ايه ؟
جميلة : صاحبه خليل .. اللي كان يعني
سلمى : ايوة وده ايه علاقته بفراقكم بعد كده
جميلة : لأن خليل يببقى ...
سلمى : يبقى ايه ؟
جميلة : اخويا !!! الراجل اللي قتل ابن مراد ومراته يبقى اخويا خليل ! عرفتي بقى
سلمى مصدومة للغاية : انا مش عارفة استوعب حتى .. واتأكدتي ازاي ؟ ما يمكن تشابه اسماء
جميلة : فكرت في كده .. اتصلت ب بابا وسألته اذا كان خليل سافر ايطاليا قبل المانيا وقالي اه وحكالي كمان السبب لمرة تانية .. نفس اللي قالته سعاد .. بس طبعا بابا ميعرفش حاجة ولا هقدر اقول لحد فيهم !!
---------------------------
في الفيلا
عبد العزيز : مراد اتصل بجميلة وخليها ترجع
مراد : ليه ؟
عبد العزيز : في معاد وعايزها تترجم
مراد : هتدخلها تاني يعني في شغلنا ؟
عبد العزيز : قصدك ايه ؟
مراد : انا مش موافق .. جميلة مش هتدخل تاني في شغلنا .. كفاية اللي حصلها بسببي
عبد العزيز : خوفت عليها دلوقتي .. ما ان كنت عايز تقتلها في الاول .
مراد : ده كان في الاول .. دلوقتي جميلة بقت بتتأذي بسببي وانا مش عايز ده يحصل تاني
عبد العزيز : انت بتقف قدامي يعني .. عشان تحميها مني مش كده ؟
مراد : انا قولت اللي عندي
عبد العزيز : احميها منك الاول
مراد : النقاش انتهى
عبد العزيز : لأ منتهاش .. تصرفك دليل على اللي انا قولته .. جميلة بقت بتأثر عليك فعلا ، دلوقتي بتبعدها وخايف عليها شوية شوية وانت كمان هتبعد ... ايه اللي بيحصلك ؟
مراد : مش عايز اتكلم
عبد العزيز : أكيد مش اللي بالي صح ؟
مراد :بابا .. انا خايف على جميلة بجد
عبد العزيز : ولما انت خايف عليها اوي كده سيبتها ليه تروح عند عزت .. مش خايف مثلا تبلغ عننا ؟
مراد : جميلة عمرها ما هتعمل كده
عبد العزيز : ليه بقى ؟
مراد : انا فهمتها .. هي مش هتعمل كده .. انا واثق فيها ومتأكد
عبد العزيز : لو فعلا خايف عليها فعلا يبقى ابعدها عنك انت يا مراد .. انا بدأت اقلق منها ، انها تتجرأ وتروح لمكان صافي ده يخلي الواحد يقلق ... انا جبرتك انك تجوزها في الاول ودلوقتي بقولك طلقها !!! ده هيكون احسن لينا وليها هي كمان
مراد : انت بتقول ايه ؟
عبد العزيز : يبقى اللي في دماغي صح .. انت حبي....
مراد بصوت مرتفع : ايوة حبيتها .. بحبها ...ارتحت كده .. سمعت اللي عايز تسمعه
عبد العزيز : حبيتها !
مراد : ومش هقدر استحمل ان يحصلها حاجة بسببي تاني
عبد العزيز : يبقى ابعدها عنك .. مراد ... مراااد رايح فين ؟
مراد واقف امام المرآة لايعرف ماذا يفعل .. لا يستطيع ان يطلقها ..لن يتحمل فراقها وايضا لن يتحمل اذا حدث لها شىء بسببه مرة اخرى .. ماذا يفعل ؟ ولكن قرر ان يفكر قبل عودتها ويتأخذ قرار
--------------------
مراد يهتم بأعماله وجميلة جالسة عند والدها وبعد مرور يومين جميلة رجعت الفيلا في الصباح الباكر وصعدت الى الغرفة .. مراد كان لازال نائما ورأته نائم في مكانها و ملابسها بين احضانه !...جميلة ابتسمت وتزكرت كلمات سعاد وجميلة ثم جلست في الشرفة تقرأ كتاب
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
