جميلة لنفسها : هتعملي ايه ؟ لو قلتي لأ هيقتلوا ابوكي و واحد زي مراد ده مش بيهزر .. ذنبك انك سمعتي حقيقتهم .. مفيش مفر .. يا ترفضي ويقتلوا ابوكي .. يا تقبلي وتعيشي مع راجل حياته كلها خطر والاكيد انك هتندمي كل يوم انك قولت موافقة !
الموظفين : يلا .. قولي موافقة
جميلة : موافقة .......... الجميع يصفق لهم
وقف مراد و وضع الخاتم في اصبعها ثم وضع يده في يديها
مراد :اضحكي
الوظفين : الف مبروك يا مستر مراد .. مبروك يا جميلة
سلمى كانت مذهولة : مبروك يا حبيبتي
جميلة : الله يبارك فيكي
عبد العزيز يشاهدهم من مكتبه : برافو عليكم .. ثم خرج ... مبروك
جميلة : الله يبارك فيك يا مستر
عبد العزيز : ايه رأيكم لو الفرح يبقى الخميس اللي جاي ؟
الموظفين : هيبقى حلو جدا
عبدالعزيز : وكلكم معزومين .. ايه رأيك يا مراد وانتي يا جميلة ؟
مراد : انا موافق جدا .. وانتي يا جميلة ؟
جميلة : انا كمان موافقة
عبد العزيز : تمام
موظفة : بس انتوا ازاي حبيتوا بعض بالسرعة دي ؟
مراد : انا حبيتها اول ما شوفتها .
موظفة : الله .. حب من اول نظرة يعني
مراد : بالظبط .. و انا مش ضامن هسافر امتى تاني .. عشان كده عايز نتجوز قبل ما اسافر تاني
موظفة : جميل جدا .. ربنا يخليكم لبعض
سلمى لم تستوعب الامر و اصبح بداخلها شك .. انه يوجد شئ مخفي !
-----------
في الفيلا
مراد : ادخلي
جميلة : متزقنيش كده وكذا مرة اقولك ايدك جامدة ودراعي بيوجعني
مراد : امشي قدامي
جميلة : ايه المطلوب تاني؟
عبد العزيز : طبعا انتي هتعيشي هنا مش في الفيلا التانية زي ما قولنا قدام ابوكي .. هتبقي قدام عيني
مراد : وانا اللي اقول امتى هتنزلي الشغل وامتى لأ ... وتضحكي قدام الناس ... حركاتك دي مش بتدخل عليا .. فاهمة ولا لأ
جميلة :فاهمة
مراد : شاطرة
جميلة : حاجة تانية ؟
مراد : انهاردة هنا في الفيلا في معاد مع راجل تركي .. الراجل ده نازل اجازة مصر واحنا استغلينا الفرصة .. المطلوب منك انك تترجمي
جميلة : هدخلوني تاني في اعمالكم دي
مراد بصوت عالي : انا قولت تنفذي من غير ما تفتحي بوقك
جميلة : انتم ايه ؟ عرفت السر بتاعكم وهتجوزك وانا مجبرة وكمان هتدخلوني في شغلكم القذر ده
غضب مراد كثيرا وامسكها من رقبتها وعلى وشك ان يخنقها
جميلة ودموعها تسقط : اااه
مراد : عارفة ايه ذنبك ؟ انك سمعتينا .... وعقابك انك هتتجوزيني وهتبقى تحت ايدي .. جوزك واعمل اللي انا عايزه بقى
عبد العزيز : مراد سيبها ... مراااد
جميلة وقعت على الارض وهي تبكي وخائفة كثيرا
عبد العزيز : مراد اتحكم في غضبك شوية
مراد : معنديش تحكم ... انا كده
-------------
مراد : قومي اعدلي شعرك .. الحمام اهو ... الراجل قرب يوصل .. وبصوت مرتفع .. قولت قومي يلا
جميلة : حاضر
جميلة دخلت الحمام .. واقفة امام المرآة .. تنظر لنفسها ودموعها تسقط .
جميلة : انتي قوية .. اوعي تضعفي .. حتى لو هتتجوزي الراجل ده .. انتي هتتجوزيه عشان تحمي ابوكي .. Je suis fort ( انا قوية ) ومسحت دموعها .. غسلت وجهها ووضعت المكياج واحمر الشفاه ورتبت شعرها
مراد وعبد العزيز جالسين ينتظرونها
عبد العزيز : اهي خلصت
جميلة : انا جاهزة وتبتسم
مراد ينظر لها باستغراب ويسأل نفسه : ازاي اتغيرتي بالسرعة دي ؟ بتضحكي كده ازاي ؟
جميلة : هيجي امتى ؟
مراد : على وصول
جميلة : ماشي وجلست
عبد العزيز : اخوكي عامل ايه ؟
جميلة : مش بنتكلم كتير ... بقالنا فترة متكلمناش
عبد العزيز : لسه مسافر هو ؟
جميلة : اه
عبد العزيز : قاعد فين هو دلوقتي ؟
جميلة : في المانيا . .. بتسأل ليه ؟
عبد العزيز : عادي
----------------
الخادمة سعاد : عبد العزيز بيه .. علي التركي وصل
عبد العزيز : احنا جايين وراكي .. يلا
علي التركي عمره 40 عام
جميلة : Hoş geldin Ali bay ( اهلا وسهلا سيد علي )
علي : Hoş bulduk( اهلا بك )
جميلة : Otur lütfen( اجلس من فضلك )
علىي: .. Ama sen kimsin? Kızı mı ? sağol ( سلمت .. لكن من انتي ؟ الابنة ؟ )
جميلة : Jamila.. Ve ben Tercüman ....Ben Arapça ve türkçe konuşuyorum Benim adım Hayır...( لا ... اسمي جميلة .. و انا مترجمة .. اتكلم العربية والتركية )
علي: Şahane ( رائع )
جميلة : Bu Abdul Aziz bay ve oğlu Murad bay Tabii...( طبعا ... هذا السيد عبد العزيز وابنه السيد مراد )
علي : tanıştığımıza memnun oldum
جميلة : انا سعيد لمعرفتكم
عبد العزيز : و احنا كمان
جميلة :bizde
علي:İşyerinde konuşmaya başla ?
جميلة : نبدأ الحديث في العمل ؟
مراد : طبعا
جميلة :Tabii
وبعد حديثا مطولأً.. انتهى ان عبد العزيز سيستورد منه صنف جديد .
علي : Tabii ki ... tekrar konuşacağız .. Türk diliniz güçlü .. Seni bu konuda tebrik ediyorum ( طبعا .. سنتحدث مجددا .. لغتك التركية قوية .. اهنئك على هذا )
جميلة : Teşekkür ederim( شكرا لك )
على : Ama sana bir şey sormak istiyorum
جميلة : لكن عايز اسألك عن حاجة .. Buyrun ( تفضل )
علي : Güzelliğin Arap değil
مراد : قال ايه ؟
جميلة : جمالك مش عربي .. Fransız annem ve Mısırlı babam( امي فرنسية وابي مصري )
على : Şaşırdım
جميلة : اندهشت .
علي : peki .. Hoşçakal
جميلة : حسنا .. مع السلامة .. Hoşçakal
مراد : بتتكلمي تركي كويس .
جميلة : شكرا ..حاجة تانية ولا اقدر ارجع بيتي
عبد العزيز : تقدري تمشي
جميلة : ماشي
--------------------
مرت ايام الاسبوع وجاء يوم الاربعاء .. الساعة الحادية عشر مساءا .. جميلة واقفة في شرفتها تبكي بكاءاً شديداً .. تبكي لانها لا تستطيع التحدث والحقيقة أن أسرع الناس بكائاً هُم هؤلاء البسطاء الذين لا يستطيعون شرح ما في قلوبهم ،فَتفيضُ الدموعُ كالكلمات !!!
مراد : بتعمل ايه هي ؟
حسن الشخص الذي عينه مراد ليراقب جميلة !
حسن : في البلكونة ومقطعة نفسها عياط .. بتعيط بالمنظر ده بقالها اكتر من ساعة ونص
مراد : استمر في المراقبة
جميلة : عايز ايه تاني ؟ الو عايز ايه ؟
مراد : كنت عايز اقولك ان فكرة انك تهربي قبل الفرح بدقايق او بساعات وتحطيني في الامر الواقع مبتاكلش معايا .. يعني بنبهك ومنصحكيش تعملي كده اولا انت مش هتعرفي اصلا لانك مراقبة 24 ساعة من يوم ما سمعتينا ولو نجحتي في الهروب مفتكرش هتقدري تاخدي ابوكي معاكي وتحكيله لاني هكون خلصت عليه من بدري .. وطبعا ده لو فكرتي تهربي
جميلة : متقلقش .. انا مش هجازف ب ابويا عشلن واحد زيك ومش عايزة اكلمك ولا اشوفك الا في الفرح و اقفلت
الساعة الواحدة ظهرا
مراد : انا تحت انزلي ..هتروحي الكوافير
جميلة : مش محتاجة انا هحط لنفسي ... لو سمحت امشي
مراد : انا تحت منتظر .. يلا
جميلة : كأني بكلم نفسي .. استغفر الله
عزت : جميلة حبيبتي .. مراد شايف عربيته تحت .. هيوديكي الكوافير هو ؟
جميلة : اه .. هلبس وانزل
عزت : طيب ماشي .. هو قالي انه هيجي ياخدني قبل ما ياخدك من الكوافير
جميلة توترت : كلمك وقالك هيجي ياخدك ؟
عزت : ايوة
جميلة لنفسها : طبعا عشان لو فكرت اهرب يبقى ابويا في ايده
-------------------
امام المحل
جميلة : سلمى ؟! بتعملي ايه هنا ؟
سلمى : مراد قالي اكون معاكي .. عشان لو احتاجتي تتكلمي معايا في اي حاجة واساندك
جميلة : كلمك عشان تكوني جمبي ؟
سلمى : وقالي كمان خدي بالك منها
جميلة : ايه !!
سلمى : ومستغربة ليه هو مش هيبقى جوزك
جميلة : لأ عادي .. يلا ندخل
سلمى لنفسها : انا متأكدة ان فيه حاجة .. دي مش جميلة اللي انا عرفاها
وجاء موعد الزفاف .. دخل مراد وجميلة القاعة وسط تصقيف هائل وصعدوا على المنصة للرقصة الاولى .. مراد يداه على خصرها وللحظة سرح في جمال عيونها الخضراء ولكنه فاق وقال لنفسه : جمالك .. عيونك دي مينفعش تزعل ! .. وتم عقد القران ورأت جميلة عينان والدها تلمع من الفرحة .. وصعدوا على المنصة للرقصة الثانية هم وكل ثنائي واثناء الرقص .. وفجأة اهتزت القاعة بقوة مع سماع صوت مرتفع والجميع يتسائل ما الذي يحدث ؟ يتبع
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
