عزت : جميلة ردي عليا ارجوكي .. بنتي
عبد العزيز : مش هترد على الموبايل ؟
مراد : دي جميلة .. ايوة يا جميلة
عزت : مراد الحقني
مراد : بابا عزت !!! في ايه ؟
عزت : جميلة يا مراد .. جميلة اضربت بالنار .. حد ضربها وجرى بالعربية قدام البيت
مراد : انا جاي حالا .. روح على اقرب مستشفى بسررعة
سعاد : مراد .. في ايه يا يبني ؟
مراد : جميلة اضربت بالنار
سعاد : يالهوي ... جميلة استنى هحط عليا العباية واجي معاك بسرعة
عبد العزيز : استنى هاجي معاك
سعاد : يلا خلاص
في المشفى
عزت : مراد .. بنتي يا مراد .
مراد : بقالها قد ايه جوا ؟
عزت : مش عارف بس نص ساعة تقريبا .. انا خايف اوي عليها .. مليش غيرها في الدنيا دي .. يارب
سعاد : عزت بيه اهدى ارجوك .. هتقوم بالسلامة ان شاء الله
مراد حالته كانت غريبة وبدأ يضرب بيده على الجدران
مراد لنفسه : مينفعش تظهري في حياتي فجأة وتختفى منها فجأة
سعاد : مرااد .. مراد اهدى .. عبد العزيز بيه
عبد العزيز : مراد ممكن تهدى .
مراد : بابا عزت .. مشوفتش شكل اللي ضرب
عبد العزيز : لأ يا يبني ملحقتش اشوف حاجة لا الرقم ولا وشه .. تركيزي كله كان معاها .. كنت بكلمها وبقولها اطلعي يلا .. فجأة اضربت ووقعت قدامي .. كل لما افتكر شكلها وهي بتقع قلبي بيتقطع
سعاد : ياربي .. انا مش عارفة ايه اللي بيحصلها من ساعة ما اتجوزت وجميلة لا عندها اعداء ولا حاجة .. دي زي الوردة
عبد العزيز : الدكتور
مراد : طمني عليها
عزت : دكتور .. بنتي حصلها حاجة ؟
الدكتور : الحمد لله .. بنتك كويسة .. الاصابة جتلها في الكتف والنزيف كان كتير شوية بس الحمد لله قدرنا نوقفه .. متقلقوش .. وحمد الله على سلامتها
عزت : ربنا يطمنك يارب
سعاد : الحمد لله يارب
عبد العزيز : حمد الله على سلامتها
عزت : الله يسلمك يا عبد العزيز بيه .. الحمد لله يارب .. احميها يارب
-----------
مراد : الو .. مين معايا ؟
مجهول : ماتت ولا لسه عايشة ؟
مراد : انت مين ؟ وعايز ايه من مراتي ؟
مجهول : يعني لسه عايشة .. المرة اللي جاية هقتلها
مراد : لاخر بسألك انت مين وعايز ايه ؟ انت مشكلتك كلها معايا انا اي كان انت مين .. ملكش دعوة بمراتي
مجهول : بس انا عارف نقطة ضعفك .. هقولهالكلما نتقابل face to face .
مراد : المكان فين ؟
مجهول : المكان هيتبعت ليك . سلام يا مراد
سعاد : مراد مالك ؟
مراد : مليش .
سعاد : رايح فين ؟ مراد
عزت : جميلة فاقت
سعاد : جميلة حبيبتي .. حمد الله على السلامة
جميلة : الله يسلمك يا سعاد
سعاد : بتعيطي ليه دلوقتي بس ؟
جميلة : خوفت جدا .. خوفت اموت .. ومشوفش بابا تاني
عزت : بعد الشر عليكي .. ده انا قلبي كان هيوقف من الخوف عليكي .. الحمد لله
عبد العزيز : حمد الله على سلامتك يا جميلة
جميلة : الله يسلمك
عبد العزيز : مراد جاله تليفون فجأة ومشى على طول
جميلة : مش مشكلة .. انا بس اللي شاغل دماغي مين اللي ضربني وعايز مني ايه ؟ انا معنديش مشاكل مع حد
عزت : انا بردو هتجنن
الشرطة حققت مع جميلة وعزت واخذوا اقوالهم والان جميلة في الفيلا
سعاد : استنى احطلك المخدة دي ورا ضهرك .. شوية والاكل هيبقى جاهز .. تاكلي وتاخدي الدوا
جميلة : شكرا على كل اللي بتعمليه معايا .. انا بحبك جدا
سعاد: انا بعتبرك بنتي من اول ما شوفتك .. وياريت بعد كده تقوليلي يا ماما .. نفسي اسمعها اوي
جميلة : حاضر يا ماما
سعاد : الله .. كان نفسي اسمعها اوي .... على فكرة مراد بيحبك
جميلة : بيحبني ! لأ بتهيألك .. مفتكرش مراد بيعرف يحب اصلا
سعاد : النهاردة انتي مشوفتيش مراد كان خايف عليكي ازاي .. انا عمري في حياتي ما شوفت مراد خايف ومتوتر كده ... من كتر خوفه وغضبه كان بيضرب بأيده على حيطان المستشفى ... انا اللي ربيته وكبرته وعمري ما شوفته خايف زي النهاردة .. انا متأكدة انه بيحبك
جميلة : للدرجة دي كان خايف ؟
سعاد : واكتر ..شوفت الخوف في عينه
--------------
مراد ذهب للشخص المجهول
مراد : هو فين ؟
# : امشي ورايا
مراد : مش هتوريني وشك؟
شخص كبير في العمر جالس وظهره لمراد يسمى صافي ويجسد شخصيته فاروق الفيشاوي
مراد : صافي !!!!
صافي : ايوة صافي .. صافي اللي ساعدك ووقف جنبك في غربتك وفي الاخر خونتيني وخسرت بسببك بنتي
مراد : انت اللي اتصرفت من ورايا .. لما روحت غيرت الاتفاق مع الناس وانا معنديش علم وكنت هموت بسببك
صافي : بس انت عايش اهو لكن انا بنتي ماتت
مراد : انا قولتلك قبل كده اللي هيحاول يضربني في ضهري هضربه قبل حتى ما يرفع ايده
صافي : قولتلك هقولك نقطة ضعفك لما نتقابل ... نقطة ضعفك هي احبائك .. لما حد بيقرب منهم ساعتها انت بتتحول وبتنفذ المطلوب ودي كانت الطريقة الوحيدة اللي اعرف اجيبك بيها
مراد : ملكش دعوة بمراتي
صافي : بس عرفت تختار .. ست جميلة
مراد : صااااااافي
صافي : اعصابك ... ندخل في الموضوع .. في عملية مهمة جدا .. تأمين شحنة اسلحة اثناء تهريبها .. وانا مش هلاقي واحد افضل منك والمبلغ كبير
مراد : ليه؟ مش انا وحش وكنت السبب في موت بنتك .. بتطلب مني ليه دلوقتي اعمل كده ؟ مش خايف لأخونك تاني ؟
صافي : لأ لأنك مش هتقدر .. انا المرة دي ضربت مراتك جميلة بس في كتفها لكن لو فشلت المرة دي هضربها في قلبها .. وهتبقى تالت ست تموت في حياتك وهوصلها بكل سهولة يعني
مراد : بتعمل كده ليه معايا ؟
صافي : عشان تحس بال العذاب اللي انا حسيته بسببك والخسارة اللي خسرتها ... انا مش هسيبك الا ما تنفذ اللي انا عايزه
-----------
في الفيلا
مراد :واقفة ليه ؟ نامي ارتاحي .. انتي مضروبة بالنار
جميلة : نايمة من بدري .. زهقت من السرير .. قولت اطلع اشم هوا شوية
مراد : حمد الله على سلامتك
جميلة : الله يسلمك
مراد : معلش اضطريت امشي قبل ما تفوقي .. جالي تليفون مهم جدا
جميلة : مفيش مشكلة .. انا مكنتش لوحدي
مراد : وحاجة تانية .. يعني ..
جميلة : قول يا مراد
مراد : انا اسف على اللي حصلك بسببي .. خطف وضرب نار .. كله بسببي انا .
جميلة : هتعمل ايه يعني ؟ انت ليك اعداء كتير
مراد : ايوة بس هما بيستغلوا نقطة ضعفي !!
جميلة نظرت له باندهاش : نقطة ضعفك !
مراد : يعني اقصد .. انهم بيأذوا كل اللي حواليا
جميلة : اها .. صح
مراد : انتي مش هتنامي ؟
جميلة : مش عارفة بس محتاجة اقعد شوية مع نفسي
مراد : تمام .. انا هنام .. هنام على الكنبة وانتي نامي على السرير
جميلة : ماشي
------------
في الصباح
مراد : انتي لسه صاحية ؟
جميلة : لأ قلقت بدري بس
مراد : ماشي .. جميلة .. انا مش عايزك تخرجي خالص الفترة دي
جميلة : ليه ؟
مراد : عشان كل شوية بيظهر عدو ليا وانا خايف تتأذي اكتر من كده بسببي .
جميلة : وشغلي ؟ هفضل لغاية امتى مش بشتغل ؟
مراد : ممكن تشتغلي من البيت لكن نزول وتظهري كده قدام الناس .. انا بدأت اقلق بجد
جميلة : مراد .. بما اني دخلت بينكم ف ياريت تقولي دايما على الي بيحصل .. عشان يبقى عندي علم لو حصل اي حاجة .. ممكن ؟
مراد : انا مش بحب كده .. لكن للاسف انتي لازم تعرفي كل حاجة بتحصل
جميلة : ياريت
مراد: انا ليا اعداء كتير في مصر وايطاليا .. كل لما بنزل مصر لازم تحصل حاجة .. بيستنوا لما بنزل ... والمرة دي شافوني اتجوزت بقى واستغلوكي
جميلة : طب اتخطفت وعرفنا السبب .. المرة دي بقى .. ليه ؟
مراد : واحد اسمه صافي كنت بشتغل معاه مع في ايطاليا اول لما سافرت .. اهتم بيا .. وبقيت دراعه اليمين .. لغاية ما في مرة كان في مهمة .. باختصار العصابة التانية كانت هتشتري منا بضاعة بمبلغ معين وفيه اتفاق .. فجأة عرفت ان الاتفاق اتغير وانا في طريقي ليهم وحصل عليا هجوم وكنت هموت وصافي كان عارف معرفش ليه مقاليش .. ساعتها انا قلبت على صافي وبقيت مع العصابة التانية .. وهو بنته ماتت .. قتلوها .. ودلوقتي هو بيتهمني ان انا السبب في موتها ... واللي خلاه يضربك انتي .. عشان هو عارف ان نقطة ضعفي اي حد قريب مني .. وعشان كمان يدوقني كل العذاب اللي هو حسه ... و حاليا في شحنة كبيرة محتاجة تتأمن ومطلوب مني اني اامنها اثناء تهريبها
جميلة : و انت عايز تعمل كده ؟
مراد : مش عايز اشتغل معاه تاني لكن لازم اعمل كده
جميلة : ليه لازم ؟ يعني هيحصل ايه لو منفذتش ؟ هيقتلوك ؟ مرااد سرحت في ايه ؟ مراد !
مراد : عايزة الحقيقة ؟
جميلة : طبعا
مراد : هيقتلك انتي !
جميلة : أنا ! وابتسمت .. لو كان عايز يقتلني كان قتلني المرة دي .. متروحش
مراد : انتي مش عرفاه .. هيقتلك بجد
جميلة : وانت مش عايزني اموت ؟ مراد صمت وينظر لها
مراد : مينفعش حد يموت بسببي وهو ملوش ذنب
جميلة : تمام .. اعمل اللي انت عايزه .. لكن هي هتكون امتى ؟
مراد : بكره
جميلة : اتصرف زي ما انت عايز .. مش هجبرك
------------------------------
مرت الساعات حتى جاء اليوم التالي وموعد العملية الساعة الواحدة ليلاً بعد منتصف الليل
جميلة نائمة ومراد أخذ أسلحته و وصعد الى السيارة وفي طريقه للمكان المحدد .
ووصل للمكان وهو عبارة عن ارض خالية ، مظلمة .. لا يوجد بها غير البضاعات وشاحنات
صافي : كويس انك جيت
مراد : انا جاهز
صافي : يلا
وفجأة
جميلة : ولو مكنش مراد نفذ ... كنت هتقتلني .. مش كده ؟ يتبع
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
