مراد : انتي بتعملي ايه هنا ؟ جميلة خائفة من نظرة عيناه الحادة
جميلة : انا .. وامسكها من ذراعها
مراد : ادخلي
عبد العزيز : سمعتينا يا جميلة
جميلة : مستر عبد العزيز انت ازاي كده ؟ مخدرات !
عبد العزيز : معلش بقى ما هو كل واحد فينا عنده حتة ضلمة كده في حياته .
جميلة : مش معقول .. انا اعتبرتك زي ابويا .. ازاي ؟ هاا ازاي ؟
عبد العزيز : وانتي فاكرة ان الناس كلها ملاك زيك كده .. تبقي غلطانة يا جميلة
جميلة : عمري ما كنت اتخيل انك تطلع كده
عبد العزيز : وهديكي عرفتي
جميلة : انا مستحيل اكمل شغل في شركتك .. انا هستقيل
مراد : رايحة فين ؟
جميلة : ابعد ايديك دي عني
مراد : صوتك ميعلاش
عبد العزيز : خدها على البدروم
جميلة : ابعد عني
مراد : اخرسي .. مش عايز اسمع صوتك
جميلة : ابعد ايديك
مراد : اخرسي يا اما هقتلك .. مش عايز اسمع نفس
جميلة : افتح .. حراااام عليكوا .. وجلست تبكي
مراد : اقتلها ؟
عبد العزيز : البنت دي ذكية جدا وبتتكلم لغات كتير وبما انها عرفت حقيقتنا تبقى تنضم لينا و نستفاد منها
مراد : وليه ندخلها بينا .. ما اقتلها و سرنا يدفن معاها
عبد العزيز : هو ايه اللي اقتلها ؟ حياتها مفيدة اكتر لينا
مراد : و تفتكر لو سيبناها حية وبقت معانا مش هتبلغ عننا في اقل حركة هتضايقها
عبد العزيز : هي وفية جدا بس بردو ناخد احتياطنا
مراد : قصدك ايه ؟
عبد العزيز : يعني نشوف حل يخليها معانا وتحت سيطرتنا
مراد : نمسك عليها حاجة
عبد العزيز : البت دي نضيفة مفيش حاجة في حياتها نقدر نمسكها عليها
مراد : نقطة ضعف ؟
عبد العزيز : ابوها
مراد : عايز معلومات عن حياته
عبد العزيز : ابوها عليه دين كبير وده من الاسباب اللي خلاه يرجع من فرنسا عشان يبيع الاراضي بتاعته اللي في مصر ويسدد ديونه لكن مكفاش واضطر ياخد فلوس من ناس اعرفهم تحت ايدي ومضى على وصلات امانة
مراد : هو ده عايزهم
عبد العزيز : هجيبهم .. استنى هتصل بيهم .. الو .. وصلات الامانة بتاعت عزت .. عايزها
الشخص : وصلات امانة ايه ؟
عبد العزيز : اللي هو مضى عليهم
الشخص : ما هو سددهم و اخدهم واقطعهم
عبد العزيز : سددهم ازاي ؟ وهو معاه اصلا حاجة
الشخص : انا ميهمنيش بقى يا عبد العزيز بيه جابهم ازاي .. المهم ان فلوسي رجعت وطبيعي ان هو ياخدهم بدل دفع
عبد العزيز : غبي .. اقفل
مراد : يعني وصلات الامانة مش موجودة .. براافو
عبد العزيز : مراد ممكن تهدى
مراد : تقدر تقولي هتتصرف ازاي
عبد العزيز : بفكر ... لقيتها
مراد : ايه ؟
عبد العزيز : تتجوزها !!!
مراد : نعم !
عبد العزيز : وايه المشكلة ؟ هو انا بقولك اتجوز واحدة وحشة ولا من الشارع .. دي حلوة زي ما انت شوفت
مراد : لأ مقدرش اعمل كده
عبد العزيز : ليه ؟ مش عايز تتجوز بعد شيري .. انت عمرك حبيتها اصلا ؟
مراد : ليه بتقول كده ؟
عبد العزيز : تصرفك بيقول كده
مراد : شيري كانت ست جميلة وذكية
عبد العزيز : صح .. بس انت عمرك ما حبيت يا مراد .. انا ابوك وعارف .
مراد : المهم دلوقتي دخلت في شيري ونسيت اللي احنا فيه .. ندور على اي حل تاني
عبد العزيز : مفيش غير انك تتجوزها وتبقى تحت سيطرتنا وبعدين لو قتلتها .. موتها هيلفت النظر والكل هيلاحظ اختفاءها .. مفيش حل غير كده
مراد : اكيد في حل تاني غير الجواز
عبد العزيز :وصلات الامانة وابوها اقطعها .. انت شايف حل تاني ؟
مراد : لأ
عبد العزيز : تعال نروحلها
جميلة جالسة على الارض تبكي وخائفة ان يقتلوها
عبد العزيز : لا انا كده ازعل .. بتعيطي ليه ؟ مينفعش العينان الجميلة دي تعيط
مراد : قومي اقفي
جميلة : سيبوني امشي ومش هقول اي كلمة عنكم .. صدقوني .. والله ما هقول وعلى استقالتي هقول اني لقيت شغل احسن .. مش هتشوفوا وشي تاني
عبد العزيز : بس احنا منقدرش على بعادك
جميلة : قصدك ايه ؟
عبد العزيز : يعني احنا قررنا انك تبقى مننا بما انك عرفتي سرنا
مراد : هتتجوزيني
جميلة : انت مجنون
مراد بصوت عالي : بت .. اتلمي .. اياك اسمع منك حاجة زي كده
جميلة : الموت ارحم من اني اتجوز واحد زيك
مراد : هتتجوزيني سواء عايزة ولا مش عايزة .. انا مش جاي اخد رأيك
جميلة : مستحيل .. اقتلني ارحم
مراد اخرج السلاح من جيبه فورا وصوبه نحو رأسها .. جميلة رجعت خطوة للوراء وهي خائفة
مراد : مالك ؟ مش بتقولي اقتلني .. انا معنديش قلب .
عبد العزيز : مراد نزل السلاح
مراد : اتصرف انت .. انا اتخنقت .. انا خارج
عبد العزيز : شوفتي معندوش تفاهم .. ياريت تروحي تسألي بابا لو ينفع نقابله النهاردة .. يلا روحي
جميلة : بكرهك
عبد العزيز : استني عندك .. لو فكرتي بس انك تبلغي عننا ، ساعتها تبقى تروحي تقرأي الفتحة على روح ابوكي
وفي طريقها الى المنزل
سواق التاكسي : انت كويسة يا انسة ؟ انت بتعيطي
جميلة : انا كويسة .. شكرا
جميلة لنفسها : هتعملي ايه ؟ هتتجوزي الراجل اللي معندوش قلب ده .. ولو رفضتي هيقتلوا ابوكي ودول مش بيهزروا .. يااارب ساعدني
والد جميلة ( عزت ) : اهلا يا حبيبتي .. اتأخرتي ليه ؟
جميلة : معلش يا بابا كان عندي شغل
عزت : طيب .. يلا ادخلى غيري هدومك عشان تاكلي
جميلة : ماشي
عزت : مش بتاكلي ليه يا جميلة ؟ انتي كويسة ؟
جميلة : في موضوع عايزة اكلمك فيه
عزت : قولي
جميلة : مستر عبد العزيز
عزت : ماله؟
جميلة : ابنه عايز يقابلك .. عايز يتجوزني يعني .. هو بقاله يومين بيقولي بس انا كنت محرجة منك
عزت : هو ليه ابن اصلا ؟
جميلة : اه اسمه مراد كان عايش بره
عزت : ماشي خليه يجي نشوفه وطبعا ابوه هيجي مش كده ؟
جميلة : اه طبعا .. يجي امتى ؟
عزت : اي وقت
جميلة : ينفع النهاردة ؟
عزت : انهاردة ! كان المفروض ابقى عارف قبل كده موبايلك بيرن ..مش هتردي
جميلة : هرد بعد اذنك يا بابا .. الو مين معايا ؟
مراد : جوزك
جميلة : متقولش جوزك ؟ عايز ايه ؟
مراد : هنيجي بعد ساعة
جميلة : هو ايه اللي ساعة ؟ انت بتهزر ؟ طب حتى اعرف العنوان وقفل
جميلة : قليل الذوق
عزت : مين ؟
جميلة : مراد .. بيقولي ينفع يجوا بعد ساعة .. لأن عنده معاد مهم بعد كده
عزت : ساعة ! ايه الاستعجال ده .. ماشي
جميلة : تمام
وبعد ساعة ..
عزت : اهلا عبد العزيز بيه .. مراد مش كده ؟
مراد : ايوة
عزت : اتفضلوا
عبد العزيز : اومال عروستنا فين ؟
عزت : جاية .. اهي جت
عبد العزيز : ازيك يا جميلة ؟
جميلة : تمام
عبد العزيز : عروسة ابني الجميلة ولا ايه يا مراد ؟ مراد .. مراد
مراد : هاا
عبد العزيز : عروستك جميلة وهي جميلة .. اسم على مسمى
مراد : جميلة
عبد العزيز : ربنا يباركلك فيها يا استاذ عزت
عزت : يارب
عبد العزيز : ندخل في الموضوع .. احنا جايين النهاردة عشان نطلب ايد جميلة لابني مراد على سنة الله ورسوله وطبعا طلباتكم كلها جاهزة هيكون ليها فيلا خاصة بيها وممكن يقعدوا معايا في الفيلا ليهم اوضة لوحدهم .. مهرها وشبكتها كله جاهز
عزت : ما شاء الله .. بس انا عمري ما سمعت ان انت عندك ابن
مراد : كنت عايش بره .. بس من ساعة ما رجعت وشوفت جميلة وانا مش متخيل حياتي مع واحدة غيرها ( وينظر لها )
عزت : للدرجة دي .. بس انتم ملحقتوش تتعرفوا على بعض
مراد : انا حبيتها .. تقدر تقول حب من اول نظرة
جميلة تنظر له وتقول لنفسها : كداب .. بكرهك
مراد : ارجوك وافق ومتحرمنيش منها
عزت : ايه رأيك يا جميلة ؟
جميلة : اللي تشوفوا يا بابا
عزت : ماشي بس بردو نشوف رأيك انتي .. موافقة ولا لأ ؟ ولا حابة تفكري اكتر .. في هذه اللحظة مراد نظر لها نظرته الحادة وبابتسامة باردة
جميلة : موافقة .
عبد العزيز : نقرأ الفتحة بقى .. الف مبروك
عزت : الله يبارك فيك .. كانت امنيتي اني اشوفها مع عريسها قبل ما اموت
عبد العزيز : متقولش كده ربنا يخليك ليها
مراد : الفرح هيكون امتى ؟
عزت : فرح مرة واحدة.. طب اقول خطوبة ..كتب كتاب .. مستعجل كده ليه ؟
مراد : عشان بحبها وهي كمان بتحبني
عزت : انت هنا في مصر بقالك قد ايه عشان تلحق تحبها كده ؟
مراد : شهرين .. اتقابلنا واتكلمنا واعتقد دي فترة كويسة اننا نتعرف فيها على بعض وكتب الكتاب يبقى مع الفرح .. لاني كمان احتمال اسافر شوية وعايز اكون اتجوزتها خلاص و ممكن اخدها معايا كمان
عزت : فهمت
عبد العزيز : نشوف العروسة عيزاه امتى؟ نظر لها نظرة خبيثة
جميلة : بما اني بحب مراد وهو كمان بيحبني وعرفنا بعض كويس في خلال شهرين يبقى ممكن يوم الخميس اللي جاي
مراد : وانا موافق
عبد العزيز : انا شايفه مناسب وحضرتك يا استاذ عزت ؟
عزت : ماشي .. زي ما هي عايزة .. واضح ان بينكم حب كبير لدرجة محدش يتخيلها
مراد : جدا .. المفروض كنا نيجي نقابلك من بدري بس جميلة كانت محرجة ومترددة عشان كده انا مستعجل شوية .. مش عارف سفري هيكون امتى
عبد العزيز : طيب نستأذن احنا
عزت : لسه بدري
عبد العزيز : معلش وبعدين احنا هنتقابل كتير لسه .. مع السلامة
عزت : مع السلامة
مراد : هكلمك يا حبيبتي .. جميلة نظرت له وكأنها تقول له بكرهك
عزت: الف مبروك يا حبيبة بابا .
جميلة : الله يبارك فيك يا بابا .
عزت : واضح انه شاب كويس .. وحالته المادية كويسة وبيحبك كمان .. مش مصدق اني هشوفك عروسة
جميلة رأت في أعين والدها فرحة وسعادة لم تراها في عيناه من قبل .. تضحك امامه وبداخلها نيران تحرق قلبها وصوت يصرخ بداخلها !! يتبع
Vote plz 🖤😘
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
