في المشفى
الدكتور : حضرتك جوزها ؟
مراد : لأ انا مديرها .. هي كويسة ؟
الدكتور : اه حالتها كويسة جدا وا خدت مهدئ .. و تقدر تدخل ليها .. حمد الله على سلامتها
مراد : الله يسلمك .. شكرا
مراد دخل الغرفة وجلس امامها يتأملها
مراد : واحدة زيك ذكية وشجاعة ومجتهدة وقلبها طيب و .. وجميلة كمان ، متستاهلش واحد زي .. يعني اي واحد هيتمنى واحدة زيك جميلة لكن انا مش عايز اكرر تجربة ..... وبدأت جميلة تعود لوعيها
جميلة : انا فين ؟
مراد : في المستشفى .. اغمى عليكي في الاسانسير وجبتك هنا
جميلة : جبتني هنا بنفسك ؟
مراد : اه
جميلة : شكرا ليك
مراد : العفو
الدكتور : حمد الله على سلامتك
جميلة : الله يسلمك يا دكتور .. اقدر اخرج ؟
الدكتور : اه تقدري
جميلة : شكرا
مراد : انا هروح اخلص الاجراءات
-------------
عزت : رجعتي يا جميلة .. تعالي يلا عشان تتغدي
جميلة : مش جعانة يا بابا .. معلش مش هقدر .. انا هدخل انام
عزت : طيب لما تجوعي .. الاكل موجود عموما
جميلة دخلت غرفتها واقفلت على نفسها كالعادة واخذت مزكراتها وجلست على سريرها تكتب
جميلة : انت اغرب راجل شوفته في حياتي .. فيك كل الصفات الوحشة وعكسها .. ليه النهاردة اخدتني بنفسك للمستشفى مش حد تاني ؟ يا ترى هي دي شخصيتك ؟ ولا مجرد مظهر خارجي ؟ شوفت في عينيك كذا راجل .. انت غريب
--------
في الفيلا
مراد واقف في الشرفة وفي يداه كأس نبيت
مراد لنفسه : انت جاي هنا عشان تاخد حق مراتك وابنك بس..... مش لحاجة تانية
عبد العزيز : ممكن ادخل ؟
مراد : اتفضل
عبد العزيز : بتشرب دلوقتي .. مش بدري
مراد : لأ
عبد العزيز : جميلة كويسة ؟
مراد : اه
عبد العزيز : سلمى قالتلي انك شيلتها وخدتها للمستشفى بنفسك
مراد : ايوة في حاجة يعني ؟
عبد العزيز : لأ عادي
مراد : بتلمح لأيه ؟
عبد العزيز : ليه هو في حاجة عشان المح ليها ؟
مراد : لأ مفيش
عبد العزيز : اه كنت هنسى .. متنساش تبقى تاخد جميلة عشان تختار فستان الفرح .. الباقي انا هعمله القاعة وكل ده
مراد : ماشي
عبد العزيز :تصبح على خير
اليوم التالي ..
في الشركة .. جميلة واقفة مع المدير المالي تضحك معه
مراد : جميلة فين ؟
سلمى : جميلة .. جميلة .. اه كنت شيفاها مع مستر محمد
مراد : ماشي
سلمى : غريبة بيسأل عنها كل شوية ليه ؟
مراد : جميلة عايزك
محمد : ايه اخبارك يا مراد ؟
مراد : كويس .. جميلة تعالي
جميلة : بتكلم مع محمد في حاجة وهاجي على طول
مراد لم ينتظر ومسكها من يديها والجميع ينظر لهم
جميلة : مراد .. سيب ايدي .. بيبصوا علينا
مراد : ادخلى واقفل الباب
موظفة : تعالي هنا ده انتي فاتك حاجة مش هتتخيليها
موظفة 2 : ايه ؟
موظفة : مستر مراد مسك جميلة من ايديها و شدها وراه
موظفة 2 : من ايديها ! انا قولتلك ايه امبارح .. شكله معجب بيها
موظفة : اه ولا لما شالها امبارح .. رومانسي اوي .. يا بختها
سلمى : ممكن تشوفوا شغلكوا بدل الرغي ده
-----------
مراد : انتي بتستهبلي صح ؟ احنا قولنا ايه اول امبارح .. اننا نقرب من بعض في الشركة عشان نلفت انتباهم ويقتنعوا لما نتجوز .. واقفة تتكلمي مع ده وتضحكي مع ده
جميلة : المطلوب مني اعمل ايه ؟ رايحة جاية اراقبك واقولك بحبك قدامهم .. اعمل ايه انا ؟
مراد : بقولك ايه .. انا لغاية دلوقتي هادي وماسك نفسي .. قسماً بالله لو قلبت هتشوفي راجل تاني .. فاهمة ولا لأ ... انتي لسه متعرفنيش ولا شوفتي طريقتي الحقيقة .. اتعدلي كده ونفذي اللي اتقالك .. مش هتصعبي عليا لما اقتلك !
جميلة : سيب دراعي.... بتوجعني .. سيبه
مراد : استنى عندك .. النهاردة هاخدك وهتشتري فستانك .. ومتقوليش ولا كلمة لاني مش باخد رأيك .. اختفي من قدامي .. يلا
جميلة : بكرهك
سلمى : جميلة
جميلة : نعم
سلمى : تعالي .. الشركة هنا كلها بتتكلم عنك انتي ومراد .
جميلة : بيتكلموا ازاي يعني ؟
سلمى : بيسأل عنها ليه كل شوية .. بصوا نظراته ليها .. شكله معجب بيها .. وخصوصا امبارح لما شالك وجرى بيكي على المستشفى وانهاردة اهو لما شدك من ايديك .... في ايه بقى ؟ انتم بينكم حاجة ؟
جميلة : يعني انا معجبة بشخصيته وبه واعتقد كده هو كمان على حسب كلامك .. يعني مكنتش اتوقع اني ممكن اعجب بيه بالسرعة دي واحس ان هو ده الراجل اللي اتمنيته طول عمري
سلمى : مع انك الاول قولتي عليه عكس كده
جميلة : معرفش فجأة حسيت نفسي اني بحبه ولما شدني دلوقتي من ايديا .. ده بيدل انه غار
سلمى : قالك ايه ؟
جميلة : قالي انه مش عايزني اتكلم مع حد في خلال الشغل يعني
سلمى : ده بيغير فعلا .. بس انتي بقالك يومين كده وشك متغير خالص .. زي ما يكون حاجة حصلت ومش بتكلميني .. انتي كويسة ؟
جميلة : انا كويسة متقلقيش
موظفة : مش مصدقة اللي انا سمعته !!!!.. مستر مراد وجميلة ! مش معقول
-----------
الساعة الخامسة
مراد : اختاري يلا
جميلة : بالنسبة ليا انا بختار فستان اعدامي
مراد نظر لها ثم قال اختاري فستان اعدامك بسرعة
البائعة : ده هيكون رائع عليكي .. انتي جسمك حلو وده هيبقى جميل عليكي
جميلة : مش هتفرق .. هاتي اي حاجة
-----------
جميلة : ياريت متدخلش الشارع .. نزلني هنا .. السكان بيخافوا منك
مراد : خافي انتي كمان بردو .. انزلي
جميلة : بشع
جميلة وضعت الفستان على السرير وجلست تبكي بجانبه .. تشعر بأن يوم الخميس هو يوم اعدامها وليس زفافها
جميلة : كل بنت بتتمنى اليوم ده إلا انا .. حسبي الله ونعم الوكيل فيكم ... ياااارب ساعدني ! ونامت وهي تبكي
----------
في الشركة
مراد : جميلة .. جميلة .. بكلمك
الموظفين : ايه ده في ايه ؟
جميلة : عايز ايه مني ؟
مراد : استني .. ومسك يديها وشدها اليه
جميلة : عايز ايه ؟ سيبني لو سمحت
مراد : لأ
جميلة : مرااد سيبني .... عايز ايه مني ؟ اتكلم
مراد : عايزك انتي .. بحاول اوضح ليكي لكن انتي مش فاهمة ولا واخدة بالك
جميلة : من ايه ؟
مراد : اني .... اني بحبك !!!! ايوة بحبك .. بحبك من اول يوم شوفتك فيه .. لفتي نظري من ساعة ما خدتيني من المطار
جميلة : انت بتقول ايه ؟ بتعمل ايه ؟
مراد : تتجوزيني ؟
الجميع في صدمة وينظر لبعضه
الجميع بصوت واحد : قولى موافقة ... يلا
عبد العزيز واقف يشاهدهم من مكتبه منتظر اجابتها : برافو عليكم .. هو ده المطلوب .
جميلة كانت في حالة صمت .. كأنها فقدت النطق .. واقفة خائفة ليس منه خائفة على والدها اذا قالت لا ... قلبها وعقلها توقف ليس من الفرحة لكن من الخوف الشديد !!! يتبع
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
