في الصباح
مراد غفى وهو جالس على الكرسي بجانبها وجميلة لازالت نائمة وبدأت تقول بصوت منخفض : بابا .. بابا .. متقتلهوش .. لا لا .. وفجاة بصوت مرتفع باااابا
مراد : جميلة في ايه ؟
جميلة : بابا .. بابا
مراد امسك ذراعها : اهدي
جميلة نظرت له : انت قتلته صح ؟
مراد : قتلت مين ؟
جميلة : بابا
مراد : انا مجتش جنب ابوكي
جميلة بدأت تبكي وتنظر حولها : انا فين ؟ وسرير مين ده ؟
مراد : اوضتي .. اوضتنا يعني وده طبعا سريري و انا كنت نايم على الكرسي ده
جميلة : ابعد ايديك عني .. متلمسنيش .
مراد : ادخلي خدي شاور والفطار بيجهز دلوقتي .. ده معاده يعني
جميلة : انا عايزة اقلع الفستان ده ..اووف .. ااه
جميلة شعرت بدوخة عندما وقفت وكانت ستقع ولكن مراد مسكها من خصرها و وبدأت نظرات عيونهم
جميلة : ياريت تخرج بره الاوضة عشان لما اطلع من الشاور ..
مراد : تحبي اساعدك في الفستان ؟
جميلة : افندم !!! اخرج لو سمحت واقفلت الباب وراءه
جميلة كانت خائفة منه للغاية وقبل انا تمشي خطوتين من عند الباب
مراد : بابا عزت
عزت : صباح الخير
مراد : صباح النور .. عايز ابلغك ان جميلة فاقت وهي كويسة
عزت : الحمد لله .. هي فين عايز اكلمها ؟
مراد : دخلت تاخد شاور وهتاكل بعد كده
عزت : طيب انا هكلمها بعدين
----------
سعاد : جميلة .. حمد على سلامتك ..قلقت عليكي خالص امبارح
جميلة : الله يسلمك .
سعاد :يلا الفطار جاهز اهو و عبد العزيز بيه ومراد بيه منتظرينك
عبد العزيز : صباح الخير يا عروسة
جميلة : خير ! صباح النور
مراد : كلي كويس .. نظرت له جميلة باستغراب وقالت : ماشي
عبد العزيز : انهاردة فيه حفلة .. حفل بمناسبة السنة 18 للشركة وهيكون فيها صحفيين كتير وكاميرات ورجال اعمال وطبعا لازم تكونوا موجودين .. الثنائي الجديد
مراد : امتى ؟
عبد العزيز : الساعة 7 هتبدأ
مراد : ماشي ..رايحة فين ؟
جميلة : الاوضة ...موبايلي فين ؟ مش حطيته هنا امبارح ..راح فين ده ؟ ..لأ مش للدرجة دي أكيد ونزلت على السلالم بسرعة
عبد العزيز : عايز اقولك النهاردة عندنا معاد مع امين .. عايزنا نأمله البضاعة
مراد : امتى ؟
عبد العزيز : بعد الحفلة
جميلة : مراااد .. أكيد موبايلي مش معاك صح ؟
مراد : عيزاه ليه؟
جميلة : لأ مش للدرجة دي .. عايزة اكلم بابا
مراد : خدي
جميلة : ممكن اعرف موبايلي بيعمل ايه في جيبك ؟
مراد : هتتكلمي ولا اخده تاني ؟
جميلة : استغفر الله
مراد : يلا
جميلة : الو بابا وبدأت دموعها تسقط .. عامل ايه ؟
عزت : انا كويس يا حبيبتي .. انتي طمنيني عليكي .. بقيتي احسن ؟
جميلة : الحمد لله .. متقلقش عليا
عزت : مراد طمني عليكي
جميلة نظرت له : وحشتني
عزت : وانتي كمان يا حبيبة بابا .. هشوفك بكره بس هقابل بكره عمك سالم جارنا وهكلمك بعديها
جميلة : تمام
عزت : يلا اسيبك بقى مع جوزك ..سلام حبيبتي
الجرس رن
شخص : مدام جميلة ساكنة هنا ؟
سعاد : اه .. انت مين ؟
شخص : البوكيه ده لمدام جميلة
سعاد : انا هوصله ليها ..شكرا
مراد : مين هيجي دلوقتي ؟
سعاد : جميلة .. بوكيه الورد ده علشانك .. حد بعته ليكي
جميلة : ليا انا ؟ غريبة
مراد : مين جابه؟
سعاد : تقريبا اللي بيوصل الطلبات .. عامل يعني ..بس شكله جميل جدا وريحته كمان .. هروح اشوف اللي ورايا
جميلة : في كارت
عبد العزيز : مكتوب ايه ؟ مالك مصدومة كده ليه ؟
مراد شد الكارت من يدها
مراد : حمد على سلامتك يا جميلة الجميلات ... غضب شديد في عيون مراد .. مين ده ؟ انطقي
جميلة : معرفش
مراد : يعني ايه متعرفيش ؟ مين اللي كاتب كده ؟
جميلة : قولت معرفش .. انا لا ارتبط قبل كده ولا اتخطبت ولا حتى كان في اعجاب .. انت اول واحد في حياتي .. معرفش
مراد : رقم مين ده اللي بيتصل على موبايلك ؟
جميلة : وريني اشوف .. معرفش .. الو .. مين معايا ؟
مراد : افتحي الصوت
جميلة : انت مين ؟
شخص مجهول : عجبك الورد ؟انا اخترته بنفسي علشانك
جميلة : مين انت عشان تبعتلي ورد ؟
شخص مجهول : يعني وصلك .
مراد : هاتي .. انت ازاي تتجرأ انك تبعت ورد لمراتي ؟ انت اكيد اللي اتصلت امبارح
جميلة : مراد اقفل
مراد : انت مين ؟ مفيش حد يقدر يبعت كده لزوجة مراد عبد العزيز
شخص مجهول : بس هي عجباني .. هكلمك تاني متقلقش
مراد : الو .. قفل
جميلة : تليفوني هيفضل معاك كتير ؟
مراد : هيفضل معايا ومش عايز نقاش
جميلة : مفيش فايدة فيك .. انا قايمة
وتمر الساعات .. جميلة جالسة تكتب مزكراتها وتشكي لها .. تكتب كل ما في داخلها ، مراد جالس يتحدث في الهاتف عن اعماله الغير شرعية .. الممنوعات اقصد .. وجميلة تنظر له وهو ينظر لها حتى جاءت الساعة السادسة ونصف
مراد : جميلة .. يلا عشان .. وسرح في جمالها وفي جمال فستانها وشعرها
جميلة : انا جاهزة .. مراد .. مرااد
مراد : عشان منتأخرش
جميلة : اايه ! انا جاهزة خلاص .. يلا
مراد فتح باب السيارة وجلس
مراد : اركبي
جميلة : في حاجة اسمها افتح الباب للست اللي معايا لكن هقول لمين ؟
مراد : بتقولي حاجة ؟
جميلة : لأ مبقولش .. يلا يلا عشان منتأخرش
ووصل الثنائي الحفل وايديهم في ايادي بعض وينظرون لبعضهم وفجأة الجميع صقف لهم ويباركون لهم والصحافة تلتقط لهم صور
صديق عبد العزيز ( مالك ) : ما شاء الله يا مراد .. عروستك جميلة .. اسمك جميلة مش كده ؟
جميلة : ايوة جميلة
مالك : ما شاء الله اسم على مسمى .. ربنا يخليكم لبعض
زوجته : لايقين على بعض جدا .. ربنا يحميكم .. زي القمر
ونظروا لبعضهم
جميلة : انا هروح الحمام اظبط مكياجي واجي
مراد : روحي
مرت 15 دقيقة وجميلة لم تعد !!!
مراد : لو سمحت جميلة مراتي راحت الحمام ومرجعتش .. مشوفتهاش ؟
عامل : لأ يا مراد بيه
مراد : شكرا .. هشوفها انا .. روح انت يا بابا
عبد العزيز : ماشي
مراد : جميلة ... جميلة
سيدة بالداخل : حضرتك بتعمل ايه ؟ هنا حمام سيدات
مراد : انا اسف بس مراتي دخلت بقالها اكتر من ربع ساعة .. لو سمحتي شوفيها لو جوا اسمها جميلة
السيدة : مدام جميلة .. مدام جميلة .. مفيش حد
مراد : شكرا ليكي .. راحت فين دي ؟ تكون هربت .. اكيد هربت .. انا هوريكي
عامل في الفندق : مراد بيه .. مراد بيه
مراد : في ايه ؟ خد نفسك
العامل : مدام جميلة مراتك .. اتخطفت !!!!! يتبع
أنت تقرأ
العشق المستحيل
Mystery / Thrillerتدور أحداث القصة عن الشاب مراد الذي اُتهمَ بحرق منزل صديقه خليل والتسبب في وفاة الام والابن الصغير وهو في عمر 19 ، صديقه الذي كان لايفارقه للحظة تتحول صداقتهم الى عداوة بشعة ، ويضطر عبد العزيز والد مراد ان يُسفر ابنه خارج البلاد حتى يثبت أن مراد ب...
