العشق المستحيل

chapter 9

العامل : مدام جميلة مراتك .. اتخطفت !!!
مراد : اااايه ! انت بتقول ايه؟ اتخطفت ازاي ؟
العامل : هي كانت داخلة الحمام وقبل ما تدخل واحد كلمها  معرفش قالها ايه وراحت معاه  .. انا استغربت شكله وشكيت فيه ف مشيت وراه وفجأة شممها حاجة واغمى عليها طلعت اجري وراه لكن ملحقتش وكنت بدور على حضرتك 
مراد : وازاي يعمل كده وسط الناس دي كلها
العامل : في الوقت ده كان الكل اتجمع
مراد : مشوفتش رقم العربية ؟
العامل : مكنش فيه رقم اصلا .. متشالة
مراد يجري مسرعا ويتصل بها
مراد : موبايلها معايا .. ياربي .. غبي يا مراد .. غبي
جميلة : انتم مين ؟ عايزين مني ايه ؟
الخاطف : عايزك انتي
جميلة : اوعى تلمسني .. ابعد ايديك
مراد : الو
الخاطف :  مراتك حلوة اكتر من قريب
مراد : انت تاني ... ايااك تلمسها .. فاهم ولا لأ ؟ ايااااك ..  لو لمست حتى خصلة من شعرها  هقتلك
الخاطف : براحة عليا .. بس موعدكش هقدر ولا لأ
مراد : متستفزنيش  .. اياك تيجي جمبها ... هقتلك  والله هقتلك
الخاطف : وعشان متزعلش هخليك تسمع صوتها .. عشان تعرف بس اني احسن  منك  .. خدي
جميلة : مراد  .. انا خايفة
مراد : جميلة .. متعيطيش .. متخافيش هوصلك .. اوعي تخافي .. هجيليك
جميلة : تعالَ انا خايفة جدا .. ارجوك
مراد : متخافيش .. بطلي عياط .. هتصرف وهوصلك .. جميلة انتي روحتي فين ؟ جميلة
جميلة : Sono vicino agli abiti da sposa cui siamo andati. C'è una strada buia e deserta, non conosco il suo nome, ma è vicino a lui(أنا بالقرب من  محل فساتين الزفاف التي ذهبنا إليه. هناك شارع مظلم ومهجر ، لا أعرف اسمه ، لكنه قريب منه )
مراد : تمام انا جاي حالا .. متخافيش
الخاطف : انتي قولتيله ايه ؟ انطقي .. هاتي
مراد : انا بحذرك هقتلك اذا قربت منها
الخاطف : مش لما توصلها الاول .. سلام يا مرااااد
جميلة جالسة تبكي  واياديها مربوطة ورجليها  .. خائفة للغاية
------------
عبد العزيز : اومال فين مراد و جميلة ؟
مساعد : مش عارف  يا مستر .. اختفوا فجأة ومراد بيه مش بيرد
عبد العزيز : راح فين ده ؟
---------
الخاطف بدأ يقرب منها : شعرك جميل وعينيكي كمان .. ايه ده ؟ عيونك لونها اخضر .. صح انا سمعت ان امك فرنسية ..جمال فرنسي بقى
جميلة : ابعد عني
الخاطف : عارفة جوزك عامل ايه فيا ؟ مقولتش ليكي اسمي .. انا اسمي اشرف
جميلة : وانا مالي .. ابعد ايديك دي
الخاطف : ارجوكي متعيطيش .. عيونك دي مينفعش تنزل منها دمعة .
جميلة : ابعد عني ... ابعد وفجأة دخل مراد وضرب الرجال بالسلاح في ارجلهم  وبدأ يضربهم بيديه حتى وصل لاشرف ... ضربه وربطه مثل جميلة
مراد : جميلة وفك جميع الاربطة ،  جميلة تبكي وترتعش من الخوف وفجأة مراد وبدون تفكير  ضمها اليه !!!!
جميلة : الحمد لله
مراد : قولتلك هاجيلك .. ومسح دموعها
جميلة : انت بتعمل معايا كده ليه ؟ بتبعتلي ورد  وتخطفني ليه ؟
اشرف : عشان مراد يدوق اللي انا دوقته ... مراد جوزك  اللي انتي فكراه بطل .. ده بتاع ستات .. اخد مني الانسانة اللي كنت بحبها  .. سارة فاكرها ولا نسيتها ؟ اتجوزها بالعافية لمجرد انها عجباه ولما زهق منها طلقها وسافر تاني ... حرمني منها
جميلة : ومتجوزتهاش ليه بعد كده ؟
اشرف : لانها انتحرت بسببه !!! ماتت الانسانة الوحيدة اللي قلبي حبها بسببك انت ! ربنا مش هيسيبك يا مراد عبد العزيز ..  وعلى فاكرة هو كان متجوز  قبلك واحدة تانية كمان ... من الاخر انتي هتعيشي في عذاب .. هيرميكي زيهم .. يا اما هتنتحري زي سارة او هتموتي زي شيري وبردو بسببه .. او يقتلك هو !!!!!! جميلة نظرت لمراد وقالت نفسها : ما انت فعلا كنت عايز تقتلني .. وخرجت من المكان  وجلست في السيارة
مراد : جميلة .. جميلة
جميلة :  بس هو معاه حق
مراد : ازاي ؟
جميلة : ما انت كنت عايز تقتلني اصلا .. او يمكن انا لسه مهدده بالقتل ..يعني تعملها عادي
مراد : لأ
جميلة : لأ!! اشمعني
مراد : عشان انتي مختلفة عنهم !!
جميلة : مختلفة !
مراد : حركة ذكية منك انك تقولي المكان بالايطالي
جميلة : مكنش فيه حل تاني .. دي اللغة اللي انت ببتكلمها وهما اكيد مش هيبقوا عارفنها
مراد : و انتي شوفتي المكان ازاي ؟ يعني توقعي انهم هيكونوا مغميين عنيكي
جميلة : هما فعلا كانوا عاملين كده بس مش عارفة فجأة جاتلهم مكالمة وسهوا عني وانا ساعتها رفعت القناع شوية وشوفت المكان
مراد : ذكية .. وصلنا .. انزلي يلا  ومتخرجيش بره البيت خالص .. استني خدي موبايلك يعني لو حصل حاجة اقدر اوصلك
جميلة : ماشي
مراد : انا هتأخر يعني هكون مع بابا في معاد
جميلة : مسألتكش انت رايح فين .. اعمل اللي انت عايزه
-------------
سعاد : جميلة حمد الله على سلامتك .. انا مش عارفة انتي ايه اللي بيحصلك من ساعة ما اتجوزتي .. عرفت انك اتخطفتي
جميلة : الحمد لله مراد لاحقني
سعاد : شكلك مش كويس خالص .. اطلعي خدي شاور وانا هحضر ليكي العشا  تاكلي وتتقوي ونقعد نتكلم شوية .. مفيش حد في البيت .. مع بعضنا يعني
جميلة ابتسمت : تمام
وبعد ان انتهت
سعاد : تعالي يلا
جميلة : كنت جعانة جدا .. تعالي كُلي معايا
سعاد : مش هقدر
جميلة : تعالي عشان خاطري
سعاد : مش هقدر ارفض طلب الجميلة
جميلة : تسلم ايديك
سعاد : صحة وعافية يا حبيبتي .. نعمل شاي ؟
جميلة : ماشي .. وانا هاجي معاكي
سعاد : تعالي
جميلة : سعاد .. انتي عارفة اللي عبد العزيز بيه ومراد بيعملوه ؟ طبعا فاهمة قصدي ..تجارتهم
سعاد : عارفة .. تجارتهم في المخدرات  وتأمين البضاعات
جميلة : وليه سكتي عليهم طول العمر ده ؟
سعاد : تعالي اقعدي وانا هحكيلك على كل حاجة
جميلة : عايزة اعرف كل حاجة
سعاد : انا اشتغلت عند عبد العزيز بيه ومراته زينب .. زينب كانت ست جميلة .. عاملة زي الاميرات .. وعلى فكرة هي كانت بردو اتجوزت عبد العزيز زيك بالظبط اتجوزته غصب عنها لكن بعد كده حبته حب مش طبيعي وهو كمان حب كبير جدا .. خلفوا مراد ...ابنهم الوحيد وانا اللي ربيته وكبرته معاهم  وسبحان الله  تحسي السيناريو بيتكرر تاني مع مراد وانتي
جميلة : مدام زينب حبت عبد العزيز رغم اللي عملوا ؟
سعاد : تخيلي .. مش هتصدقي بس القدر .. القدر قربهم من بعض ... مراد وهو صغير مكنش زي ما انتي شيفاه دلوقتي تماما .. كان بيضحك ويجري وشخصيته جميلة جدا .. لدرجة انه كان بيقول نكت ويضحكنا كلنا
جميلة : انتي بتهزري صح ؟
سعاد : صعب تصدقي بس هو فعلا كان واحد تاني
جميلة : وايه اللي حصل خلاه بقى كده ؟
سعاد : وهو في ثانوي اتعرف على واحد كان زميله في الفصل .. بقوا اكتر من الصحاب .. اخوات بمعنى الكلمة .. بيزاكروا مع بعض وكل واحد يتغدى مع التاني .. اخوات .. وفي تالتة ثانوي مراد كان عنده ساعتها 19 سنة على ما اعتقد ... راح بدري عند صاحبه كانوا هيزاكروا مع بعض .. صاحبه قالوا ادخل واقعد مع اخويا الصغير لغاية ما راوح اجيب حاجات لامي طلباها .. تمام لغاية كده ؟
جميلة : تمام وبعدين ؟
سعاد : بالفعل مراد قعد مع الولد الصغير وساعتها هو كان بيلعب بعلبة الكبريت .. مراد زعقله وكده وامهم كانت نايمة ساعتها .. مراد صاحبه اتاخر وخرج يشوفوه في محل جنبهم ولسه بيتكلم مع الراجل .. سمعوا صوت انفجار .. الحي كله قام نط من مكانه في ايه .. في ايه ؟ السيدة نعمة وابنها  ماتوا .. من المنظر مراد جاتله صدمة كبيرة وصاحبه كمان حالته النفسية كانت تحت الصفر .. بعد تحقيقات الشرطة وكلام كل الجيران اتهموا مراد انه هو اللي عمل كده
جميلة : ايه !!! ليه ؟ وهو ماله ؟ ازاي اصلا؟
سعاد : لانه خرج قبل ما يحصل الانفجار ب اقل من 5 دقايق .. وطبعا عبد العزيز بيه مكنش مصدق اللي بيحصل ونقولهم اتحروا تاني ..شوفوا دوروا لكن اثبتوا  .. طبعا زينب هانم مكنتش هتقدر تستحمل تشوف ابنها في السجن وهو في العمر ده .. اضطر عبد العزيز انه يسفروا ايطاليا يعني يهربوا لغاية ما يثبتوا برأته
جميلة : واثبتوها ؟
سعاد : اتثبتت بعد كده
جميلة : ايه سبب الانفجار ؟
سعاد : معرفش عرفوا ازاي بس عرفنا ان الست نعمة كانت مولعة تقريبا البوتجاز  والنار اتطفت وهي نايمة والولد الصغير ولع كبريت ورماه فحصل الانفجار
جميلة : لا حول ولا قوة الا بالله
سعاد :صاحبه بعد كده بدأ يدور على مراد وصداقتهم بقت عداوة فوق ما تتخيلي لدرجة انه سافر ايطاليا يدور على مراد عشان ينتقم
جميلة : صعب جدا .. طب زينب هانم فين ؟ عمري ما شوفتها
سعاد : اثناء سفر مراد ماتت حتى قبل ما يثبتوا البراءة .. وهي اصلا يا حبيبتي الله يرحمها كان عندها المرض الوحش بعد عنك ربنا يحمينا .. مستحملتش الزعل والقهرة ماتت ودي كانت اقوى ضربة في حياة مراد .. يعني لو هو كان مدمر من اللي الحصل .. ف موت امه جابه الارض ومقدرش لا يشوفها ولا يدفنها كمان .
جميلة كانت دموعها تسقط وهي جالسة تستمع لها
سعاد : اثبتوا برأته وهو رفض انه ينزل .. طبعا كان ساب تعليمه و واحدة  واحدة  اشتغل زي ابوه وبقى كمان بيشغل شغل ابوه هناك لغاية ما رجع بعديها مرت سنين .. انا معرفتهوش لما شوفته .. زي ما انتي شايفة كده .. اللبس الاسود دايما ومش بيضحك  كلامه كله عبارة عن اوامر .. غضب سريع .. اتحول 180درجة .. انسان غير اللي انا ربيته
جميلة : انهاردة الراجل اللي خطفني قاله انه اتجوز واحدة اسمها سارة بالغصب وبعدين طلقها واتجوز واحدة تانية اسمها شيري
سعاد : فعلا ده حصل اتجوز سارة في الفترة اللي كان بيسافر وبيرجع فيها بس هي مكنتش موافقة ولا كانت حباه لغاية ما انتحرت  .. و سبب رجوع مراد السنة دي من ايطاليا .. رجع ينتقم .. هناك اتجوز واحدة اسمها شيري مصرية هي  وخلف منها ولد اسمه زين  .. في يوم شيري وابنها راحوا عنده المخزن وهو مكنش موجود ورجع على صوت صريخ وعياط ومطافي .. المخزن ولع ومراته وابنه ماتوا .. وهو متأكد ان اللي عمل كده هو صاحبه .. يعني عشان يكون انتقم من مراد بنفس الطريقة  وبصراحة تفكير مراد منطقي
جميلة : انا مش قادرة اصدق .. ابنه مات !!!!
سعاد : للاسف .. مراد بعديها بقى  دمار شامل وبقى جواه غضب وانتقام وعشان كده هو رجع السنادي .
جميلة : انا مش قادرة  وتبكي
سعاد : خدي منديل .. امسحي دموعك .. واللي خلاني مبلغتش عنهم في يوم ان زينب هانم وهي على سرير الموت خلاص قالتلي انتي ربيتي مراد وكبرتيه وانا لما اموت اوعي تسيبيهم .. خليكي معاهم وخدي بالك منهم ومتبلغيش عنهم في يوم ارجوكي  ونفذت وصيتها  ..ده كان كلامها بالحرف مش بنساه وهما كمان وقفوا جنبي لما زوجي تعب الله يرحمه  دفعوا فلوس العملية
جميلة : انتي معندكيش اولاد ؟
سعاد : انا مش بخلف يا جميلة
جميلة ضمتها وقالت : انا اسفة جدا .. اسفة
سعاد : لا يا حبيبتي .. وبس كده ودلوقتي مراد بيدور على اللي كان صاحبه في مصر  ده غير ان مراد عنده اعداء كتير جدا يعني لما بتحصل كارثة مش بنبقى عارفين مين من كترهم  .. بقولك صاحبه صاحبه   و نسيت اقولك اسمه 
جميلة : ايوة .. اسمه ايه ؟
سعاد : اسمه خليل !!
جميلة بصدمة : خليل !!!!!