اني اعشقك فبأي ذنب قتلتني

البارت الثالث

قصه #اني_اعشقك_فبأي_ذنب_قتلتني
#البارت_الثالث
#الكاتبه /// Rehab ///
مساء المسك …
‎ﺍﺭﻳــــﺪ ﺃﻥ ﺃﻛـﻮﻥ ﻣـــــﻌﻚٍ ﻛـ ﺣﻜـــــﺎﻳﺔ ﻻ ﺗﻨﺘـــﻬﻰ ﻭﻻ ﺗﺤــــــــﻜﻰ ﻭﺑـﺪﺍﻳﺔ ﻻ ﺗﺒﺪﺃ ﻭﻻ ﺗﻨﺘــــــﻬـي
‎ﺃﺭﻳـــﺪ ﺃﻥ ﺃﻛــــﻮﻥ ﻣـــــــﻌﻚٍ ﺑﺤــــــﻴﺎﺓ ﺃﺑـﺪﻳﺔ ﻟﻢ ﻳﻜﺘــــﺐ ﻟﻬﺎ ﻧــــــــﻬﺎﻳﺔ
========
جوري

بقيت واكفه واكمل الطبخ …
بس فكري كله يم الطفل الي بجى …
منو هذا !!

شو لقاء ممزوجه …
وبس عمو وخاله بالبيت …

معقوله ابن ابنهم …
زين امه وين شو ماطلعت شفتها ولا سلمت …
ولقاء كالت ماكو احد بالبيت …

والصوت جان صادر من غرفه عمو …
اووو دخت …
هواي اسئله براسي ومالگه جواب …
هسه تجي لقاء واسألها …

واريح الفضول العندي …
رجعت اشتغل والهي نفسي بأي شي …
استحيت اروح وراها …

بعدهم مامتعودين عليه ومامتأقلمين …
عيب اروح خليني بمكاني وكلشي يتوضح گدامي بعدين …

شويه واجت لقاء …
_ اسفه والله تركتج وحدج تشتغلين وانتي اول يوم اجيتي يمنا

_ اش ولج شنو هالحجي ماكو فرق بيناتنا وبعدين اني مااعرف اگعد واسكت بدون مااشتغل اصلا متعوده ع الشغل دائما

_ تمام خليني اساعدج انتي طبختي المرگ واني اطبخ التمن هههههه ويطلع غده اليوم مشترك بيناتنا اني وياج

_ هههههه اوك
طلعت خياره وگعدت ع الكرسي الموجود بالمطبخ وتاكل

_ اووف لج تعبت ويوم عن يوم علي جاي يتعبني اكثر ولولا امي مااعرف اتصرف وياه
صفنت بوجهه !!

وتركت الي بيدي وگعدت يمها …
انتظرها تكمل حجي …

_ شو صفنتي جوري خير خو ماكو شي

_ هااا لا بس منو هذا علي

ضربت ع گصتها بشقه …
_ يووو نسيت اگلج عنه هذا علي ابن اخوي احمد عمره 6 اشهر بعده طفل وعايش يمنا

لزمت ايدها …
_ اگلج انتي شوكت تبطلين سالفه ضربة گصتج كلما نسيتي شغله شنو سالفتج

_ ههههه متعوده عليها والله مدري ليش لزگت بيها شگد امي تحجي عليه تگول مايصلح وموزين تضربين گصتج بس ابد ولا ابطل واتوب

_ وفرحانه لان ماتبطلينها

_ هههههههه لا والله بس لان متعوده شگد حاولت بس انسى والگه روحي لا اراديا اضرب گصتي
رفعت حاجبي وباوعتلها بطرف عيني …

_ هههههه لاتضوجين احاول والله بلكت اتركها

_ صدك لقاء شو ماشفت امه لعلي وينها وشعجب ابنها يمكم وانتي گلتي ماكو احد بالبيت