#اني_اعشقك_فبأي_ذنب_قتلتني
#البارت_الثاني_عشر
#الكاتبه /// Rehab ///
مساء العنبر ...نرجس :
صابتني حاله هستريه ..
سندي وحزام ظهري ..اخوي الماجابته امي ..
ملجأي وكت ضوجتي وحزني ..
هالمرة كسر ظهري بغيبته
وتركني وحيده
بدنيا غبره
عريس وخطبته بعد كم يوم
وديحظر بغرفتهوتالي صار عريس المگابر
واتحنه بدمه
بدم الشهاده ..وتركنا وسافر لدار حق ..
وبقيت وحدي
اتجرع الم الفقدانوغيابه المفاجئ
وره ساعتين دخلوا علينه بالتابوت
واصوات العويل والبكاء
تارسه المنطقهوالبيت انگلب زلم ونسوان ملتمين
عمتي سحلت روحها وگعدت يمه
وتبجي وتعاتبهوتنعى بصوت بجت كل الموجودين
واحنه كلنه التمينه عليه
جانت لحظه كلش صعبه
ومراره الالم تذبح
الطير الطاير بالسمه3 ايام الفاتحه مرت علينه
بصعوبه والبيت كله نسوان ومعزين
والملالي وحده تروح والثانيه تجيروحي شاغت
وبدت الام الحمل تزيد
واحس بطني دتتگطع من الوجع
بلحظتها خارت قوتي
وانهاريت !ووگعت عليهم
وبس وشه قويه اسمع
شويه شويه واتلاشى الصوت واختفىلهناك وفزيت اباوع مغذي بأيدي
وباسم واگف فوگ راسي
وامي ع جهه واگفه وتبجي
ونيت بألماتقرب باسم مني وهمس بأذني
_ شلونج حبيبه شتحسين هسه اصيحلج الدكتور يجي يشوفججاوبته بهمس واحس الكلمه بلكوة تطلع مني
وصوتي رايح من كثر الصياح والعويل
وبلاعيمي متجرحه كد مابجيت
_ لا زينه_ هاي هي بس يخلص المغذي نطلعج
شويه واجت الدكتوره
وبقت توصيني ع حملي ولازم ارتاح
لان بعدني بالاشهر الاولىووضعي خطر ويراد مداره ومراعاه لحالتي
ولازم ابقى متمده فتره طويلهاووو هواي حجي حجته
واني بس اهز براسي بلامبالاه
هي لو تدري شصاير بحالنهوعدنا عزه جان ماگالت هالحجي كله
طلعنه من المستشفى وگبل لبيت عيالياليوم رابع يوم الفاتحه
وشويه البيت هدأ وقلت جيه النسوان
بس شيهدئ وجع الفراق
وشيطفي نار گلبيجوري :
اليوم طهور علوش
حبيب گلبيعمو جلال گال خلينه نطهره
ماطول بعده صغير حتى الالم يكون قليل
ومايأذي كلش ويتوجعحاضنته وگاعده الاعبه ويضحك
توه بده يحجي ماما وادا
فدوة لگلبه لسانه اتعود ع كلمه ماما
بس يشوفني يضل يضحك ويصيح ماما
وخاله فرحانه بي