اني اعشقك فبأي ذنب قتلتني

البارت السابع

#اني_اعشقك_فبأي_ذنب_قتلتني
#البارت_السابع
#الكاتبه /// Rehab ///
مساء الهيل ..

جوري
دگات گلبي تتسارع ..
خوف وقلق ..

شكل هيثم من طلع ..
مايبشر بخير ..
شكله صاير شي وياه وهيج طلع يركض ..
ومستعجل ..

گعدت خاله متوتره وخايفه ..
هو شغله خطر ..
والخوف زاد عليه ..

واگفه واكل باضافيري من التوتر والقلق ..
وگلبي يگلي الشغله جايده ..
وحيل خايفه عليه ..

بقيت اردد " امن يجيب المضطر اذا دعاه ويكشف السوء " بس اريد گلبي يهدأ ..

تركت كلشي بيدي گمت مااركز ع الاسوي ..
وبالي كله يمه ..
والف فكرة وسالفه ابالي ..

مرة 3 ساعات واحنه ع نار ..
واعصابنا تلفانه كلش ..
قلق !
خوف !
توتر !

خاله ادگ عليه ومايجاوب ..
ولقاء خابرت عمو وگالتله ..

يمكن اصعب 3 ساعات مرت عليه ..
احس اعصابي ادمرت ..
وكل شوي صايحه بوحده من خواتي ..
مدري شجاني ..

ضليت مااركز ابد ..
ورة فتره حسيتها كلش طويله عليه ..
اجه عمو من بره ..

اتلگته خاله خايفه ع ابنها ..
وتحجي ع هيثم الي مايجاوبها ..

_ ماكو شي بويه لاتخافين هيثم كلشي مابي خابرته قبل لااجي وحجه وياي

_ شبي مگالك شي ليش طلع بسرعه ومستعجل ويصيح

_ واحد من جماعته هسه جابوا مستشهد وخابروا عليه

_ سوده عليه خطيه هالشباب يمه الله يستر ع وليدي والله لو صار بي شي اموت وراه

_ شنو هالحجي ماما عمرج طويل يارب لاتگولين هيج منو النه غيرج

_ وج يمه ذاك اخوج من راح اخذ حيلي وعافيتي ومابقالي بس هيثم والله اموت لو صارله شي

وبدت تبجي وتنعى ع احمد ..
وع فراگه ..
وعمو بس شافها بجت نصه ودخل للغرفه ..
ودمعته بطرف عينه ..

الفراق مؤلم !
وموجع !
فراق الاحبه اشد من الموت !!

ع عتابها لابنها وشوقها اله ..
بجينا اني ولقاء وياها ..

كل وحده بينا تشكي فراق شخص عزيز عليها ..
لهناك وطلع عمو من غرفته ..
شافنا گاعدين ونبجي ..

انكسر خاطره علينه وضل يتحسر ويستغفر ..
اجه گعد يمنا ..

وگال
_ كافي بجي بويه كلنه ع هذا الطريق

من بين دموعها وبجيها ..
خاله گالت ..
_ الله عليك جلال اخذني للمگبره روحي متلهفه ع احمد وشوفته وگلبي خلصان ومختنگه

_ ان شاء الله باجر نطلع من الفجر اني وياج
گمزت لقاء تتوسل بي تروح وياهم

_ اروح وياكم بابا عفيه والله محتصره ومشتاقه لاحمد ازوره حباب بابا لاتگول لا اخذني وياك