اني اعشقك فبأي ذنب قتلتني

البارت الثامن

قصه #اني_اعشقك_فبأي_ذنب_قتلتني
#البارت_الثامن
#الكاتبه /// Rehab ///
مساء العنبر ..

نرجس
صعدت فوگ وروحي ترجف رجف ..
واعصابي فايره وتلفانه ..
اروح وارجع بالغرفه ..

واعضض بأيدي بندم ..
واحجي ويه نفسي ..

_ ااااخ منج مو تعرفينه كلش زين شرجعج وياه مرة ثانيه وانوب ربطتي روحج بطفل شلون حتگضين عمرج تالي

جنت حيل متضايقه ..
ومغضبه ..
واحس الدموع متحجره بعيوني ..

ماترضى تنزل وتريحني ..
ع الاقل اطفي نار گلبي ..

شويه وصعد وراي معبس ..
طبگ الباب بكل قوته ..

وگعد متضايق ..
ويخزرني بعصبيه ..

_ هاااا ارتاحيتي من فشلتيني گدامهم هسه شيكولون يخاف من مرته وهي متحكمه بي

گعدت قريبه عنه ..
واجر النفس بلگوة وبصعوبه ..
_ هسه اني فشلتك طلعت اني الغلطانه والصوج بيه

_ اي الغلط راكبج من فوگ ليجوه وماتعرفين تصرفين عدل بس خابصه الدنيا بصياح

_ حقي لو مو حقي احجي گول اني لو اعرفك ماادور وراي جان سكتت وفرحتلك ترجع تشتغل بدال كعدتك هاي بس تتعارك ويه ذبان وجهك

عليت صوتي وهو جرني من شعري ..
وصاك ع سنونه ..

_ وووولج حقيييره شنو جلدج يحكج ع كتله ماترتاحين الا تنكتلين مو گلت خطيه ماامد ايدي عليها بعد بس انتي وحده حقيرة ومو مال عين واغاتي

شمرني وانركع راسي بتاج الجربايه ..
وطلع تاركني اذرف دموعي بقهر ..

وابجي ع حالي وعيشتي ..
وخايفه من مستقبلي المجهول ..
شلون راح اكمل وياه ..

وهو مايگدر بدون بنات ..
اعرفه عدل هاي صار فتره تاركهن ..
وهيج ضايج وانضاف فوگهن شغله شلون تركه ..
وانوب اخو يركض وراه ..

تعال اخذ خط طالبات بس حتى يحرگ دمي ..
ويخلي المشاكل تكبر بيناتنا ..
وهو يطلع منها ..

ع انه خايف ع اخوه ويريده يشتغل ..
يلهي روحه ويطلع مصرف البيت ..
واني اعرفه مايريد مصلحتنا ..
بس خراب بيتنا ..

بيومها زعلت عليه وماحجيت وياه ..
وهو يطب ويطلع عصبي ..

ثاني يوم نزل رعد من دوامه ..
واتلگيناه استقبال حار ..
خطيه يشبع ضيم بالجيش ..

انتبهت عليه عيونه ادور عليه ..
جنت واگفه بالباب مال مطبخ ..
لمحني واگفه وابتسم ..

وجر نفس براحه ..
ونظراته تباوعلي بلهفه وشوق ..

اجيت سلمت عليه واتحمدتله بالسلامه ..
وراها راح لغرفته يرتاح ويسبح ..
رعد جان ممتزوج ..

اذكر مرة گال احب وحده وناوي اخطبها ..
بس وره فترة گال تركنا بعض ..
ومااريد اتزوج بعد ..