اني اعشقك فبأي ذنب قتلتني

البارت السادس

قصه #اني_اعشقك_فبأي_ذنب_قتلتني
#البارت_السادس
#الكاتبه /// Rehab ///

جوري
انداريت صارت عيني بعين هيثم ..
يخزرني بعصبيه ..
ونظراته الغاضبه ..
رجف گلبي منه ..
خوف وقلق ..

نظراته مجانت تبشر بخير ..
وعيوانه مليانه شرار وعصبيه ..
يمممه بساعتها متت خوف ..

والله لو تدورون بجسمي متلگون قطر دم ..
نصيت خايفه وافرگ بيدي بقلق ..
وبالي كله يم عيونه الغاضبه ..

ندستني لقاء بأيدي ..
وهمست

_ شبيج وجهج انگلب لونه

جاوبتها بتلعثم
_ اه ماكو شي

_ هااا متأكده شو وضعج معاجبني احجي شكو

_ ماكو شي لقاء ، اگلج انگوم نغير مكانه احسن

_ هاا ليش

_ احسن احس متقيده ومماخذه راحتي

_ اوك
بعدها گمنا للمطبخ ماگدرت ابقى گاعده وهيثم مقابيلي ومدري شبي يخزرني
لليل يلا طلعوا ..

ودعناهم وراحوا لبيتهم ..
اتعرفت ع نور حيل حبابه وطيبه ..
تقريبا طبعها مثل لقاء ..

تضحك وتشاقه وتسولف ..
وتندمج بسرعه ويه المقابل وتاخذ عليه ..
حيل حبيت اسلوبها وتعاملها ..

عزلنا المطبخ ولقاء صعدت گدامي لغرفتها ..
وبقيت اني اغسل الممه لعلي ..
كملت وصعدت ..

بعدني مداخله للغرفه ..
وحسيت واحد جر ايدي ..
وعتني عت ..

انداريت بخوف ورعب ..
واشوف هيثم لازم ايدي بقوه ..
ويضغط عليها ..

بقيت اباوعله مستغربه ..
وگلبي من الخوف يدگ سريع ..
وجسمي كله رجف ..

صك ع سنوانه ونطق بعصبيه
_ شعندج تتمضحكين لرأفت ماتخجلين ولد غريب وتضحكيله ماگلتي خليني اراعي حرمه البيت وبلا سوالف تعبانه

وضغط ع ايدي بكل قوته ..
ورجع يكمل كلامه مثل السم ..

_ هاااا شعندج احجي يلا

حسيت گلبي راح يوگف من كد مايدگ ..
خوف ورهب ..

انهضمت كلش واني اسمعه شلون يتهمني ..
ويحجي عليه بسوء ..
كتمت دمعتي وشهگت ..
مستهضمه ..

وخانتني دمعه نزلت ع خدي ..
تحجي حجم الهضيمه الي شفتها ..
جريت ايدي منه ..

اريد ابعده عني ..
ووجهت كلامي اله ..
بنبره حزينه ومكسورة خاطر

_ ماعندي شي ومو بقصد ضحكت ولا اني الي اهتك حرمه البيت واخذل عمي ، اهلي ربوني احسن تربيه ومو جوري الي تخذلهم

_ معناها ليش تضحكين شكوووو مصخمه وضاحكتله

_ كتلك ماعندي شي وياه وبدون قصد ابتسمت ، واني مامجبورة ابرر الك ع شي انت فهمته بذهنك غلط ،