اني اعشقك فبأي ذنب قتلتني

البارت الخامس

#اني_اعشقك_فبأي_ذنب_قتلتني
#البارت_الخامس
#الكاتبه /// Rehab ///
مساء الورد ..

نرجس
گعدت يم خالي منصيه ..
وبس ابجي ..

اكثر شي كسرني اني مامقصره وياه ..
وحبيته واتعلقت بي بسرعه ..
وصار امي وابويه ..

ياريت لو جان غريب جان عذرته ..
بس هو ابن خالي ..
يعني منا وبينا ..

بصوت واهن ..
خالو گال ..
_ حسبيها عليه خالي وهذا الحقير اني اعلمه بس يرجع اجر اذنه

احساس بالخذل ..
والانكسار ..
والضعف ..

اجتاحن دواخلي ..
وهيجن دموعي ..

ورجع خالي يكمل بكلامه ..
بصوته الضعيف ..
وهو يتوعد لباسم ..

ويغلط عليه ..
ولهناك يرجع ..

يحجي وياي بهدوء ..
ويطيب خاطري ..
بس !!

ياخاطر يطيب هذا ياخالي ..
وابنك دمرني ..
بعلاقاته ..
ولجم گلبي ..

وفتت روحي ..
وبكل مرة الگفه ..
يرجع يطلب السماح ..
ويگول التوبه تتكرر ..

رغم بعدني بدايه زواجي ..
بس احس كبرت ..
ميه سنه ..
وشيب شعري ..

بسوالفه ..
العوجه والتعبانه ..
شويه ودخل حماي (رعد )وعمتي ..
وگعدوا يمي ..

ورجعت عمتي تحجي مثل حجي خالي ..
وتگول ..
الرجال مرجعه الج لو وين مايروح مرجعه لمرته وحضنها ..

بس احس كبرت ..
وكرهت هاي السالفه ..
زين ليش ..

مو من حقي رجلي يكون بس اليه ..
محد تشاركني بي ..
بكل حواسه ومشاعره ..

وصدقه وكلامه ..
وعوده ..
الي وعدني بيهن ..
عقله وگلبه ..

كل ذني ملكي ..
اني وبس ..
ومحد يشاركني بيهن ..
حقي ياناس ..

وربي رجلي من حقي وبس ..
ليش يخرب حياتنا بيده ..
وبسوالفه ..

ولا اني العندي اخ يدافعلي ..
ولا اهل يقبلون ارجعلهم ..
كل هالحجي ..

احجي بداخلي ومحد سامعني ..
ولا يعرف شد اعاني ..
واقاسي ..
وحدي اتجرع الالم ..

والخيانه ..
وقسوة الحياه ..

رفعت راسي والگه رعد يباوعلي ..
بنظرة كلها حنيه ..
وبعيون تحجي وياي ..
تگلي شبيدي ..

الي اگدر عليه سويته وبعدته عنج ..
ومااگدر اسوي اكثر من هالشي ..
بحكم مالك دخل ..

رجال ومرته بيناتهم ..
يتعاركون ويتصافون ..
عسى مايكسرها تكسر ..
محد يدخل ..

اكره سوالفهم وعاداتهم ..
مايفهمون ..
المره ماانخلقت للخيانه ..
ولا للضرب ..
والاهانه ..

اباوع لوجهه ملامحه كلها مختفيه ..
واثار الضرب مالي وجهه ..
عيون مورمه ومنتفخه ..
واثار زراگ عليها ..