#اني_اعشقك_فبأي_ذنب_قتلتني
#البارت_الخامس عشر
#الكاتبه /// Rehab ///
مساء الهيل ..
اعتذر عن التأخير بنزول البارت ..
بس صار ظرف واضطريت اتأخر عليكم ..
ونزلت اعتذار بالمنصه وذكرت راح اتأخر عليكم كم يوم 😘
يا آخر محطة بليل عمري
بطلت ما بعد احب ..!
- مظفر النواب
نرجس
رجعت للبيت واني فاصله بغير دنيا
مصيبه فوگ الثانيه
توگع ع راسي
والحزن كاسي گلبي
ومامخليلي مجال افرح وارتاح
شگد جنت اتمنى مااحمل
بس من راح مني متت
وانهاريت
شعور صعب
صدگ لو گالوا شعور الامومه ماكو منه
حسيته جزء مني
قطعه من روحي
روح جانت ساكنه بداخلي وراحت بلمح البصر
كرهت نفسي وعاقبتها
لان اني المسؤوله عن ضياعها
اجيت لگيت اخواتي بالبيت
فارشات فراش اليه بالگاع
والبيت نظيف يخبل
وريحه العطر معبيه المكان كله
تمددت وامي تساعدني
يحجون وياي ومااجاوبهم
ساكته وعقلي فاصل
بغير مكان
وبس وجع روحي احس بي
اتدمرت كلش
تركوني بعد ماعجزن خواتي
وماحصلن جواب مني
طلعن من الغرفه وبقيت وحدي
صافنه ع السگف
ودمعتي نزلت وبللت روحي الجافه
بلحظتها اشتاقيت لجوري
اريد احجي وياها عن كلشي اذاني وجرحني
اسولفلها بدون مااخذ حذر او احتياط بكلامي
بدون مااسمع لوم وتجريح وتقصير
روحي فرفحت عليها
مثل طفل توه مفطوم وروحه تلوب
فزيت بسرعه وطلعت مستعجله بره الغرفه
شفت خواتي وامي گاعدات يسولفن
انتبهن عليه شلون مخطوف لوني
بقت وحده صافنه بوجه الثانيه
ركضت لامي ابوس بيها واتوسل
_ فدوة يمه الله يخليج روحي لخاله ام محمود جيران جوري وجيبلي رقمها منها اكيد هي تعرف رقمها وتتواصل وياها
_ ولج يمه شبيج ع كيفج فهميني وحده وحده
_ يمه محتاجه جوري صديقتي ذيج الفتره كلها مبتعده عنها من راحت لبيت عمها واني اتزوجت وكل وحده حايره بحياتها وهي قبل ماعدها تلفون وجنت بين فتره وفتره اروحلها وهسه اريدها حيل محتاجتها هي الوحيده التفهم شبيه ومن شنو اشكي الله يخليج يمه روحي جيبي الرقم بسرعه
_ الله يريحج ياامي هسه اروحلها بس انت ارتاحي ولاتتحركين زايد موزين عليج شوفي شلون اجيتي مستعجله وتركضين انتبهي ع صحتج
_ ان شاء الله بس روحي
_ اي اي گايمه والله گمت
واندارت ع وحده من خواتي گالتلها
_ جيبي عباتي اروح لصاحبة اختجن بلكت تگدر تفهم منها شبيها
أنت تقرأ
اني اعشقك فبأي ذنب قتلتني
Storie d'amoreجنون الحب ... وخذلان الحبيب تابعوني بأحداث قصتي الجديده
