#اني_اعشقك_فبأي_ذنب_قتلتني
#البارت_العاشر
#الكاتبه /// Rehab ///
مساء الهيل ..
كل عام وانتم بألف خير ..
وصحه وسلامه يارب ..
والله يديم الامن والامان ع العراقيين ..
رأفت
هذا انا
رجل عصامي غيور ع اهلي وعائلتي
شاب لم اتجاوز عمر الثلاثين
فقدت والدي من عمر صغير جدا
واصبحت بعدها اب واخ لاختي نور
امي فلذه كبدي
روحي من الدنيا وهي الاساس بجعلي ماانا عليه
هي كانت اكبر سند الي
وجعلتني اقوه يوم بعد يوم
كلمتي مسموعه بالبيت وماتثنى
الشي الاگوله مايصير اثنين
ومحد يعترض
صايم مصلي اخاف ربي بكلشي اسوي
احب بنت خالتي لقاء
من ايام المتوسطه
حب الصبا
بكل مرة التقي بيها احس انولد من جديد
كل احساس احسه بقربها
احساس صادق
ومشاعر حقيقيه نابعه من قلب مضحي
اتذكر يوم من الايام
بأيام الاعداديه رحنا كلنه سفره لايران
وگعدنا بنفس البيت
عمي جلال انسان خلوق ويحبني مثل ولده
وهو الشخص الكان سبب بألي اني عليه حاليا
وگف وياي وكان ساندني
بكل مطبات حياتي
امن الي شغل وكان بمثابه الاب اليه
واحمد وهيثم ماقصروا وياي ابد
فبيومها طلعوا كلهم يزورون وبقت بس لقاء
جانت نايمه وخاله گالت خليها بعدين تزور
اني بقيت مالي خلگ اطلع
لان قبل ساعه جنت بالامام ورجعت تعبان
وره طلعتهم بشويه
رجليه اخذتني لغرفتها
لمكان نومتها
فتحت الباب ودخلت
اباوعلها بعيون عاشق متيم بحبها
من سنين واني كاتم حبي بگلبي
بس اريد اكون نفسي واوگف ع حيلي واخطبها
وتكون اليه من نصيبي
گعدت گدامها
ومخلي ايدي ع خدي وصافن عليها
وابتسم وحدي
وعيوني تتفحص كل شبر بوجها
واصفن واتخيلها بحضني
واداعبها اتلمس ترافه خدها
واغرس اصابعي بشعرها والعب بي
حسيت برجيف قوي بجسمي
ودگات گلبي مامنتظمه
مثل الطبل تزيد وتتسارع
نظره مني الها تشيل كل تعبي
وتحسسني براحه
بلحظتها نسيت كل الضغوط الي دامر بيها
كل مشاكل الحياه
مااعرف اوصف احساسي
بس شوفتها تسوه كل عمري وتعبي
گمت وتاركها نايمه
وصلت للباب ورجعت اباوعلها مرة ثانيه
بس اريد اشبع عيوني بيها
گلبي مطاوعني اتركها واعوفها
اريد ابرد گلبي
واريح عمري ولو بشمه رگبتها
هالشي يردلي عافيتي
ويخليني اكافح لاجل ابني مستقبلي لخاطرها
لحتى اگدر اتقدم واخطبها
وتنام بحضني وتكون ملكي
