كرونيك #ما_ذنبي_انا

3⃣

3..قعدنا و طلبنا لعشا حنا ناكلو و ننشايخو و نضحكو حتى بانلي لمندوب لي جا صباح و معاه واحد لجون 😍 يهبل ، أسمر وطويل كتافو عراض لابس سروال دجين تريكو ابيض و فاست نوار ، شوية نشوفهم جايين جيهتنا ويتباسمو أكيد مع عم أحمد لي كان قاعد بجنبي، جاو سلمو علينا وتعارفنا ، هذاك طفل هو مول شركة إسمه آدم و لمندوب إسمه أيوب باينين صحاب، لكن آدم هذاك مش عارفة وين شفتو .. عييت نتفكر .. حتى هو حسيتو يشوف معايا شوفات تع نتي وين شفتك ، لمهم كملنا تعشينا و روحنا ليل كامل نخمم فيه وين شفتوا... فات قريب شهر من نهار لي مضينا لعقد .. كل شي عادي .. تسلمنا أول مشروع معاهم ، كلفني عمي أحمد أنا و عمار بيه.. عجبني لحال لكن خفت بما انني كي غير وين تخرجت، لكن لا علينا لازم نخدم و نبين شطارتي ..  ليوم و أنا مروحة من لخدمة حسيت كلي سيارة تبع فيا لكن قلت راني غير نتخيل ، لكن وليت كل يوم نشوف نفس سيارة و في أي مكان نروح ليه ، و كأنه صاحبها يقولي إيه راني نتبع فيك، بصح ماشفتوش شكون كانت فيمي، الصح وليت نخاف نمشي وحدي وديما نلسق في إلياس و لا عمار يوصلوني لدار بحكم دارنا قريبة و في طريقهم...