كرونيك #ما_ذنبي_انا

5⃣

5..وصلت لدار دخلت لقيت ماما تبان كانت تبكي قلتلها وش كاين ، قاتلي والو برك عييت و تفكرت باباك الله يرحمو غاضتني ماما قعدت معاها واسيتها مبعد تعشينا و ر قد ت...  يوم الكارثة:  نضت صباح على لعياط ماما و أسامة ياااا أسامة جاا ! يخي معندوش بزاف ملي روح ، وش بيهم ماما مالفا تقابلو بالبوس و التحضان، حليت شمبرتي صباح لخير وش بيكم وش كاين و رحت نجري عندو حضنتو، حضني و باسني من راسي قالي ماكان غير لخير ، و خرج ، بفففف وش بيهم ، قلت لماما نروح نوجد روحي نروح نخدم ،  حتى نطقت: ماكانش خروج ليوم ، واش بيك ا ماما ؟؟  ماما: قتلك ماكانش خدمة ليوم ، لعشية جايين ناس طالبينك و حنا قابلين بيهم، دك تجي لمياء تجيبلك لبسة، و تجي تعاونا كاشما نوجدولهوم ،  أنا مصدومة : مامااااااا ،تتمسخري بيا، واش هذ لحكاية على صباح، و شكون قالك حابة نزوج ، نروح نلبس رايحة نخدم، ماما و هي تعيط : ماكانش خروج قتلك طيري لشمبرتك دك تجي أختك،  جامي ماما عيطت عليا واش بيها ، دخلت لشمبرتي بكيت بكيت بردت قلبي، شوية دقدق الباب و دخلت لمياء تلحت عليها قلتلها وش كاين وش بيها ماما، مدتلي حوايج قاتلي هاكي جربي شكون تجيك مليحة، و دوشي دك نكمل من لكوزينة نجي نديرلك شعرك و نماكييلك، أنا بغش: لميااااااء نهدر معاك وش سينيما هذي، تتمسخرو بيا، وش من خطبة و وش من عريس :'( ، قاتلي مش وقتو يا ميسو حبيبتي ديري كما قتلك و كل شي في وقتو زين. أنا: ماتزيديش تقوليلي ميسو خلاص ، دك يجي سيد ولازم نقبل بصح عمري مانسامحكم، و دكا تقدري تخرجي خليني نجرب هاذ لقش... خرجت لمياء... غاضتني علاه قلتلها هكاك، بصح مش أنا لغالطة هما لي استفزوني ، حبيت نزوج بواحد نحبو ويحبني مش زواج تع ظلما هذا، بففف حتى ماما و بابا تزوجو عن حب و أنا نزوج هكا :'( حرام عليهم،  ما يسلكني غير أسامة حبيبي أكيد مايقبلش بهاذ تمسخير، المهم نضت لدوش ، ماما و لمياء في لكوزينة و هيام بنت لمياء خليتها في شمبرتي تلعب ب تيليفوني بعد 3 ساعات :  لمياء : ميسوو هيا تتغداي باه توجدي روحك أنا: مانكلش كولو وحدكم، بصحتكم. .. ماما : ميساااء مانعاودش الهدرة مرتين، ايا تتغداي.  أنا : هاني جاية ... نضت تغديت و كملت دخلت لبيتي شوي و جات لمياء جبدتلي شعري، ماكياتلي و لبست قندورة بلونوي فيها كلي طرز بدوغي ، جايا مع لا طاي و محلولة حتى لركبة فيها سنتور دوغي و رقبتها جاية كاري، درت شوي مكياج و شعري خليتو مطلوق و جبتو على جنب، لبست سنسلة ذهب رقيييقة ، عجبتني روحي يعني، شافني أسامة عينيه غرغرو قتلو أسامة قول لما ما مش حابة نزوج أنا نطقت هذ لكلمة و دموعو سالو و خرج :'(  حتى سمعت لباب يصونماكان