كرونيك #ما_ذنبي_انا

1⃣8⃣

18...نضت صباح ، مالقيتوش دوشت و لبست قندورة تع دار لحت خمار و خرجت رحت عند ولادي، كانو راقدين، بستهم، و هبطت فطرت وبقيت نحكي أنا وعجوزتي قاتلي فرحت كي لقيتكم راقدين في شمبرتكم، حشمتني، مبعد قاتلي آدم حنين ييا بنتي راه غير يقباح معاك، بالاك حبك، وهو تزوجك باه يخلف ثارو، اعرفي تتعاملي معاه دك يولي خاتم في صبعك، ... مهم رحت لكوافوز ستيكيت روحي مليييح مليييح، لبست غوب د سواغي نوار جاية مع لاطاي و ذرعيها دونتال شعري مشطتو ولميتهولي درت ماكياج تع عرايس، لاصال مش مخلطة مادرتش خمار أصلا انا مش متحجبة شرعي آدم برك لي يقلي ديريه،  جيت نهبل 😍😍 هكا قالولي، وصلت لا صال بقيت نصور مع ولادي و عجوزتي، بداو ناس يجيو وحنا نستقبلو فيهم، لي يشوفني يتخلع ههههههههه عرس راجلي خليوني نفرح( لي في لقلب يعلم بيه الله) دخل حبيبي مع مرتو وصورو دخلو معاه صحابو و محمد و أيوب ، محمد مانزلش عينيه عليا،و آدم لاحظو، و آنا نشوف فيه كفاه يضحك معاها و دموعي بداو يسيلو جبدت روحي و دخلت لتوالات بردت قلبي بالبكا انا خارجة لقيت محمد قالي ماتبكيش دموعك غاليين تلحت حضنتو و نبكي معلاباليش كفاه و علاه درت هكا بصح شعور أقوى مني و ألمي كان كبير، في هذيك لحظة يجي آدم شافنا هكاك جبدني من ذراعي وعطاني كف، و ضرب ولد خالتو ببونية، و انا نبكي ومحمد قالو الله يهديك راها مرت خويا و ختي، وراح ، آدم جبدني داني طول لطوموبيل و داني لدار، شبعني كفوف، وسبان، و قالي ترجعي تعيشي هنا تخرجي نكسرلك رجليك، معريتلي على شعرها و ذرعيها و تحضني في راجل، و انا نبكي ، هو خارج راجع لعرسو، نطقت أنا: تحبها؟ شاف فيا .. قلي تحبها؟ قالي : وش دخلك، قتلو طلقني الله يحفظك،، جا عندي هز صبعو في وجهي : هنا يموت قاسك.. فرحت لي راح نبقا مع ولادي، و غاضتني روحي ، بصح وكلت ربي عليه...