كرونيك #ما_ذنبي_انا

1⃣3⃣

13..والفت بهذ لحياة ، و نورمال قبلتها و تقبلتها فات شهر واحد آخر، فيه سمحلي نروح لدارنا وما ما ولا مرة على مرة تجيني،  مرة في ليل كانت لمطر قاوية .. و انا كنت متكية نتفرج حتى دخل هو، شميت ريحتو.. اااعععققق .. قلبي طلع، رحت نجري لتوالاة، دخل ورايا قالي خير، قتلو بعدني ريحتك مش مليحة، و يصرفقني بكف شفت نجوم قدامي، وكي جا يرقد قدامي بسيف خليتو حتى كليت كف آخر، مارحمنيش ، وليت ديما نعسانة و قلبي طالع، شكيت، درت تاست، و طلعت حامل، كامل فرحو غير أنا و أسامة ، عمبالي دك يعذبني بولدي ، دك يدير لمستحيل به يحرقلي قلبي عليه،  فات شهر لول تع لحمل و أنا وحمي كامل جا على آدم .. كرهتو و ماعدتش نحمل ريحتو، و كل مانقولو ريحتك طلعلي قلبي ارحمني راني نتوحم، هو يعجبو لحال و يقوي منها، وحد نهار فليل قاعدة فشمبرتي و آدم و ماماه قاعدين لتحت ، حتى صونا تيليفوني ، كان أسامة ، شحال كنت متوحشاتو، هو بعد زواجي حس بذنب و ليوم عيط غير هزيت قالي اسمحيلي،، أنا: تبقا غير تطلب في سماح نتا هههه خلاص فاتت و مسامحاتك دنيا و آخرة و الله أسامة: ربي يخليك لينا سامو زينة أنا: هههههههه حشمتني،  أسامة: وجه لحشمة، إسمعي لقيتلك طبيب لازم طيحي صغير لي فكرشك مادامك في بداية حملك،  أنا: لا لا مانقدرش و الله..  أسامة: كفاه ماتقدريش، طيحيه و ارفعي دعوة طلاق ياك قال يفوتو 6 أشهر ماتحمليش نطلقك هكذا كان العقد.. أنا (بصدمة) : وش من عقد !! آاااه قصدقك صفقة زواجي ... صار هكذا كان ، ماعليش ماعليش،(دخل آدم و ماشفتوش) ايا حبييي نعست و عييت خليني نرقد تهلالي فروحك. مع دورت وجهي شفتو جاي لعندي، حكمني من يدي، مع من تحكي يا**** ، في داري  أنا : وش بيك، ماكنت نحكي مع حتى واحد -و زايد تكذبي، نهدر مع *** ، مع شكون .. أنا: غير أسامة خويا(و بديت نبكي، و جعني) - عطاني كف، قتلك تنساي بلي عندك خوك، كما حرمني من ختي نحرمو منك .. نحالي تيليفون تأكد بلي كنت نحكي مع أسامة .. كسرهولي و رمالي لابيس، و جا قعد قدامي .. و ريحتو زادت عليا .. نضت نجري نرد حاشاكم.. كي رجعت لقيتو يشوف فيا شوفة حنينة، مش مالف أول مرة يدير هذا الشوفة، قتلو نطفي الضو !!  هو: لا ... أرواحي ترقدي .. دك راني هابط و نطفيه..  ماسقسيتوش وين هابط ، بالاك رايح يكمل سهرة مع ماماه، حكمت بلاستي عطيتو بظهر، حتى ناض طفا الضو و خرج.... صباح نضت مالقيتوش قدامي، باين مارقدش هنا ... فاتو شهورا هاذو ولا حنين معايا يتعامل معايا بضرافة. كرشي بدات تبان و الخوف تاعي من لي جاي بدا يكبر ..