كرونيك #ما_ذنبي_انا

1⃣9⃣

19....المهم خلاص لعرس ، آدم رجع مع مرتو فوتو ليلة هذيك في دار، أكيد دارها مكرا فيا.. فاتو ليام و محمد من هذاك نهار ماشفتوش قاتلي عجوزتي رجع لفرنسا و خدمتو لي جا على جالها خلاها لأيوب يكملها، آدم و مرتو عايشين في لعسل بصح تبدل تاني معايا ولا يسقسي عليا يقعد معايا يشايخ معايا، و مرتو هذ ساعة خاطيني و خاطيها، واحد نهار نضت صباح على صوتو هو مرتو يتقابضو ، رحت نسمع وش كاين.. سمعتو غير يقلها سترتك و مازالتي ماتحشميش، جاي خارج يلقاني قدامو، كمل عياطو عليا ههههه ، و خرج..  لعشيا عيطولنا من سبيطار .. آدم دار أكسيدون .. قلبي طاح من بلاصتو.. رحنا لقيناه في غرفة لعمليات.. ضربة جاتو على ظهرو ماخرجش حتى في ليل خرج طبيب و قالنا حمد لله على سلامتو.. أنا: نقدرو نشوفوه دكتور، لا لا مازال تحت تأثير المخدر ، غدوا صباح نشالله تشوفوه خليوه يرتاح. قلت لعجوزتي تروح لدار ترتاح مسكينة كبيرة و عيات .. ماحبتش بسيف قبلت، و ولادي وصيت شيفور يديهم عند ماما على خاطر مش رح نقعد ليهم، و مرتو ماجاتش و ماعيطتش حتى باه تسقسي عليه.