كرونيك #ما_ذنبي_انا

1⃣5⃣

15.........2 معناها عجوزتي قالت لآدم بلي عندي توام .. اوووف .. رقدت ليلة كاملة برااااااحة هو ما جا ما بان فاتت سمانة و أنا نشوفو غير في ليل في لعشا .. محمد راح يبقا هنا عندو خدمة مع آدم .. أنا بديت نوجد في لبسة لولادي طفلة و طفل ضهرو .. محمد كان يتفكرني مسكين . يجيبلي مرة على مرة حاجة ل بيبياتي .. و آدم يخسر عليا غير كلمة وش راكي ليوم ..حك وحدي .. حتى يدخل آدم عندي .. قالي جيت نهدر معاك .. قتلو وي تفضل  آدم: شوفي ميساء علابالك حنا علاه تزوجت بيك برك باش ننتاقم من خوك .. نتي بعد ما تولدي أنا نرجعك لداركم .. مانيش رح نطلقك و يا ويلك ترفعي قضية طلاق سي نون و الله نمد الأدلة لي عندي للأمن ونشوفو سي خوك وين يرجع أنا: والمطلوب مني؟ لولاد و هاني قريب نولد وش مازال تاني آدم : لولاد نحكمهم أنا عندي و نتي تروحي لداركم.. أنا : نتا مهبول !! تتمسخر بيا .. نقتل روحي و نقتلهم و مانخليش ولادي عندك .. آدم : جربي سعدك يا للاللا و الله ندمك و ندم عايلتك .. ميساء: :'( حرام عليك . راهم ولادي حتى أنا خليهملي و الله نربيهم أحسن تربية .. اصلا امك ماتقدرش عليهم في زوج أدم: نو نو تربيهم مرتي ،  ميساء : مزوج ! علاه ماولدتلكش هيا و حطمتلي حياتي أنا  آدم : مازال .. شهر جاي نزوج .. بصح عندك لحق .. زوج بزاف عليها .. نخليلك طفلة و طفل يقعد عندي و نشوفها و قت ماحبيت  بقيت ساكتة و ندعي عليه في قلبي.. بعد 15 يوم من هذاك نهار .. ولدت .. أنا لي سميت ولادي .. تيْم و تيماء .. خرجت من سبيطار لدار راجلي فات شهر شبعت من تيم و شبعتو من حليبي .. لميت كابتي هزيت تيماء و خرجت .. كانت عجوزتي تبكي و آدم يشوف فيا بحقد .. شويا عيطلي أسامة باه نخرج .. و صيت عجوزتي على تيم و خرجت .. رجعت لدارنا نبكي بعد ما فارقتها عام كامل لقيت كل شي كما خليتو زادولي سرير لبنوتي زينة ..