كرونيك #ما_ذنبي_انا

2⃣2⃣ والاخيرة

22...خرجت و دموعي في عيني خبطت لباب عليه هبطت للكوزينة وجدت لعشا طلعتلو قعدت معاه ياكل، و ماهدرت حتى كلمة كي كمل رحت نهز البلا حكملي يدي، قالي: وش بيه زين حزين، شفت فيه و دموع في عينيا، آدم نحبك، جبدني لعندو جات وذني قريبة لفمو و قالي و أنا نموت عليك، حسيت روحي طايرة بالفرحة هههههه هزيت لبلا و هبطت نجري بيه لقيت أمي(عجوزتي) قاعدة توكل في تيم و رحمة توكل في تيما، قعدت حذاهم و عينيا يلمعو بالحب، قاتلي امي خير يا بنتي وش هذ لفرحة .. ههههه ضحكت قلتلها والو غير فرحانة كي آدم تناحاتلو لكآبة لي كان فيها هذيك، قاتلي هذا كلو بفضلك و وقفتك معاه و الله يا بنتي خيرك ماننساهش ما حييت، سلمتلها على رأسها و قلتلها راهو راجلي يا أمي إذا ماوقفتش معاه أنا شكون يوقف معاه. ______________ بعد أربعة أشهر تيم و تيماء ولاوْ يمشيو و يقولو بابا و ماما أسامة زوج دار عرس كبييير ماشاء الله، ومرتو راها تتوحم دركا،  مااما و عجوزتي ولاو صحابات ههههههه يا ماما تجي عندي تتونس مع أمي ولا لعكس،  لمياء أختي زاد عندها طفل، أيوب خطب و قريب يزوج،  أما انا و آدم ماتبدل والو غير حبنا كل يوم يزيد، لكن آدم ولا حساس زيادة و حاس اني معاه شفقة، قرر يروح لفرنسا يدير عملية بالاك يرتاح و يرجع يمشي ،  راح قعد قريب شهر تما، كل يوم نحكي معاه ، بعدما دار لعملية قالي مانجحتش ، بكيت يزاف غاضني راجلي و بو ولادي ، بصح قتلو حاجة ربي هذي مرحبا بيها،  قالي بعد شهر يرجع ، حاب يزيد يبقا تما يبدل جو، خليتو على راحتو علابالي مش ساهل لي راه يعاني منو،... عيطلي وحد نهار قالي هذ سمانة نجي بصح ماقاليش نهار ، كل يوم نستناه يعيط باه نروحو نسناوه في لمطار لكن ماعيطش بديت نتقلق عليه و حتى محمد ماكانش يرد على اتصالاتي، حتى وحد النهار كنت وحدي في دار أمي دات لولاد وراحت تڨسر مع ماما رحمة راحت لدارهم، انا قاعدة حتى صونا لباب، رحت نجري نحل، حليتو طوول و تخيلو لمفاجأة ... حبيبي واقف على رجليه، من صدمة قفلت لباب في وجهو و رجعت وين كنت مبعد فقت مع روحي ، و رجعت نجري للباب، حليتو و عيطت عيطة وحدة آاااااادم و تلحت عليه نسلم و نحضن و دموع و لخنونة ههههه و محمد يتفرج قالي تخلينا برا دركا، دخلو لقاوني وحدي عيطت لأمي وماما جاو جابو لولاد فرحو ب باباهم و أمو فرحاانة مسكينة كأنه أول مرة يمشي، فوت ليلة مع حبيبي ولا في لأحلام و قالي ان شاء الله نعوضك على كل شي درتو فيك،  و عاشوا سعداء الى الأبد #________النهاية_________ة

ماتنسوش تعطوني رايكم فيها لبنات😘😘😘😘