كرونيك #ما_ذنبي_انا

1⃣6⃣

16..المهم ديت بنتي رجعت لحياتي لقديمة، هدرت مع عمي أحمد بها نرجع نخدم، قالي كملي تلاث شهر تع أمومة و رجعي بلاصتك تستناك، في هاذ ثلاث شهر أسامة خطبنالو وحدة اخت صاحبو، آدم سمعت بيه تاني خطب و قريب يزوج، أم آدم كل تهدر معايا و تحكيلي على تيم حبيبي ،  رجعت نخدم و روتين تع لخدمة نروح نلها مع بنتي، المكتب تاعنا مازال متعاقد مع شركة تع آدم، وحد نهار انا مع الياس قاعدين نوجدو في وحد لمخطاطات حتى نسمع آدم و عمي آحمد يتكلمو ،و دخلو عندنا آدم تخلع كي شافني مالقاش كفاه يدير، مديتلو يدي قتلو مرحبا بيك تفضل، ناقشو لخدمة تاعهم و هو مرة على مرة يشوف فيا، انتبهت لحاجة .. ماهوش لابس لخاتم تع زواجنا لابس وحد جديد، ضحكت بيني و بين روحي.. راح يبقا لابس خاتمي و هو عندو جديد، روحت في ليل عيطلي آدم ، أول مرة يعيطلي، ملي عرفتو . قالي سمانة جاية عرسي حبيتك تحضري و جيبي تيماء حاب نشوفها.. توحشتها.. قتلو مانجيش تحب تشوفها ارواح لدار.. سكت و قالي واقيلا حابتني نديها تعيش مع خوها تاني .. سكتت و جاوبتو بصوت مخنوق بالبكا قتلو ان شاء الله..  قالي ميساء وش بيك .. كوبيت عليه.. من وقتاش نهمو وش بيا أنا :'(  لحق نهار لعرس تاع راجلي ههههه (هم يضحك و هم يبكي) ستيكيت روحي تقول أنا لعروسة جيت شااابة ماما قاتلي زدتي زينتي بعد الولادة، لبست لتيماء هزيتلها حوايجها و حوايجي عولت نبات مع ولادي نغتنم الفرصة .. و رحت لدار راجلي دخلت و ناس يسلمو عليا حارو وش جابني .. طلعت لبيت ولدي سلمت عليه و شبعت بكا و شبعت بريحتو حتى سمعتو ورايا يهدر ... آدم: على سلامتك ميساء ، توحشناك .. درت ليه الله يسلمك ، توحشت ولدي و الله حرام عليك .. تبعدو عليا .. و تبعدو على ختو،  قالي بكل برود : ايه الله غالب لازم تسلكي غلطات خوك .. حتى تجي تحاوليني تشوفيه،