جنون عاشق الجزء الثاني من أسير عينيها الفصل التاسع والثلاثون
جلست فريدة جوار زينب علي الأريكة تنساب دموعها بصمت.....لتهتف زينب بقلق : مالك يا فريدة ايه اللي حصل انتي متخانقة انتي وجاسم طيب
هزت رأسها ايجابا هتفت بنحيب : جاسم يا زينب جاسم طلع متجوز عليا
شهقت زينب بعنف تضرب بيدها علي صدرها : يالهوي ...متجوز عليكي مين وامتي وازاي دا حصل
قبل بضع ساعات
كان مستطحا علي فراشه ينظر للفراغ بشرود يعيد حساباته من البداية عمره يمر امام عينيه كشريط سريع عرف نفسه جيدا.....شخص اناني انتهازي لا يهمه سوي مصلحته يحقد علي ذلك الرجل فقط لأن ابنته تحبه ...لينتهي به الحال يتآمر ليأذي ابنته او بمعني آخر ليعيدها إليه كما صور له شيطانه حتي يبرر لنفسه أفعاله الدنيئة ...انتبه من شروده علي صوت زوجته بجانبه : خير يا جاسم أنت كويس
هز رأسه نفيا بشرود ...لتهتف هي سريعا بقلق؛ مالك يا جاسم انت تعبان اطلبك دكتور
اخذ نفسا عميقا يزفره بحرارة يهتف بشرود : أنا وحش اوي يا فريدة ...أنا اسوء بني آدم علي وجه الارض ...فضلت آذي في بنتي وأنا فاكر ان أنا كدة بحبها ....فاكر انها لما تكرهه هتحبني
ارتسمت ابتسامة حزينة على شفتيها : دلوقتي بس فهمت أنك كنت بتأذيها ...مش أنت بس اللي اذيتها ...أنا كمان ساعدتك بصمتي وسلبيتي في حق بنتي لما كنت بقول في نفسي جاسم بيحب بنته ومستحيل يأذيها ...حاولت اكفر عن ذنبي لما اشتركت مع محمد في اللعبة اللي رجعتها لخالد تاني
نظر لها بندم يهمس بألم: مش لينا بس اللي اتأذت بسببي ....شمس كمان اتبهدلت كتير بسببي
عقدت جبينها باستفهام تسأله بقلق : شمس مين
ابتسم بمرارة : من اكتر من عشرين سنة لما كنت لسه محامي صغير بكون نفسي عشان اكبر ويبقي ليا اسم ...كنت بتدرب في مكتب محامي كبير كنت بسافر بالشهور وما برجعش غير يومين بس كل كام شهر.....كنت دايما بلح عليكي انك تجيبي لينا وتيجي تعيشي معايا وانتي دايما كنتي بترفضي بحجة أن لينا متعلقة بخالد ومش هتقدر تبعد عنه
هزت رأسها ايجابا بقلق: ايوة دا حصل بس أنا ليه بتفتح في كلام قديم مر عليه سنين طويلة
واتقفل
هز رأسه نفيا بهدوء : ما اتقفلش الماضي كان فيه إنسان أناني كان مستعد يدوس علي اي حد عشان مصلحته .....كنت محتاج احس ان في حد معايا بيشاركني حياتي ...وكانت هي روحية بنت عم عبده عامل البوفية ...بنت جميلة أوي الف مين بتمناها ....عرضت علي ابوها مبلغ كبير مقابل أني اتجوزها في السر
شهقت فريدة بفزع تنظر له بذهول ليكمل بألم؛ 3 شهور وبعد كدة قررت اخدكوا واسافر ...طلقتها غيابي من غير ما اشوفها ....يمكن لو كنت شوفتها ساعتها ما كنتش طلقتها لأنها للأسف كانت حامل ... وخلفت شمس ....شمس اللي ماعهاش حتي ابتدائية من قلة الفلوس ...شمس اللي قبل ما تم حتي عشرين سنة اتجوزت واحد اكبر مني عشان فلوسه واحد بيضربها ويعذبها ...شمس اللي لولا خالد كانت هتفضل في العذاب دا طول عمرها ....أنا لازم ارجع بنتي لحضني لازم اعوضها عن اللي فات ....مش هفضل طول عمري اجمع في فلوس واكبر في اسمي وبناتي حياتهم بايظة بسببي
أنت تقرأ
جنون عاشق(الجزء الثاني من رواية أسير عينيها) بقلمي دينا جمال
Misterio / Suspensoبين العشق والجنون شعرة رفيعة شعرة قطعها منذ أن عادت إليه من جديد هو عاشق مجنون متملك غيرته عمياء هوسه بها جعلها مجنون « لا تلوموا عاشقا ولا تنعتوه بالجنون فلو أصابك العشق مثله لقضيت الليالي تهذي كالمحموم ، فما فائدة العشق أن لم يتحلي بالجنون ،...
