اها مليت عيني استغفر الله ما قصدي اتأملو لكن نوع دا ما شفتو ،،، يومي كلو بشوف في طارق بتاع الدكان لسانو طويل وبديني الوزنه ناقصه وسعرو عالي بقطعو من راسو المصلع دا ،،، اها بقيت اتكلم براي : انت الزيك دا يستاهل يزعل زاتو عشان تاني ما تتعولق وتحب... انت الزيك دا مفروض امك ما تخليك تطلع شبر من البيت وتختك قدامها وتتأمل... انت الزيك دا مفروض ما يمشي في التراب... لكن برضووووو تستاهل يا عواليق يا ما عندك نظره هسي لو قعدت سنجل مش احسن ليك من معطة الحب دي عليك النبي 😍😂😏
فجأه سمعت صوت خالتي قالت لي يابت يا فدوى مالك صاحيه بدري والموقفك في الشباك شنو ؟!🌝
قلت ليها يا خالتي بدري شنو كدي شوفي الساعه كم... بعدين انا ما بعرف انوم زي بناتك ديل ولو خليتني امشي اصحيهم يشوفو شغلهم احسن من النوم
قعدت تضحك علي وقالت لي لالا خليهم
قلت ليها عاد بناتك وانتي خربتيهم لكن ع كيفك
قالت لي كدي اسمعيني عايذه جنزبيل للشاي
قلت ليها الدكان بكون قريب انا بمشي ليك
قالت لي امشي معاك ما بخليك براك
قلت ليها هوي والله انا الخرطوم دي مربعاها ع رجل وااااحدي وماف زول بباريني... وعمري دا كلو من ركشه لركشه ومن محل لمحل حتى ناس السوق حفظوني 😂😂😂 ...خوفك دا اعملي لبناتك المدلعات ديل لكن دلعهم دا قريييب بنتهي
قعدت تضحك ضحككك قالت لي الله يهديك انتي حبيبتي😘
انا لفحت توبي ونزلت ،، ناسيه انو الولد العصبي داك خااالص
مع طلعتي كدا من البيت الهوا شال لي التوب وشعري مكشوف وناعم هو ما بمدح في نفسي لكن عشان تعيشو الدور 😂✋
اها هو لسه واقف وعاين لي مسااافه
انا سريع سريع رفعت التوب وعملت نفسي م مركزه معاو... بقيت حايمه في الشارع وما شايفه دكان وظااااهر اني طاشه شبكه
هو مركز لاني بجي راجعه اكتر من مره
سمعت صوتو قال لو اخدتي راحتك مش احسن من الحوامه من الصباح
انا النار دي قامت فيني وقدر ما حاولت الم لساني علي ماااا قدرت... طواااالي انفجرت وقلت ليو انت معاي انا ؟! بتعرفني من وين عشان تتكلم ؟! بعدين حايمه ليك في بيتك ولا في بيت أهلك ؟! ما عندك دخل فيني ان شاءالله احوم في نص الظلط شغلتك شنو ؟! عدم الموضوع ليك شنو يا منغمس في خصوصيات الناس
هو فكاها ضحكه ، اظن ضحك في كلمة منغمس دي 😂
واااحححيييي من ضحكتو ،، بالله زي ضحكة عمر في مسلسل حب للإيجار 😴
فجأه اشوفو بنادي في شافعه زي عمر 9 سنه قال ليها تعالي ،، وعاين لي قال لي انتي لو بتفتشي للمشاكل ما تجيني انا لاني اصلا ما بتكلم معاك يا استاذه ...بتكلم مع اختي ولو سمحتي وانتي طالعه لفي توبك كويس
انا مع اني انحرجت واتمنيت الارض تبلعني لكن وجعتي كلمتو بتاعت لفي توبك
قلت ليو قصدك شنو ؟!
عمل لي كدا 🤷♂🤷♂🤷♂ ،،، ساق اختو ودخل البيت
جنبي طوب قربت اشيل طوبه ارمیها فيو لكن نعلت ابليس وبقيت اتمتم سااااي... شفت ولد طويل كدا شايل كيس وشكلو جاي من دكان... وقفتو قلت ليو لو سمحت انا جديده هنا ممكن توصف لي دكان قريب ؟!!!
قال لي جدا ،،، وصف لي
شكرتو ومشيت
جبت الجنزبيل واشتريت اندومي وشيبس ورصيد
