ما دقيت الباب نظام مفاجأه وتوشك دخلت وكانت الصدمه
هو قاعد وقدامو اللابتوب ... وفاق قاعده في رجل الكرسي وتضحك
وهو زاتو ما مقصر ومندااااح معاها
لمن شافوني ،، وفاق قالت لي
#افتكر الزول بستأذن وانتي منو ؟!
*بعتذر .... قفلت الباب ورجعت بطريقي💔😢
سامعه عمر بنادي فيني لكن ما اشتغلت بيو نهائي لحد طلعت من الشركه
حسيت رجولي ما شايلني ... في مسطبه قعدت فيها وابكي😭😭😭😭😭
عمر جاني ومتوتر اكتر مني قال
#فدو
*ما اسمي اي زفت فدو .. ويا سيدي غلطانه انا جيت فجأه .. امشي ليها واصل قعدتك😭
#ما تفهمي غلط وتألفي من راسك💔
*دي حياتك عيشها زي ما عايذ وما عايذاك تبرر حاجه 😭✋
#روقي واستهدي بالله ، ياخ الموضوع م كبير للدرجه دي 🙄
*تمااااااااااااام
#فدو عايني انا بتكلم معاك
*امشي مني ما عايذاك
#انتي هسي متضايقه ما ح اركز في كلامك
*لا ركز عادي
...... ....... هو قعد جنبي ودنقر راسو وسكت مسااااافه ، انا تميت بكيتي وقلت ليو
*انا ما حصل حبيت قبلك .. ومن يومي بنتقد العلاقات لاني شايفاها عذاب ووجع قلب .. ما فكرت مجرد تفكير اني احب زول من قلبي .. لكن حبيتك انت وما قلت ليك بحبك من عرفتني وكنت فاهمني انت وما ضغطت علي نهائي وهسي انا بقول ليك بحبك يا عمر وبغير عليك حتى لو من صحبتك الانت معتبرها اختك .. ودا سبب تصرفي معاك قبيل .. لمن حسيت نفسي قلت كلام غلط جيتك لحد هنا عشان اراضيك ما بهون علي اخيك متضايق لانك شايلني في عيونك .. بس يا عمر ما بيدي وما بقدر اتعامل عادي ما دام هي بتحبك .. ياخ لو هي معتبراك صاحبها ممكن اتقبل الوضع لكن هي بتحبك .. قول لي اعمل شنو عليك الله😭💔
....... ...... ...... هو ما رفع راسو الا بعد انا خلصت كلامي كلوووو
#ما عارف اقول ليك شنو بالجد💔💔💔 انا فااااهمك والله وكنت متأكد انك ح تراجعي نفسك وتسحبي كلام قبيل ... انا لمن حبيتك جيت كلمتك لمن كنا برا في الشارع ولو عايذاني اعيدو ح اعيدو .. ولو بتتذكري لمن كنا في العربيه وجات اغنية كدا قلت ليك البت البحبها ما ح اكسرها وح احتويها وهدفي سعادتها ... حرفيآ دا البعملو ليك لكن وحياااااة معزتك وغلاوتك عندي انا ما مستحيل افكر في وفاق .. ووضحت ليها اني ما ح افكر فيها غير اخت وما طالع بيدي حاجه ... ممكن اطلب منك طلب ؟!🙄
*اطلب
#خليك واثقه فيني .. وختي لي عذر لحد اوضح ليك قبل تفهمي غلط .. والمره الجايه ما تقفلي الباب وتمشي .. تعالي قوميها واقعدي انتي ما عندي مشكله ، المهم الحلو ما يزعل 🌝😂
*هههههه حناك ، طيب كنتو بتضحكو ليه
#قبيل لمن اتصلت علي قالت لي لقيت صورك القديمه وعايذه اوريك ليهم ،، المهم لمن انتي جيتي هي كانت بتوريني ليهم وهم ما حلوات لاني كنت برلوم وفرحان ومفتري😂💔💔
*ممممممممممممم ، طيب
#طيب شنو
*طيب خلاص م زعلانه انا
#في دمعه شكلها م لحقت اخواتها ، جات متأخره
... قشاها لي 🙈🙈🙈🙈💚
وقال لي #ياستي زعلتيني قبيل وتاني زعلتيني منك
*😳متين تاني زعلتك
#ههههههه اي زعلت لانك زعلتي يلا راضيني
*ههههه غياظ ، اصلا جيت اراضيك لكن اول نمشي نتغدا لاني جعانه😁
#يحليلي فلست بقيت مسكين😢
*ههههههه اي عارفاك مفلس وعازماك انا
#انتي هبله ولاشنو ، انا بشتغل وبتعب عشانك انتي واخواني ، المختصر قروشي هم قروشك وتطلبي اي حاجه نفسك فيها يا روحي☺️☺️💚❤️
*اي دا بعدين لكن هسي لا
#بطلي فهمك الطيره دا ما تخليني ازعل زياده😒
*😂حلاتك لمن تزعل ، طيب ح تمشي انت وعندك شغل ؟!
#الشغل طاير ، لقيت لي عذر اطلع انا زاتي ، ح نتغدا واوصلك بيتكم وارجع بيتي ، يلا قدامي امشي فالحه بتي الشافعه
*😂حاااااضر يا ابوي
...... ...... .......
وصلنا المطعم ما كان بعيد هو .. اتغدينا وبقيت احكي ليو عن يومي
وهو خاتي يدو ع خدو ومركز معااااي شديد ويعاين لي
*بسبس عموري انت سارح وين🙄
#في كلامك وحركاتك وملامحك ، متين يجي يوم تكوني معاي في بيت واحد 😢
*😂مجنون ، ح يجي اليوم دا ما تستعجل
#كيف م استعجل احتمال يطلع واحد من اولاد اهلك ويخطفك مني
*انا ووعد الكبار في اسرة اهل امي ، اما اعمامي وعماتي انت عارفني م معترفه بيهم .. المختصر ما بخطفني منك الا الموت
#ااايييشششششششي بقيتي تعرفي تردي😂
*😂😂بقيت كبيره صح
#لالا 😝😝😝
*عولاق كبيره غصبآ عنك😒
#خلاص كبيره في نظري لكن شافعه ، كدا مناسب وعلي الحرام ما اتراجع من كلامي😌✋
*😂😂😂تحرم شنو يا الفالح
#م عارف لكن بقول ساي م تركزي😂👊
*حااااضر ،، يلا عايذه اراضيك لكن ما بعرف اذا ح يعجبك ذوقي .. هاك ديل ليك🛍🎁
#ممممممم فيو شنو الكيس دا
*بطل شمارات ، افتحو وشوف
#😍😍😍😍😍😍😍😍😍😍😍😍شافعتي جابت لي ساعه وعطر .. حلوين زي عيونك الكبار ديل .. كفايه انهم منك يا قلبي .. وياستي من هسي ح البس الساعه وما ح البس غيرها نهائي .. الله يخليك لي💚
*ويخليك لي .. انت العملتو عشاني ما قليل..تستعملهم بالعافيه☺️
#الله يعافيك يا عافيتي .. لكن عرفتي انو دا عطري كيف ؟؟
*😂😂😂غبي دا .. انت بتجي مستحم بيو حمام عديل .. في نهاية الشارع بعرف انو دا عطرك
#دي الشهره يابتي😂😌✋
*😂😂سجم الشهره الهامله دي
#غيره وارواح شريره ، اصلا القمم مستهدفه ما بشتغل بكلامك🌝😌
*هههههه طيب يا سي عمر .. نمشي لانو المغرب قرب يأذن
#مالو كويس ع الاقل ح تشوفي الاضاءه في الشارع .. مش بتحبيها
*اااااحااااا😍 اكيد
#اي عارف مزاج مساطيل بس
*فعلا عشان كدا مزاجي حباك يا مسطول😂😜😝
#فصيييحه ولسانك طويل😂
يلا قومي قومي بطلي امورك دي
*هههههه براك بديت
..... ..... ....
فتح لي باب العربيه قال لي
#ما تتعودي بعدين تفتحي براك 😂😝
*بعدين ما بنختلف 🌝🌝🌝
..... وطول نحن في الطريق ،، هو بعاين للساعه ..ياخ كمية الفرحه في عيونو وهو يعاين للساعه في يدو 💚💚
بقى يحكي عن يومو في الشغل وووو
لحد وصلت شارع بيتنا
ودعتو ونزلت
ما بعدت منو خطوه ، هو اتصل لي قال لي ما اتلفتي ليه يا قاسيه
قعدت اضحك واتلفت عليو قلت ليو والله انت الشافع ما انا
هو ضحك وفات لكن بتكلم معاي لحد انا وصلت البيت
....... ....... .......
واستمر الحال ع اني امشي الجامعه وهو الشغل .. وع مكالماتنا واهتمامنا ببعض
كنت مبسوطه شديييييد .. ولاني مشغوله بالجامعه ومرات توزيع المستشفى .. ما بقابلو
وحتى ناس خالتي ما بمشي ليهم
هم بجونا بس
لحد يوم جاتني وعد في الجامعه قالت لي م قادره اصبر وجيت اكلمك انو حددنا موعد العرس ح يكون في نص شهر 4 ان شاءالله😍
ياخ انا فرحت فررررررح وكأنو عرسي ،، البت دي جميله وطيبه تستاهل كل حاجه حلوه💚💚💚😍
