*اهاااا خلاص شفت عربيتك
#استعجلي بالله 😌
..... انا مع فرحانه لكن خجلانه من العملتو ،، اما مروه ما فاضل ليها الا تنطط 😂😂😂😂
..... مشيت وقفت جنب عربيتو ،، هو نزل القزاز بتاع العربيه وقال لي لو منتظراني افتح ليك الباب وطاتك اصبحت 😂😂 ادخلي يلا من الشمس
*هههه ما منتظراك
...... لمن انا قعدت في المقعد جنبو ما قدرت ارفع راسي 😅😅😅
هو ضحك فيني قال لي ام لسان طويل ما مشتاقه لعمرها ولاشنووووو
انا ضحكت بس ما رفعت راسي
هو فجأه حضني🙈🙈🙈
قال لي
#مشتاق ليك شديييييييد يا شافعتي 💚
..... انا عويره طبعا ما بعرف للحاجات دي وما بعرف ارد ... المهم هو تاني رجع ومسك يدي قال لي احلى حاجه فيك هو خجلك دا ☺️💚 ... بس ممكن ترفعي راسك عايذ اشوف عيونك طولت منهم ياخ😢
انا رفعت عيوني وعاينت في عيونو مساااااافه لحد احرجني هو قال لي
#خلاص حفظتي عدد رموشي كم 😂😂
*غيااااظ ياخ .. اها ماشين وين
#باقي اليوم دا المول لانو دي بدايه جديده لينا ...💚
...... وصلنا المول واكلنا واتونسنا ونسه عاديه عن الشغل والجامعه ووو
لحد هو قال لي
#فدو شافعتي الحلوه البحبها شديييد ... اول حاجه انا مستحيييل افكر اسيبك واتخلى عنك لاي سبب لاني يوم حبيتك شفت فيك البت البتمناها ... ووعدتك ح اكون سندك وما ح اخلف وعدي مهما كانت الاسباب ... المشاكل بتحصل في اي علاقه لكن الحل اننا نحلها ما ننهي علاقتنا ... انا لمن سافرت قاصد عشان افكر في الحصل ووصلت للحل اللي هو اكون معاك لاخر نفس في حياتي ... وبالنسبه لوفاق فهي اعتذرت مني وجاها عقد شغل ومسافره بكره وما ح تكون في حياتنا خااااالص ... حتى الحصل ما ح نفتحو تاني انا وانتي ... ح نعيش عشان سعادتنا ...☺️💚✋
*عمر 😢💔
#ما مشكله المره دي لو عايذه تبكي ابكي لانها ااااخر دموع يا حياتي
*بالجد ما عارفه اقول ليك شنو غير ربنا يخليك وما انحرم منك 😭💚
#امييين وياك ... القرار الوصلت ليو هو
*قرار شنو😳
#😂ما تتهجمي ... ح نعمل عرسنا بعد تخلصي السميستر دا
*😳😳😳انت مجنون ... عرسنا متفقين بعد اخلص السنه كلها
#والله دي ما مشكلتي ... انا ح اعرسك في اجازة السميستر ودا قرار نهاااائي✋ لمتين انا اكون مشتاق ليك وانتي بعيده ... لازم تجي بيتك بعد كدا يا مرتي الحلوه😘💚
*عمري لكن
#ما لكن ... قولي خير عشان نكلم اهلنا ... والنبي وافقي ... اهون عليك اترجاك كدا
*😂😂مجنوووني .... مواااافقه😍😍😍
#😍😍ااااخيييييرآ ... يلا اوضح ليك من هسي ... ما تشيلي هم القرايه ح تواصلي وكل يوم ح اوصلك الجامعه ونهاية اليوم ح اجيك
*ههههه لكن انا بطلع العصر من الجامعه وانت من الشغل المغرب ومرات العشا
#😂غبيه دي متوقعاني استمر كدا بعد اعرسك ... لا طبعا ع حسب اني مدير ح اطلع بمزاجي وح ارتب جدول حلو للشغل ... اليوم كلوووو ح اكون ليك 😘❤️
*😍جااااادي ... مممممم طيب خير
#اي وبالنسبه للقرايه ح اعمل ليك جدول لاني في البيت ح اقريك انا زااااتي😌✋
*برررري مالي قنعانه من مستقبلي ولاشنو 😂😂
#هبله حطمتيني ... يلا المهم ح نجهز بيت قريب لبيت امي
*مستحيييل انا اوافق ... ح نسكن في وحدي من شقق بيتكم ... يعني امك عندها حق فيك اكتر مني ☺️☺️☺️
#حبيبتي بالجد نعمه انتي ياخ
......... ........ .......
مرت الايام والاسابيع ورجعنا مبسوطين اااااكتر من اول ... وكان كل خميس بطلعني مشوار ... وقف معاي كتير ... لحد خلصت امتحانات وكل يوم بحبو اكتر من اول😍💚
....
وبقينا في تجهيزات الشنطه والريحه وترتيبات العرس
......لحد جاء يوم العرس🙈🙈🙈
كنت في الكوفير معاي وعد جات حامل حلاتها ياخ😂
وريل اتخطبت لعلوش 😍
ومروه حددت عرسها لكن بعد نخلص السميستر التاني💚
..... جاني عمر يسوقني من الكوفير
اوووول كلمه قالها لي
#الشعر الطاااالع ما محجب😂😂😂
*انت مصر تعلق ع شعري يعني😂
.... هو قرب مني وحضني عليو شديييد وهمس لي في اضاني
{الف مبروووك السعاده علينا يا حلالي}...💚
وبعد مني شويه مسك يدي قال لي طالعه حلوه كالعاده وح احصنك عشان ما يسحروك لي ... حصني وقرا سورة يس 😍
انا قلت ليو {انت سعادتي والف حمدلله عليك ... ح اكون ليك كل حاجه حلوه في حياتك يا نبضي}...💚
وفجأه عمار جاء كابس 😂😂 قال لينا اتغزلو في بعض بعدين يلا نلحق التصوير قبل الحفله تبدا
وكلهم اتحركو واتوزعو ع العربات
مشينا اتصورنا الاوت دور وكانت صور حلوووه شديد 😍😍😍
..... لمن وصلنا الصاله كانت مزينه بصوره بطريقه خرااافيه ... والزفه حلوه
لحد جاء زمن الرقيص وطبعا انا ما بعرف ارقص 😂💔
وقلت لعمر انا جعانه
هو قال لي فضيحه حتى يوم عرسك تفكري في بطنك 😂😂😂
... الاتنين رقصنا ع اغنية
💕💕يا حيااااتي ياما حلمناااا باليوم دا وصبرنا يا عمري كتيييير ... واخيييرآ ح يجمع بينا بيت واحد وحب في قلوبنا كبييير ...
يا حبيبي انا مرتاااحه وقلبي مطمن عشان ويااااك ... وسنيني ح تبقى احلى عشان ياحبيبي ح اعيشها معااااك .... 💕💕💕
#النهاااايه ...
