المتصله مروه صحبتي
الوقت اتأخر مالا ياربي🤔🤔🤔
اوووول من فتحت الخط سمعتها بتبكي
* بسم الله مالك 😳
# زهجانه ساي
* احكي
* ماف حاجه 😔💔
# بطلي حركات وماف حاجه قوليها لحبيبك لكن انا غصب تحكي ، وياستي انا بختصر ليك بما انو الليله قابلتيو معناه اتنافشتو صح🌝
* اي وهو ما عايز يتكلم معاي😭
#عملتي شنو انتي
*ما عملت حاجه لكن شاف صورنا لمن طلعنا ومعانا شله كلنا ومعانا ولدين ،،، قال لي ما حكيتي لي وكييييف تعملي كدا.... ضرب التربيزه بيدو وفات خلاني😭
#عاد انتي زاتك بتبالغي القال ليك اطلعي منو وصحي ليه م كلمتيني🤔
*فدوى بطلي عولاق لانك قداااااااااااام
#سجمي معناه زاتي ح يشاكلوني💔😳
*😂😂😂انتي عندك منو يشاكلك
#اي صحي لكن عشت معاك الدور 😅
*اها اعمل شنو انا ؟؟
#انتي هبله ولا بتتهابلي... عاقد عليك هو عشان يتحكم فيك... الواحد يعمل نفسو الاسد النتر ويتفرعن فيك... وانتي تصدقي وتنفسني وتبكي... انتي زاتك كنتي تضربي التربيذه وتقولي ليو اعقد علي عشان تحاسبني لكن ما بتعرفي تستقلي المواقف نهائي 😒
*عايذه تخربيها لي مش... انا ما بهون علي اعمل كدا 😔
#خلاص اقعدي ابكي... انا ماشه اكل 🚶♀🚶♀🚶♀
*اصبري تاكلي يومك كلو ما ظهر فيك... وريني اعمل شنو😭
#وريتك ما اقتنعتي.... ماشه ااااكل🚶♀🚶♀🚶♀
*النبي اصبري شويه ما تخليني ضايعه
#مضيعه روحك برااااك... كلمتك قلت ليك خليك سنقل والله راحة بال ساي تسمني... ماشه ااااكل🚶♀🚶♀🚶♀
*السمن مالو ما ظهر فيك انتي
#ما تحطميني لو سمحتي... كدا مناسب ما عايزه اكون زي كيم كارديشيان....ماشه اااااكل🚶♀🚶♀
*الله يجازيك 😂😂😂 انتي زاتك زيها لكن الفرق انها انثى واسم كيم... وانتي بت اسمك فدوى فدوووووى بت محمد
#مروه ما تخليني اديها من حسناتي البت الكافره دي والله تعبت ألملم فيهم 😒....ماشه ااااكل🚶♀🚶♀🚶♀
*خلاص امشي
#اسمعيني اتصلي عليو وبرري ليو لانك غلطاااانه ثم غلطانه وبالله اتصلي وحنكيو لانو الاولاد ديل قليلين ادب بتحنكو بليل سريع خلاص... ولو ما رضى ليك تااااني بكره حنكيو ما دام اصلا كرامه ما عندك اعملي كدا.... يلا ودعتك الله
*طيب من قبيل بتتعاوري مالك
#ساي بطمم ليك في بطنك لكن عارفاك بتجيني تاني وتمعطيني💔
*سمح يلا اجري اكلي😂
.......... ......... .......... ........
نسيت احكي لمروه لكن هسي ما ح تستوعب كلامي ...خلاص لبكره بوريها
مشيت المطبخ اكلت وجيت قعدت جنب وعد قلت ليها انا الحبسه دي مااا بتخارج معاي والله... لو باريتكم بتمسكني رطوبه من عدم الحركة دي 🌝
قعدت تضحك قالت لي انتي في يوم وااااحد لفيتي من الصباح دكان وبعدو مول واخر حاجه تكابسي في بيوت الناس 😂
قلت ليها والله كلو منك دخلتي البيت بدون مقدمات 😒
قالت لي كدي اسمعيني رايك في ولدهم دا 😉
قلت ليها مالو زيو زي الاولاد ما يغرك شكلو دا لكن قليل ادب
قالت لي اجي بتعرفي من وين😳
قلت ليها ساي بقول من راسي
*بقت هي تتكلم ومره اسمع كلامها ومره م اسمو وشخرته شخره وحدي لحد الصباح😴😴😴😴
..... ...... ......
لمن صحيت لقيتم نايمييين ودا كان يوم الجمعه ع ما اعتقد والخطبه شغااااله.... عملت ليهم الشاي وجيت نضفت البيت مع انو ما يحتاج لكن القعده غلبتني ما متعوده ع الوضع دا🤣🤣🤣
وقفت جنب الشباك وطلع عمر ماشاءالله والحمدلله ولا اله الا الله والله اكبر 😍✋ لابس جلابيه بيضاء ونضيييفه انضف من سمعتي ياخ... يلا مركبه سماعاتي وجات اغنية احمد امين 💞
{الجلابيه البيضاء مكويه يا حبيبي بسحروك ليا... حبيبي اديتك اماااانه ومن قلبي وروحي حنااانا .... ورفعتك في أسمى مكانه... دا حبك أثر عليا يا حبيبي بسحروك ليا...حبيبي ل الله خليتك وان شاءالله اتهنى بجيتك.... واوعك تنسى الوصيه دا حبك اثر علي يا حبيبي بسحروك ليا... }💕💕💕💕🎼🎧
للحظه حسيت انو الاغنيه اتعملت عشانو🙈🙈🙈
وهو مبتسم وطلع العربيه وفات
يلا حسيت بحاجه غريبه ما حسيت بيها قبل كدا خالص... ما من طبعي اني اركز لكن المره دي بالجد ركزت فيو هو تحديدآ مع اني يادوب عرفتو في يومين بس... خوفت من الإحساس دا وحاولت اشغل نفسي ومشيت لقيت خلودي صحى
جبت ليو حليب وشغلت ليو البلاستيشن وبقينا نلعب ونضحك
....... ...... ......
العصر كدا خالتي قالت ماشه لخالتو سهام لانها اتصلت عليها وساقت ريل معاها
ووعد يومها كلو يا اما نايمه او ماسكه التلفون... لي حق اني اقرر ارجع لامي 🌝🌝🌝
يلا المغرب كدا خالتي رجعت
وريل بقت تحكي قالت لي والله يا فدوى خالتو سهام دي طيبه شدييييد واتخيلي انو زوجها اتوفى وخلا ليها المسؤوليه ... عندها عمر دا الكبير واشتغل في شركة ابو بعد خلص الجامعه... بعدو لدن قرت IT دي اتزوجت ومسقره في قطر... وعلي بقرا طب ...اخر العنقود لميس الصغيره
طبعا خالتو سهام كلامها كلو عن عمر ياخ بتحبو ومتعلقه بيو شديييييد 💚💚💚
*قلت لريل دقيقه دقيقه كيف شغال في شركة ابو وهو قاري صيدله ؟!🤔
قالت لي غبيه مالك ، الشركه بتاعتهم يعني ماف غيرو
والصيدليه القدام دي بتاعت عمر لكن شغال فيها خالو
وهو مرات بستلم بدل خالو
قلت ليها طيب اتوفى كيف أبوهم ؟!
قالت لي م حكت لينا
*خالتي نادتنا ومشينا ليها
أصلا م عندهم موضوع غير الونسه.... وانا عشقي الكلام والنقه بستلم الونسه ع حسابي😂✋
وهم مبسوطين ويشاركو
...... ......
يلا بليل م جاني نوم نهائي واووول مره ضميري يأنبني... حسيت اني ظلمتو واتعاملت معاو بطريقه مستفزه 😭💔
وقررت بكره قبل ارجع البيت لازم اعتذر منو
