.......فتحت باب العربيه وكنت نازله لكن هو وقفني قال لي
#نسيتي تشيلي معاك سندويتشاتك😅
*تسلم ، وصلت البيت ماف مشوار عشان اجوع😂😂 خليهم معاك
#جبتهم ليك يعني تشيليهم يلا منتهي✋
*ههههه مجنون يلا ح اشيل واحد وخلي الباقي معاك
#لا ، ما تعانديني الله يهديك🙄
*حااااااضر وتسلم☺️💚
...... ...... ..... نزلت انا وهو واقف يتبسم ويعاين لي ، انا رفعت ليو يدي ومشيت
يلا لمن وصلت البيت ما لقيت ولاااا زول ، اتصلت ع امي قالت لي مشينا مشوار ح نتأخر
انا دخلت الغرفه ورقدت في سريري وبقيت افكر في اليوم كلووو وعمر وابتسامتو وكلامو... وقدر شنو انا مبسوطه بمعرفتي بيو ...بالجد طلع عكس المتوقعاو ...
وانا ابتسامتي للضرس الاخير قلت لنفسي هوي يا فدوى اوعك تبدي تتعولقي ، وقمت قعدت في التلفزيون مره ومره امسك التلفون لحد المغرب اذن صليت وقريت سورة البقره وحسيت نفسي جعانه🙊💔
فتحت الكيس لقيت فعلا في سندوتشين لكن معاهم علبه طويله ملفوفه بنفس ورقة السندويتش ، حركات هنود 😂😂😂
فتحتها لقيت فيها إسوره رفيعه حلوه شدييييد شديد في عمري ما شفت زيها خالص
بقيت عامله كدا😳😳😳😳 وفاتحه خشمي يا جماعه براحه علي لاني ما متعوده
طول عمري بشتري لنفسي وحتى لو اشتريت ما بلبسهم كتير
المهم مع الإسوره في ورقه مكتوب فيها :💌 حاجه بسيطه وما قدر مقامك بعتذر ، بس طلبي منك تكوني لابساها دايمآ ❤️
...... انا قعدت في نص السرير وبقيت ابكي واكل😭😭💔، معذوووووره بايره 😂😂😂
اها تميت بكيتي والاكل ، قشيت دموعي وشربت لي مويه وجيت اتصلت عليو
#الو
*عمر
#اي عمر لو عاجبك اسمي ممكن نسميك ع اسمي يعني😂
*هههههه لالا بري كفايه عندك ، اها عايذه اقول شنو 😅نسيت اني متصله ليه
#مجنونه،اخدي راحتك لحد تتذكري ، امسيتي كيف ولقيتي اهلك كيف؟!
*ما لقيتهم اصلا قالو في مشوار ، وانا كويسه ، انت عملت شنو بعد وصلتني؟!
#رجعت الشركه عملت اجتماع وضروري اسافر دبي
*كيف كيف كيف 😳 تسافر ليه ومتين وح ترجع متين ؟؟؟!!؟؟؟
#ههههه روقي عشان اقدر اشرح ليك
*حاضر
#في الطبيعي بسافر عمار لكن ماسك مشروع جديد هو ما ح يقدر ، المهم بكره ح اسافر وارجع بعد اسبوع ان شاءالله
*ممممممممممممممم ، اسبوع!!!!!
#ههههه اها وبعدين ؟!!!
*ماف شي ، تسافر وترجع بالسلامه
#تطلبي شي اجيبو ليك معاي ؟!
*دليفري من هناك ينفع😂😂
#لاااازم تفكري في بطنك يعني😂💔
*ما طالبه حاجه غير سلامتك
#الله يسلمك لي ، اها ما اتذكرتي سبب اتصالك
*اي اتذكرت لكن ما بعرف اعبر لمن تحصل معاي حاجات حلوه ، الإسوره حلوه شديد وكلامك حلو وانا ما ح اطلعها من يدي خالص ، ربنا يخليك بالجد فرحتني☺️💚
#انتي تستاهلي اكتر من كدا ياستي ولمن جبتها ليك ما منتظر منك تعبير لانو نوعك دا ما بعبر اصلا😂😜😝
*ههههه عولاق كيف ، غلطانه انا يلا اتخارج مني
#دقيقه ما تقفلي ، عايذ اقول حاجه 🙄
*اها قول
#خلي بالك من نفسك
*حاااااضر ان شاءالله ، وانت كمان💚
#ما عايذه تودعيني ، انا مسافر بكره وكدا 😂😂😂
*يا سااااتر ، يوم كامل معاك تاني شنو
#بهظر يلا لبعدين
*اوكي
....... ....... .......
بعد المكالمه خلصت انا ما نزلت عيني من الإسوره ياخ لمن يدي عجبتني😂😂😂 ....جات امي وابوي وعدي
سلمت عليهم وكان ظاهر ع وش ابوي انو متضايق وطوالي دخل غرفتو ، وعدي ع التلفزيون
انا سألت امي
*ابوي مالو يا امي ؟!وكنتو وين ؟!
#عمتك تعبت تاني ، وهسي جينا نرتاح شويه ونرجع المستشفى تاني
*ما تتعبي نفسك فيها ، العوجه ما بتجيها وباكر تقوم شديده ولضيضه
#عيب يا فدوى م تقولي كدا
*لاعيب لاشي ، هم العملو فينا شويه ؟! ومشكلتك عارفاهم ومواصله معاملتك الطيبه دي
#فدوى ما عايذه نقاش خلاص
*سمح
....... فجأه سمعت ابوي بتكلم في تلفون وقال اشهد ان لا اله الا الله وان محمدا رسول الله💔
امي جرت ليو ، المهم ماتت عمتي
وطبعا وصيتها تندفن في الجزيره ، يعني هي حيه متعبه وبعد ماتت متعبه 😏... امي مصره تسوقني معاها لو خلتني هنا احسن لي ، قلت ليها ما بمشي
ابوي قال ليها الوقت ح يتأخر ح نوصل فدوى وعدي بيت خالتهم ونسوقها هي معانا
المهم وصلنا بيت خالتي ، هي جاااهزه وطلعت معاهم
في الوقت دا عمر كان داخل بيتم ولمن شافهم مستعجلين ، جاء عليهم سلم عليهم وسألهم مالكم يا جماعه ان شاءالله خير
امي حكت ليو
وهو رفع لينا الفاتحه
وهم فاتو
يلا وعد ساقت عدي ودخلت البيت
انا وعمر قعدنا برا في الشارع
#ح تقعدي هنا لحد يجو اهلك صح
*اي
#ممكن اسألك يا فدو
*اتفضل
#ليه ما مشيتي معاهم ، وليه ما بتبكي هسي ؟!
*موضوع طويل
#احكي ما وراي حاجه
*ما بحب عماتي خالص ، العملو فينا ما شويه ، وخاصة امي ياخ بالغو معاها عديل ، ودا السبب الخلاني ما احبهم
#لكن هم اهلك ، وعمتك ماتت ربنا يرحمها ادعي ليها انتي
*ما بدي ليها ، ربنا ح يحاسبها ع كل حاجه
#ما عارف اقول ليك شنو لانو ظاهر انك في حاجات ما حابه تحكيها
*اي صح في حاجات م بتتحكي ، قلبي بقى قاسي من ناحيتهم وما متوقعه يجي يوم واني اكره زول لكن بكرهم
...... انا بكيت وختيت يدي في وشي وبقيت بقول بكرهم ياخ وما عايذه حاجه تربطني بيهم
..... هو مسك لي يدي ورفع لي راسي وقش دموعي قال لي
#هسسسس هس 🤫، ما تبكي خلاص ما بتحمل دموعك ، انا معاك ما ح اخليهم يأذوك تاني ، خليك واثقه فيني
..... وانا مواصله بكاء قلت ليو ابوي ح يكون متأثر شديد😭
#اي لانها اختو لكن فتره وح تعدي ان شاءالله
..... وفجأه علوش جاء طالع من البيت ، عمر زح يدو، الاتنين عاينا لعلوش بغبااااااء😅🙄
هو قعد يضحك قال ويييييين انا من قبيل ، لو عارفكم هنا كنت جيت بدري
عمر عاين ليو بطرف عينو نظام اسكت
علوش قال لي #بتبكي ليه يابت ما تكوني زعلتي من كلامي ما قصدي حاجه والله😳
عمر عاين لي وتاني عاين لاخو قال ليو اها اقدر سكتها يلا مش بكيتها انت اتصرف
علوش صدق يحليلو😂
قال لي #معليش ما عارفك ما بتحبي الهظار لكن لمن تبكي بتكوني جااااده وحلاتك ، تاني يومي ببكيك😂
..... انا ضحكت عليو ياخ لذيذ بشكل
عمر قال لعلوش لو عارفك بتقدر تضحكها كنت ناديتك من قبيل😏
انا عاينت لعمر مساااافه وفكيتها ضحكه😂
عمر قال لي ما قلنا للدرجه دي ما تفضحينا نحن في الشارع😂🤫🤫😂
علوش قال لي اها ح تخلوني واقف ماف اتفضل 😏
عمر قال ليو لا
هو قعد جنبنا ولاااااا كذب😂
عاين لي قال لي اها وريني مالك منفسنه وشايفك جيتي هنا ، ريل عايذين يخطبوها ولاشنو
*لالا ما عايذين يخطبوها
#الحمدلله ريحتيني😍
*قصدك شنو يا علوش🤔
#لالا قصدي يعني ...
عمر قاطعو قال ليو ابيييييناااا يلا فهمناك ما تبرر لينا😂😝
علوش خت يدو في وشو قال ليو ياخ بطل حركاتك دي
عمر قعد يضحك وقال لي فدو شكلو في نسيب جديد جاييكم😂😉
علوش قال ليو تسكت ولا اقوم منكم😢
انا قلت ليو لو قومت ح تمشي لريل ولا وين🙊
علوش قال لينا غياظين ياخ
اها ما وريتيني مالك بتبكي
قلت ليو عمتي اتوفت
قال لي اووه البركه ياخ
عمر نطط عيونو 😳 قال ليو علوش دا كلام شنو
علوش عاين ليو قال ليو مالي قلت شنو ، مش بقولو كدا 🙄🙄🙄
انا فهمتو انو ما بعرف يرد قلت ليو كلو ماشي 😂
