روايتي

١٨

#ياستي ح تعرفي كل حاجه بعد شويه
...... سلمنا عليهم وكان سبب اللمه الحلوه انهم محتفلين بقرار الخطوبه بتاعنا😍
ياخ كانت لمه حلوووه شديد لكن الخنقني المخلوقه الاسمها وفاق دي ما هضمتها نهااائي 🤢🤢🤢..
مروه تعاين ليها ساااااي شكلها زاتها ما حبتها😂
يلا علوش المجنون شايل كولا في يدو ولمن عايز يفتحها اتكشحت فيني💔
ولمن مشيت الحمام عشان اغسل جاتني وفاق
نظراتها لي ما عجبتني خالص لكن اتعاملت عادي معاها
قالت لي #مبسوطه؟!
*اكييييد كفايه الناس بتحبني وجنبي عمر ☺️✋
#ما مشكله اخدي راحتك ما معروف يحصل شنو لقدام
*قصدك شنو ؟!
#اجيبها ليك بالوااااضح كدا انو عمر بحبني انا وح اثبت ليك
*هههههههه شكلك بتحضري افلام هنديه كتير
..... وطلعت من الحمام لاقتني مروه جايه علي قالت لي
#المخلوقه دي ما تكون قالت ليك حاجه ؟!
*اي قالت انو عمر بحبها هي
#ههههههه ما نصيحه الوقحه دي ... ما تركزي معاها لانو هدفها تعكر ليك مزاجك في اليوم الحلو دا
*هي جات ليه
#بري جات مع عمار ... يلا نمشي ليهم وخليك عاديه وما تكلمي عمر عشان م يعمل مشكله وما ناقصين هسي
*حاااااضر
....... ....... .......
قعدت جنب عمر وسألني مالك م ع طبيعتك
*مصدعه
#سلامتك ، لو م قادره ممكن نرجع البيت 🙄
*لالا م ظريفه نخليهم هم تعبو نفسهم عشانا نحن
#خلاص امشي الصيدليه اجيب ليك مسكن واجيك
*لالا خليك
#فدو ما ح اتأخر لو عايزه تمشي معاي ارح
....... انا قمت معاو طوالي ،،، علوش قال لينا ع وين
قلنا ليو الصيدليه لمسكن ح نرجع هسي
ووفاق تعاين لي الكريهه
........ المهم مشينا كداري لانها جنب المطعم اصلا
في مسطبه جنب الصيدليه انا قعدت فيها (عيشتي المساطب😂💔)
عمر دخل جاب الحبوب وقطع الظلط جاب موية صحه وجاني راجع قعد جنبي لحد بلعت الحبه انا ساكته بس
#فدو احكي مالك ... انا متأكد انو ما صداع بس
*ماف شي
#معليش احكي اي حاجه جواك انا معاك
*😭😭😭ولو جاء يوم وما لقيتك معاي ح اعمل شنو ؟!
#روقي روقي بسم الله ع قلبك حتى يهدأ ... انا ما ببعدني عنك الا الموت ... ما تفكري بالطريقه دي ... وعدتك ح اكون معاك ليه بتفكري كدا ؟! وفاق ضايقتك بحاجه؟!
*لا لكن انا ما عايزه اخسرك
#ما ح تخسريني وانا ما ح اخسرك ما تقولي كدا ياخ ويلا قشي دموعك دي قبل اقشهم ليك بطريقتي
*ههههه لالا ما عايذه طريقتك ... براي ح اقشهم ... ارح نمشي ليهم ما نتأخر
#اي اضحكي ع طول ما دام انا معاك ما ح اخلي حاجه تضايقك☺️

..... لمن دخلنا عليهم لقيناهم يضحكو في مواضيع ظريفه ... عمر  جر لي الكرسي
عمار قال ليو اووووووو
عمر قال ليو شافعتي لازم ادلعها ياخ 😂
... ..... ....انا ضحكت وقعدت ...هو قعد في كرسي جنبي ومسك يدي 🙈🙈🙈
ولمن انا اضحك ، هو بقرب مني بقول لي حلوه الضحكه 🙈
وبشغلها لي لمن اتكلم بقاطعني 😂😂😂
بقول ليو ليه ياخ
بقول لي عايذ كل كلمه تطلع منك تكون لي انا بس 😌✋
... وهم يضحكو ويشغلوها زياده
الزول دا رومانسي ياخ😂💔
..... طبعا وفاق بتعمل حركات وبتحاول تلفت نظر عمر بتفتح مواضيع عن الجامعه ولمن كانو هم اصحاب التلاته وووو
كريهه خلاص والله لو ما عمر كنت قمت عليها دقيتها  😏😏😏
..... ...... ريل ضحكتنا ضحك قالت لعلوش وديني البيت قبل المغرب بخاف انا
علوش قال ليها وحلااااتي العسل بتخاف الشافعه
خلاص قومي اتونستي وضحكتي واكلتي يلا ع بيتكم ما تفضحينا  😂😂
مشو هم وفضلنا نحن نتونس ونضحك لحد المغرب اذن
المهم في النهاية كدا عمر قال ليهم
#العملتو ما بسيط والله وان شاءالله نخدمكم في افراحكم 😍 ... بس بعتذر منكم لاني خاطف فدو الليله 😂
انا عاينت ليو قلت ليو البخطف زول ما بكلمو يا غبي😂💔
هم قالو :دي اقل حاجه ممكن نقدمها ليكم وان شاءالله ربنا يتم ليكم ع خيييير ويسعدكم ☺️
....... ....... .......
لمن وصلنا العربيه قلت ليو
*ماشين وين
#اطلعي العربيه ونتفاهم 🌝🌝
*ممممممممم البباري الجداد 😂😝
...... يلا في الطريق نتونس وهو بقى يحكي لي عن سفرتو وووو
لحد وصلنا محل ايسكريم
قال لي
#اولا انتي بتحبي المكان دا شديييد انت وخاصه لمن تقعدي برا عشان تركزي مع الاضاءه ... تانيا الاكياس بتاعت الهدايا افتحيهم قبل تردي لي☺️☺️
..... لمن فتحتهم لقيت فيهم كميه من الحلويات ... وفي عطر .. سلسل شكل فراشه ... والااااهم لقيت كره زجاجيه🔮🔮🔮
انا فرحت شديييييييد وقلت ليو ربنا يخليك ويحفظك وم انحرم منك ياخ بحبك شديييد😍💚
#تستاهليهم يلا ننزل عشان اوصلك البيت بدري قبل اهلك يقلقو عليك☺️
....... هو طلب ايسكريم بالفانيليا وقال لي لانك بتحبي النوع دا تاني انا ح احبو زيك ،، بالله مش طلعت خطييير وظريف😂😂😂
*😂لالا خااااالص
#مرض ، ما طالب رايك اصلا😒🌝✋
*اي صااااح صاااح ما تزعل
...... ...... المهم قعدنا شويه ورجعني البيت لكن المره دي قريب للبيت قال لي يقولو العايزنو والله ما بخليك في بداية الشارع في الزمن دا
ولحسن الحظ ابوي اتصل قال لي وين اتأخرتي
قلت ليو قريبه من البيت ، قال لي طيب انتظريني مكانك اصلا انا طلعت الظلط عايز اجيب العشا
انا طواااااالي اتلفت ع عمر وقلت ليو بس قبلك لانو ابوي ح يكبشرني بعد شويه😂
المهم نزلت منو وودعتو
ابوي وصل وشافني شايله اكياس الهدايا قال لي عشقك هدايا😂😂😂
انا سكتا سااااي لاني لو اتكلمت ح افضح نفسي وح يعرف انو عمر الجابهم
المهم اشتريت مع ابوي العشا ورجعنا البيت
اتعشينا واتونسنا كلناااا امي وابوي وعدي
تاني غسلت العده ورتبت البيت ومشيت اتصلت ع عموري
اتونست معاو لحد نومت في المكالمه
لمن صحيت الصباح لقيتو مرسل رسائل نصيه ورسائل في الواتس
داقي جرس لاني نومت
😂😂😂😂
رجعت ليو بمكالمه
زلاني زله تقيله 😂💔 المهم قال الليله امي ح تتصل ع امك عشان بكره نجيكم
وخالي شال رقم ابوك
..... انا نطيت من السرير وبقيت اردح فيو 😂😂😂
م جاهزه بكره وليه م كلمتني من بدري وووووو
هو يضحك ما قال لي حاجه غير بكره جاينكم لو اتكلمتي لو سكتي ما ح تستفيدي حاجه😂😂😂
انا بقيت امام الامر الواقع
وجريت جري اتصلت ع مروه
وهي قالت لي خلاص مسافة الطريق ح تلقيني في بيتكم😂😂✋
........ ......... ........
طبعا اليوم داك انا ام العروس بس داخله وطالعه ومتوتره لحد الظهر كدا امي وابوي نادوني قعدوني في الكرسي الساخن😂😭💔✋
وانا اتبسم سااااي زي الطيره
كلموني انو بكره الجماعه ديل جايين
اها ابوي اتصل ع عماتي واعمامي الوهميين ديل 😒💔،،، وامي اتصلت ع خيلاني وخالاتي😍💚

مروه جاتني الله يديها العافيه
ساعدتني انا وامي في شغل البيت
وعمر اتصل قال لي المغرب نمشي نختار الدبل والمحبس بتاعك
المهم مشيت انا ومروه وهو اخترناهم ولقيتو جايب لي فستان حلو شديييد 🙈🙈🙈
........
رجعنا البيت ودخل سلم ع ابوي وامي وقعد شويه وفات
يلا نحن واصلنا شغلنا ... والاهم انو مروه اشتغلت لي ماسكات لوشي
وكل مره تكتشف حاجه جديده تعملها لي 😂😂
الليل كلو عديناو ونسه ونضافه في نفسنا
لحد اتصل طارق ومروه سفهتني😂💔🔪
بعد شويه كدا اتصلت ع عمر
شكلو نايم كان
#اااااخيرا اتصلتي😴😴😴
*كنت نايم ولاشنو
#اي ، اتصلت عليك ما رديتي وانتظرتك ترجعي لي لكن غفيت
*معليش مشغوله كنت
#بتعملي في شنو
*حاجات بنات ما تسأل🌝✋
#انا عايز اعرف يا زوله😂
*تعرف العرفتو حبوبتي
#حبوبتك الشقيه عرفت شنو😂
*بري شن عرفني انا
#مجنونه ... اها جاهزه ليوم بكره ؟!
*😍اكييييد ... ح تجو متين انتو
#تقريبا بعد المغرب
*مممممممم حلو
...... اتونسنا قريب ساعه كدا
ونومنا 😴😴😴
...... ....... .......
الصباح صحينا بدري انا ومروه
وجو خالاتي 😍 ووحدي من عماتي والله دي زاااتها لو ما جات كانت ريحتني😒
المهم بقو في تجهيزات العشاء وووو
وانا ومروه مشينا الكوفير
وريل جاتنا طبعا جابها علوش😂😂😂
قلت ليو يا ولدي انت مفروض تكون مع اخوك ما هنا
قال لي ابيييت لازم اوصل ريل💚☺️
وصلها ورجع
يلا ظبطنا نفسنا واتونسنا بالايمو مع وعد يحليلا محرومه لانو عرسها بعد يومين ما قدرت تجي طبعا ، ربنا يتم ليها ع خير😍💚
بعد خلصنا ونسه معاها
اتصل علي عمر🙈