#حق انك خطيبتو ومرتو المستقبليه ،، ما عايزه نقاش معاك يلا امشي ليو
*ح اتصل ليو بس
#لا يا غبيه ، كلام التلفون دا ما بحل مشكله ، احسن تكوني قدامهم الاتنين
*مممممممم حااااضر
#ابقي وريني الحصل شنو
*حاضر
....... انا جهزت واتصلت عليو عشان اكلمو اني جايه ما دخل معاي رقمو ،،، اتصلت ع وفاق قلت ليها جايه انا ما تطلعي من الشركه
قعدت تضحك هي وقالت لي ما عندك ااااي مشكله
...... لمن وصلت الشركه شفت وفاق ماشه قدامي مستعجله وكأنها ما شايفاني
فانا زاتي ما اشتغلت بيها لكن ركزت انها ماشه مكتب عمر 💔
هي دخلت المكتب ،، انا وقفت جنب باب المكتب وسمعت صوتها تبكي ،، بعد مسااااافه فتحت الباب نص كدا
لكن المفاجأه لمن شفت عمر بقش ليها في دموعها وماسك يدها وتاني حضنها ، اي الحضن الوااااحد دا 😭😭😭😭💔
كل دا قداااااامي ،، انا رجعت طوالي قبل يشوفني
اعصابي باااايظه وجسمي تقيييييل شدييييد
شديت حيلي لحد قعدت في كافتريا قريبه من المطعم وبكيييييت بكيت شديييييد ،، اتصلت ع مروه وجاتني لمن شافتني في الحاله دي قعدت تبكي معاي وماسكاني عليها
انا ابكي واتكلم
*ياخ اتوجعت وجع من الشفتو يا مروه،، معقوووله عمر يكون كدا ؟! انا قصرت من شنو ؟! وريني غلطي وين انا ؟!😭😭😭
#معليش روووقي روقي ، فتره وح تعدي ، معليش حقك علي انا القلت ليك تمشي ليو 💔
*ما ح اتكلم معاو تاني ، خلاص ما عايذاو في حياتي 😭
#ما تقرري لانك هسي زعلانه بس
...... كنا في حالتنا دي قريب ساعتين ،، رجعت البيت وانا في حاله تانيه خالص
لا اكلت لا اتكلمت مع زول بس ببكي
امي لمن سألتني ، قلت ليها صداع
وحتى عمر لمن اتصل لي ما رديت ليو
اليوم كلو هو بتصل وانا ما برد
في الاخر قفلت تلفوني خالص ، الليل كلو ابكي واتذكر اللحظات البينا كانت كذب في كذب😭💔
..... تاني يوم امي جاتني قالت لي مروه في التلفون ادتني ليو وفاتت
...... #فدوى اصبحتي كيف ؟!وليه تلفونك مقفول ، انتي كويسه؟!
*اكون كويسه كيف بعد الحصل ، خلاص قررت اكلم اهلي يفسخو الخطوبه
#اوووووعك تتهوري ،، انتي لسه ما اديتيو فرصه يبرر ليك
*يبرر شنو اكتر من الشفتو بعيوني
#روووقي روقي ، اخدي زمنك في التفكير لكن ما تدخلي اهلك في الموضوع
*طيب حاضر
#هو ما اتصل ؟!
*اتصل كتير لكن ما رديت ليو وقفلت تلفوني
#ممممممم صراحه هو اتصل علي قبل شويه قال لي فدو مالا ، قلت ليو ما عارفاها لحد امبارح كويسه هي
*كويس انك رديتي كدا ، لو رجع سألك قولي م عارفه بس
#لمتين لكن
*لحد ربنا يسهل
...... .......
3 ايام انا قافله تلفوني ،، ومروه بتتصل لي برقم امي وطوالي بتوريني انو عمر بسأل مني
وما ح تقدر تسكت اكتر من كدا فلازم انا اواجهو بالحصل
قلت ليها خير
فتحت تلفوني لقيت كميييييه من المكالمات والرسائل النصيه
حتى وفاق ما مقصره ومتصله لي كذا مكالمه ، خلاص وصلت هي للعايزاو
عمر دخل علي بمكالمه
وانا ما رديت
تاني علوش ،، رديت ليو
#يابت انتي كويسه ؟!
*اي الحمدلله ماف عوجه
#عايني انا ما بلف وادور كتير ، من النهايه كدا انتي وعمر مالكم ؟!
*كيف
#هو حالتو صعبه ، طول اليوم زهجان وبتنرفز من اقل حاجه ، ما طايق يسمع صوت زول حتى الليله ما مشى الشغل وقافل الغرفه عليو
*💔😭😭😭💔كر علي ،، عليك الله خلي بالك منو
#معليش معليش روقي ما تبكي ، انتي وريني الحاصل شنو بس
*ما بقدر احكي حاجه 💔😭
.... فضل يحنس فيني تحااانيس عشان احكي ليو لكن ما حكيت ليو
وحتى عمر وقف مكالمات ،، مرو اسبوعين وماف مكالمه منو 💔😭
كنت متواصله مع علوش وبعرف منو حالة عمر لكن ما طمني عليو 💔💔💔 وغير كدا انو عمر مختفى من الواتس خالص ،،، انا صراحه قلقت عليو شديييد
اتصلت عليو وهو رد من اوووول مكالمه 😭😭😭😭💔
#فدو
*عمر كيفك ؟!😢
#كيف اكون وانتي بعيده وما عايذه توريني مالك💔
*م بقدر احكي معاك كتير ، اتصلت عشان اسأل عنك ما اكتر من كدا ✋
#ليه بتتعاملي كدا ؟! لو غلطت في حقك وريني؟!
*ابدا انت ما بتغلط خاااالص
#عايني انا من حقي اعرف الحاصل ، واحد من اتنين يا اما تلاقيني الليله نتفاهم او انا اجيكم البيت✋
*افهم شنو من كلامك
#اختاري
*اووووكي ياسيدي ، اجيك وين
#الكافتريا جنب الشركه بتاعتي
*ما عندي مشكله
..... هو قفل فيني يعني بزيد فيني زياده 😂😂😂
طوااااالي رجعت لمروه انا وريتها ،، قالت لي اي دا الصاح
.... المهم مشيت ولاقيتو لكن شكلو قطع قلبي💔نحيف وملامح وشو بااااهته ومتضايق💔😢😢
قعد قدامي وعاين لي مسااااااااافه اخد نفس عمييييق ورفع راسو وتاني نزلو
قال لي #احكي
*انت كويس؟!
#ولايهمك ، اها سامعك ،، نشوف نهاية البحصل دا وين ☺️☺️☺️
*عمر انا فكرت كتيييير والله ،، شايفه انو علاقتنا دي حدها هنا
#نعم نعم !!!!! عيدي كلامك دا
*جد ،، ما ح اقدر اكمل انا
#السبب ؟!
*السبب انت
#انا😳عملت شنو انا
*انت ادرى
#فدوى اسمعيني
*فدوى!!!! اول مره تقولها لي ودا بثبت اني معاي حق
#اي حق البتتكلمي عنو انتي ،، وانا حقي وين ؟! تبعدي قريب 3 اسابيع وما بهمك انا كيف اكون
*عمر
#ما عمر ولاشي ... بتقبل منك اي حاجه تقوليها لكن كلامك دا مرفوووض بالنسبه لي ... انا ما لقيتك بالساهل عشان اخليك بالساهل .... لكن انتي بتقرري براك ع اي اساس
*ع اساس حاجات بعرفهم انا وما حابه احكي عنهم
#فدوى انتي واعيه لكلامك دا ؟!
*اكييييد
#طيب اوكي
