وعد ادتني محاضره طوييييله عريضه عن الأخلاق والمعامله ... انا بقيت معلقه ليها كويس وكلامك صاح وكويس... المهم ترحال جاء وركبنا... تلفون وعد اتصل واذا بالسيد أحمد عايذ يشمشر ويعرف الحصل شنو ... انا اتبسم زي الخليقه ولمرادي اشيل التلفون منها واحكي ادق التفاصيل لاني من يومي بتكيف للحكي والشمارات😂😂
اتلفت ع الشباك وعيني وقعت ع عربية ود الجيران وهو زااااتو مندمج مع السواقه وللحظه حسيت بيو لمحني لكن ما حساسه نهائي
والعربيتين وقفو في نفس اللحظه... انا اعصابي باظت لاني كذبت عليو وهسي ح يشوفنا نازلين .... وعد نزلت وتتكلم بالتلفون واشرت لي يعني انزلي... قلت ليها اصبري دقيقه... بتاع الترحال قعد يضحك قال لي دا ما بيتكم ولاشنو 😂🤔
قلت ليو بيتنا لكن مكيفك بارد خليني شويه لحد يفتحو الباب 😅
(انا مندسيه عشان ما يشوفني فلان) ... قال لي اخدي راحتك 😊
لكن وعد شفقانه قالت لي انزلي لانو معاي مفتاح منتظره شنو ياخ الشمس 😒
انا استسلمت ونزلت وزولكم العصبي في عربيتو متااابع
وانا قلت هووووي يا فدوى بتعرفي ولا مهتمه بيو ؟!! مالك ومالو وما تركزي معاو .... رفعت راسي وجريت نفس طوييييل غايتو لو الاوكسجين بكمل كان كمل اليوم داك😂😂😂 وماشه بكل ثقه وع الحظ الزباله عترت لي طوبه ووقعت😭😭😭
الفيني كلها كملت وما حارقاني الوقعه لكن حارقني الموقف المحرج قدام العصبي واكيد ح يضحك فيني... اتوهطت في مكاني وقلت اصلا خربانه خربانه ودموعي نزلت عشره عشره😭💔
وعد حنينه جدعت تلفونها وصرخت يلا مع صرختها دي جاء العصبي وقال خير يا جماعه مالكم😳
وعد قالت ليو فدوى وقعت ما عارفاها مالا😕
هو قال ليها فدوى منو ؟!
انا مع اني منشرطه بكاء لكن الضحكه ح تفضحني ما هو الولد دا غبي بالجد... فلنفترض انو ما بعرف اسمي لكن الواقعه دي اكيد انا واكيد الاسم فدوى بالجد غبي😏
وعد قالت ليو فدوى بت خالتي 🙄
اها وعد زاتها غبيه زيو لانها ردت رد غبي😂
*انا واصلت بكيتي لانو الوقعه حااااره للزول الكبير والاحراج دا براو كوم خالص
*هو دنقر علي مد يدو قال لي قومي طيب
..... انا ماسكه ركبتي لانها انجرحت وبعاين ليو وتحديدا يدو ياخ ناعمه اكتر من معدتي ماشاءالله... خوفت امسك يدو واجرحو 😂
قلت ليو دي الطوبه وقعتني
وهو فكاها ضحكه ووعد تضحك مااا عرفتهم مالم لكن ضحكت معاهم
قال لي وين الطوبه الوقعتك دي ؟!
قلت ليو عايذ توديها المتحف مالك بيها وزح كدا براي بقوم 😒
هو بكل احترام زح مني وقال لي معليش ...وبالمره رفع لوعد تلفونها قال ليها اتفضلي
*طبعا يادوووب حسيت نفسي اوفرتها وماف داعي للقطامه دي 💔
وعد حمرت لي وقالت ليو تسلم لكن فدوى شويه بايخه ما تزعل منها 😅
قال ليها م بتهمني لكن حبيت اساعد ما أكتر ☺️✋
انا ولاااا اشتغلت بيو وقمت وقلت لوعد يلا ندخل 🚶♀
وعد قالت ليو اذنك☺️
قال ليها اتفضلي جدا☺️
ومشى هو
انا ووعد دخلنا واتلفت عليو شفتو داخل بيتم وطبعا بابهم فاتح ع باب بيتنا
المهم دخلنا وبالجد رجلي وجعتني وشدت علي ... ما صدقت خالتي سألتني مالك وطواااالي واصلت بكيتي💔😭
ريل جات جاريه وخلودي لمن شافوني ابكي قعدو جنبي
خلودي عسل قال لي انتي كبيره ما تبكي عشان الوحش ما يجيك
انا فكيتها ضحكه😂
قال لي فالحه يلا ما تبكي تاني اوكي
قلت ليو سمح سمح
وعد جابت علبة الاسعافات الاولويه وعقمت لي الجرح ولفتو لي ✨
ريل جابت العصير وقعدت معانا انا ووعد وبقينا نحكي ليهم بكلام وسام خااانم🌝
خالتو مسكت وعد وتبوس فيها وانتو عارفين كلام الامهات في المناسبه الحلوه
وريل بقت تخطط انو ح اشتري كدا وح اعمل كدا وكدا وكدا
خلودي قال ليها انتي العروس ولا وعد🌚
المهم فرحنا شدييييد ليها ربنا يسعدها💚💚💚
وعد شالت تلفونها ورجعت لاحمد
