الجزء ﴿17﴾
الصباح جهزت وطلعت بدري عايذه اهجمو😂😂😂
هو اتصل علي قال
#صباحك نعمه يا عافيتي ... اها جاهزه للامتحان؟!
*وصباحك يا غالي ... اي جاهزه .. انت طلعت ولا لسه ؟!
#طالع جنب الباب هسي
*ههههههه اتحصن اول
#وبتضحكي ليه🤔
*ساي عيب ولا عيب
#الله يعيني عليك
..... فتح الباب وطلع لقاني وااااااقفه اتكشم براي 😂😂😂
هو من الصدمه واصل معاي كلام بالتلفون
#الجابك هنا شنو😳
*بالله مش حاجه حلوه لمن تلقاني قدامك من الصباح😌
#اي لكن فهميني جيتي متين انتي
*😂طيب ممكن تقفل المكالمه لاني قدامك اتكلم عادي
#😂بالله انا بتكلم معاك بالتلفون
..... ....... ......
سلمت عليو وحكيت ليو كيف جيت وووو ... هو معديها لي ضحك بس وقال لي يعني امبارح انتي شايفاني ما احساس منك يا الطيره🌝🌝🌝😒
*ايووون شايفاك لكن طلعت غبي انت
#خلي فصاحه ، جيبي شيتاتك دي اسألك
*انت سايق كيف تسألني
#عادي
..... وبدأ يراجع لي لحد وصلنا الجامعه .... قال لي
#ما دام ح تقعدو عند ناس خالتو معناه يومي ح القاك قدامي... ويومي ح نكون كدا 😍
*😂ااايون وجع وش شدييييد
#كويس معترفه انك وجع وش😝
*ننننننن
#يلا ما تأخريني عندي اجتماع بعد نص ساعه ... وتلقي مروه منتظراك تراجعو مع بعض
*طيب كويس ... خلي بالك من نفسك شديييد عشاني💚☺️
#حاااااضر من عيوني يا نظري ... وانتي ركزي كويس في الامتحان واتذكريني عشان تقفلي المعدل😂😌✋
*وطاتي اصبحت معناه ، بطل ثقتك دي😂 ... يلا لبعدين نتلاقى ❤️
....... ....... ......
دخلت الجامعه وقعدت مع بنات كدا لحد مروه جات راجعنا شويه ودخلنا الجلسه
بعد طلعت اتصلت عليو سألتو من اجتماعو كيف كان ... وسألني من الامتحان ... قال لي ح تأخر انا انتي امشي البيت اقري او ادخلي المكتبه لحد انا اجيك
قلت ليو ح امشي البيت
...... لمن وصلت البيت لقيت خالاتي وعمات وعد قاعدين يجهزو في الريحه ... وخالتو سهام عارفاني ممتحنه قالت لي هنا زحمه وجوطه امشي بيتي فاضي لانو علوش في الجامعه وعمر ما بجي هسي من الشغل
انا قعدت مع وعد شويه وشلت حاجاتي ومشيت بيت خالتو سهام
ماف زول غير البت الشغاله
وهي زاااتها ماسكه تلفونها خالطه
انا قعدت في الهول ورتبت المراجع والشيتااات قدامي مستكييينه اقرا بمزااااج ، عاد لي حق لانو دا بيت عموري😂😂😂💔
..... ..... العصر كدا خالتو سهام جات تشيل حاجات وترجع
لقتني مستكينه قالت لي لابسه توبك مالك ماف زول وحتى علوش اتصل قال بايت برا ... اخدي راحتك عادي ... عملت لي عصير جابتو لي وقالت لي لو جوعتي ادخلي المطبخ .. البيت بيتك يابتي☺️💚
ياخ المرا دي قمة الذوق والحنان ربنا يحفظها ويخليها❤️
..... انا طوااااالي اندحت وكنت لابسه بجامه تلت اربع لونها حلاوي ... عندي بت بعرفها دفعتي نقاااقه وازعجتني بالمكالمات .. طوالي قفلت التلفون خالص وجدعتو من قدامي ... واصلت قرايتي ....💚
يلا اذان المغرب اذن مشيت الحمام اتوضأ وانا طالعه من الحمام شفت عمر قدامي
شافني بقى متنح فيني 😳 قال
#انتي ناويه تجنيني صح ..الصباح قدامي وهنا قدامي
انا طوالي رجعت الحمام قلت ليو
*ما تعاين لي .. ناولني التوب في الكرسي
#😂كمان بترسلي فيني ابييييت امشي جيبيو براك
*ياخ م تتساخف كيف اطلع قدامك بالشكل دا 💔
#في زول قال ليك ما تلبسي توبك وانتي عارفه انو البيت في شباب
*اي امك قالت لي ، وعلوش بايت برا ، وانت قلت بتتأخر
#اتصلت عليك لكن تلفونك مقفول يلا اتحملي نتيجة تصرفك ، ابييييت ما بجيبو ليك😂😝
*عموري يا قلبي انتي فالح .. والنبي تجيبو لي .. ياخ م تحرجني😢💔
#خلاص م تحنكيني
..... جابو لي ومديت يدي لبستو جوا الحمام وطلعت لقيتو ميت بالضحك
قلت ليو *غياظ ياخ م تضحك
#يابت خانقه نفسك كدا مالك بالتوب😂
*خليني استاهل انا 😒
#اي تستاهلي
*شكرا ، ماشه اصلي في بيتنا زاتي
#😂معليش بهظر معاك ، اقعدي قبلك ولو عايذه تقعدي ببجامتك عادي ،اصلا انا طالع غرفتي
*تاني لو كتبوها لي كتابه م بطلع توبي 😂😒✋
#خلاص راحتك 😂
*ياخ م تضحك كفايه
#حااااضر ... يلا انا طالع غرفتي .. انتي اقري قبلك ما ح ازعجك ☺️
*بري لو جات امك تقول علي شنو
#انتي طيره مالك ، اهلنا عارفين اننا بنحب بعض مالك خايفه
*عشااااااان هم عارفين ما صاح انا اكون هنا
#فعلا شافعه ، قلنا انا م بقعد معاك هنا😒
*ممممممممم طيب
..... ....... ......
مشيت صليت وجيت ع قرايتي
عموري جاء نازل قال جعان ، عمل سندوتش ليو وواحد لي معاهم عصير
قال لي عارفك جعانه يا اشعب😂💔
وفات خلاني اضحك
انا مندمجه في القرايه لمم اتلفت وراي لقيتو قاعد في السلم وعيونو منتهيات من النعاس مره يغمض ومره يفتح ، انا احترت فيو ياخ حلاتو😂😂😂
قلت ليو
*عمر المقعدك هنا شنو
#ساي عايذ اشوفك بتقري كيف😂
*انت م نصيح والله ، ياخ امشي اخد راحتك
#اي بعد شويه
*ع كيفك ان شاءالله تقع
#حاقده دي مالك علي😒
*😂معليش معليش حلاتو الزعلان
#ما تتغزلي فيني لو سمحتي انا ما قدرك😂✋
*شافع لانك ، يلا اسكت خليني اركز
#حاضر
..... انا واصلت قرايتي وفي حته دي وقفت علي ما قدرت افهما ، قلت ليو ممكن تجي تشرحها لي 🙄🙄
وهو مااا صدق طوالي جاء وشرحها لي
*طلعت شاطر ، راسك الكبير دا ما فاضي
#دي حسنتي مش 😒
*لا حسنه لاشي ، دا واجبك
#واجبي؟!!! انا لا خاطبك لا عاقد عليك
*مممممممم كلامك صح لكن برضو واجبك فيما بعد
#فدو رايك شنو نعمل خطوبه مع عرس وعد ؟!
*لالا انا لسه صغيره ما جاهزه لعرس
#😂😂😂الباااااايره ركزي قلنا خطوبه ، العرس حدديو انتي مع انو لبعد تخلصي جامعه بعيد شديد ، سنه طويله ياخ
*😂ايره شديد ،، مممم طيب خليني افكر واستخير احتمال عايذه اقرا 😂💔
#😂بالله بطلي امور البنات دي ، والله جادي خلاص
*يااا سيدي انا اصلا عايذاك انت بس وما بعترف بخطوبه لانو البينا اكبر من كدا
#عايني انا نعسان ما تتفلسفي لي ، اختصري اي ولا لا🌝😴😴
*😂اكيد موافقه
#جاااااااااااااده😍💚😍 يعني تاتي علنآ كدا ح اجي اسوقك من باب بيتكم
*وانت هسي مقصر يعني😂
#والله واجعني انتظاري ليك في نهاية الشارع 😂😂 ... المهم امي اصلا عارفه بعلاقتنا ح اكلمها تكلم امك ونعمل الخطوبه قبل عرس وعد بيومين مش مناسب
*اي مناسب ح اكون خلصت امتحانات ☺️💚
#😍اااحاااا ، ماشي اكلم عمار ووفاق
*وفاق؟!!!!!😒
#حلاتو البغير علي 😂
*امشي مني ، انا اصلا خلصت قرايه وامك بعد كدا ح تجي
احسن انا امشي قبل هي ترجع
يلا اخد راحتك
#ممممممممممم ، اوكي .. لمن تخلصي قرايتك ارجعي بمكالمه اوكي
*حاضر
...... ....... .....
انا فرحانه من جواااا قلبي .. وجريت جري كلمت وعد واتصلت ع مروه وريتها
مروه فرحت اكتر مني يحليلا ياخ اخيرا ح تتحل مني😂😂💔
ريل سمعتني بكلم في وعد
جات ناطه لي قالت يعني ح نكون في بيت واحد انا وانتي😍
انا ووعد فكينها ضحكه لانها وقعت نفسها برااااها الغتيته
وعد قالت ليها #اخيرا اعترفتي يا كلبه
*والله عشان كلام فدوى بس
#لو ما كلامها ما كنتي ح تتكلمي صح
*😂لا
#لكن انتو صغار ياخ
*صغيره براك ، هو 21 وانا 19 وين الصغر 😒
#حلاتكم اها ناويين ع شنو
*خطوبه بعد عرسك طوالي
#جااااده😍 طيب اخطبو مع فدوى وعمر
*لالا بطفونا ديل ، اي زول براو بري😂✋
....... انا فرحت ليها ياخ والاتنين مجانين ومناسبين لبعض ... كمية الفرح الجواي كان كبيييير شديد الحمدلله ع نعمة الناس البسندونا ويسعدونا....💚
..... ......
يلا الاسبوع خلص ورجعنا البيت لانو ابوي جاء وحتى ابو وعد لانو عرس بتو فاضل عليو ايام بس😍
...... والفتره الاخيره عمر مشغول وسافر كالعاده
المهم اخر يوم في الامتحانات
مروه متفقه مع طارق تلاقيو ... باعتني الكلبه 😂
انا قاعده مع بنات بتونس معاهم
فجأه عمر اتصل لي
#ياااا قلب اها امتحنتي كيف
*حلو لكن زهجانه ياخ
#معقوله تزهجي وانا قاعد
*انت مافيش ح تجي بعد يومين قلت😢💔
#ممممممممم طيب ممكن تقطعي الظلط
*ليه🤔
#ياخ اقطعي ما تتكلمي كتير😒🌝
..... انا لمن قطعتو شوفت عربيتو الماااا بتغباني .. دا جاء متين😳
.... هو طلع من العربيه مبتسم كالعاده ربنا يحفظو الحلو💚
#اها رايك شنو بالله في المفاجأه دي
*😭عمر
#اهااااا عايذه تبكي طوالي ح ارجع
*اشتقت ليك شديد😭
#يا حبيبتي انا قدامك ما تبكي .. تعالي العربيه لانو الشمس
..... سلمت عليو ولمن دخلت العربيه لقيت كيسين في المقعد
*ديل شنو يا عمري
#اوعي تفتحيهم الا بعد ناكل ياخ جعان شديد انا
*😂عايذ تعمل نفس حركتي بتاعت المره الفاتت
#ااااي عايذ احرق روحك😂
*عولاق شديد
....... اتحركنا ولمن وصلنا المطعم لقيت مروه وطارق وعلوش وريل وعمار ووفاق كللللههههمممم
انا قرصت عمر قالت ليو انزل تحت شويه يا طويل عايذه اسألك
هو ضحك وقال لي اها اسألي
*وفاق دي جابها هنا شنو
#😂ليه م سألتي من البقيه الجابهم شنو
*😂بري
#ياااا ستي ح تعرفي كل حاجه بعد شويه
