بتكلم مع مروه صحبتي بوصف ليها في البيت لانها جات جااااهزه الشفقانه😂😂😂
يلا في رقم غريب دخل علي مكالمه مااا ركزت فيو وواصلت كلامي مع مروه.... اوووول من قفلت منها تاني الرقم دخل علي ورديت بعد 4 مكالمات لاني نااادر ارد ع رقم غريب بجيب لي الهوا بري ، فهمي معاق😂💔💔
المهم رديت سمعت صوت ولد قال لي *سنه عشان تردي ؟!
#مشغوله لكن انت منو ؟!
*انا ولد جيرانكم... خالتو هويده(اسم خالتي ام وعد) ادتني الرقم عشان توصفي لي الكوفير اجيكم
#ايواااااا طيب ركز معاي.......
*اوكي يلا معناه قريب انا... خليكم جاهزين ح اجيكم هسي
#سمح
....... ....... ......
ريل قالت لي *بتوصفي لمنو انتي ؟!
#بوصف لود الجيران جاي يسوقنا
*عرفتي متين 😳
#بري م بعرفو لكن امك ادتو رقمي عشان اوصف ليو🙄🙄🙄
*ايوااا طيب جاهزين نحن
........ ........ ........
وعد متوتره شديد... واحمد ما قصر معاها الزمن كلو معاها بالتلفون 💚💚💚
رجع لي رقم الولد تاني قال لي انا بره اطلعو لي ☺️
طبعا لمن طلعنا شفنا الشخصيه الحلوه😍😍😍 ومن هنا بدت نقطة تغير حياة جديده
اسمو علي اخو عمر... بقرا طب في المستوى التالت...عمرو نفس عمري21 ....مجنون ولسانو طويل 😂
المهم لمن شافنا قال بختي سايق مزز زيكم... الليله الا ناخد سيلفي اصبرو علي.... طلع تلفونو واتصورنا معاو إجباري
عاين لي قال لي منططه عيونك مالك🌝
قلت ليو فيك ، عرفت من متييييين يا ابوي ؟!
قال لي طيب ابتسمي واخد صوره لي💔
قلت ليو بالجد ما نصيح
ريل ووعد يضحكو وقالو يلا نمشي
...... انا ووعد ركبنا ورا
وريل ركبت قدام مع علي
اندمجو الاتنين في الونسه وحلاتي😘💚
وهو فاتح اغنية اليسا { لو اتقابلنا مره وحده استحاله ح نفترق... إحساسنا بقول اننا لو شفنا بعض ح نتفق.... نحن لسه ما اتقابلنا شو اتقابلنا ، امال ح يحصل ايه لو اتقابلنا ....}💕🎶🎶🎵💕
وكلنا نغني معاها 😍😍😍
وصلنا البيت قبل الضيوف بدقائق بس
النسوان ح يكونو في البيت هنا... والرجال ح يكونو في بيت عمر...
خالتو هويده متوتره اكتر من وعد 😂😂😂
وكلهم علقو علينا اننا طالعين حلوين 🙈🙈❤️
دخلت الغرفه لقيت مروه تعمل كدا👋ماشاءالله.... مروه حلبيه واقصر مني بشويه.... زوله وااااااعيه شديد واي بت تتمتاها تكون مرت أخوها لدرجة انها ملاك بالجد... لابسه فستان بيجي ومع جسمها وملامح وشها حاجه رهيبه ماشاءالله😘💚😍
تتكلم مع طارق حبييها بالتلفون وسفهتني ما سلمت علي زي الناس الكلبه 😂👋
يلا الضيوف وصلو
ووعد قعدتها في الغرفه قلت ليها لو طلعتي بنتهي منك سامعه😒
...... ...... ......
انا ومروه وريل ضيفنا الضيوف وكلهم حريم ماشاءالله اي وحده اسمح من التانيه ونايراااات😍
فاذا بنظرتي تقع في وسام خانم 💔 كل ما اشوفها بشوف فيها عمتي فلانه ، تلقائيا بضحك لمن اشوفها، بتعمل لي الطماااااام بحس بيها مديرة مدرسه ياخ صارمه شديد😂💔😂 الله يستر الليله
...... ...... ......
المهم خليناهم حريم مع بعض... ودخلنا قعدنا مع وعد... تلفوني اتصل ورقم غريب تاني ما رديت
رسل لي رساله قال لي
يا مرض ردي انا علي 😡😡😡🔪
اتصل تاني ورديت ليو قلت ليو
#عندك كم رقم انت ؟!
*رقمين لكن دا بتاع عمر لاني ما معاي رصيد.... المهم عايذ اقول ليك الجماعة ديل قاعدين رجال كلهم واعمامكم وعمر.... اها ماف مجال اجيكم ؟!🤔
#فااااالح بسحروووك تجي وين... انت مش كبير وواعي اقعد معاهم عشان توريني الشمار اول باول😍😂
*يا شيخه عايزاني اقعد في نصهم للمراسيل صح 😒
#العوجه ما بتجيك... المهم توريني اول باول يلا بنادونا نحن هسي و...
تيييييت تييييت قفل فيني المجنون😂😂😂💔
...... ....... .......
خالتي شفق جاتنا قالت نطلع بعد كدا لانو الحريم عايزين يلبسوها الدبله ويتمو الخطوبه😍
وعد مسكتني من يدي قالت لي والنبي طالعه كيف😔😔
مروه مسكتها من يدها وقالت ليها كلام ناس كبار واعيييين
انا نصو فهمتو ونصو ما فهمتو😂😂😂😂💔
يلا طلعنا وجايبين حاجات حلوه وراقيه تشبه وعد بالفعل😘
الخطوبه تمت والزغاريت ملت البيت
عم وعد اتصل قال وعد تجي عشان تسلم ع اهل احمد
انا وريل ومروه وخالتي شفق مشينا معاها عاد فرصتنا عشان نتم الشمار 😂💔✋✋
....... ....... .......
يلا اتأخرت شويه انا لاني غيرت الجزمه كانت ضيقه شويه🙊
لمن لحقتهم لقيتم دخلو.... انا وقفت في حوش ناس عمر وفجأه سمعت عمر قال لي
* مالك واقفه بره؟!🤔
#اتلفت عليو ولقيتو بعاين لي بطريقه مميزه وقرب مني مد يدو يسلم ، عاينت ليو في عيونو ومديت يدي سلمت عليو 🙈
*قال لي ما رديتي؟!
#انا اتلبشت لبشه غريبه وقلت ليو همممم دددخلو قبلي وما ح ح ح اقدر ادخل براي لانو اااالرجال كتار
.... وهو لسه بعاين لي وماسك يدي
قال لي :معنى كدا يدك بارده شديد لانك ما عايزه تدخلي براك ؟!☺️
..... #يادوب انتبهت وفكيت يدي منو ونزلت عيوني قلت ليو : احتمال
.....*قال لي عادي بعدين لسانك الطويل دا كلو يطلع فصاحه بس 😂😂😂
ياخ ضحكتو بتشلني ولمرادي اقول ليو ما تضحك قدامي🙈
... ابتسمت ليو ومشيت
سمعتو قال لي : عايز أسألك ممكن؟!
وقفت انا واتلفت عليو وحركت راسي بمعنى ايوا 🙄
جاء قريب مني قال لي
*:الايام الفاتت ما كنتي ظاهره خالص ان شاءالله خير ؟!☺️
#رجعت البيت
*ما فهمت كيف رجعتي البيت ، دا ما بيتكم ؟!
#دا بيت خالتي ...انا ما اخت وعد وريل... بت خالتهم☺️
*مممممممم يعني ح ترجعي بيتكم تاني 🙄🤔
#ايوا بكره او بعدو ح ارجع ان شاءالله
*ما ح تجي قريب؟!
#ما معروف
*هو سكت مساااافه ونزل راسو قال لي طيب
..... يلا انا ما قدرت افهم كلمة طيب دي حالياً ودخلت سلمت ع الضيوف وهم بتكلمو مع وعد انها ح بقت في مقام بناتهم وكلام كتيييير
عمر دخل وقعد مقاصدني 💔
طول المسافه القعدناها مع الضيوف وهو بعاين لي
انا عامله نفسي ما مركزه خالص
ويدي باردات شديييد بالجد...
بقيت بتكلم بيني وبين نفسي اجي يا فدوى مالك ما يكون هبوط ... يحليلك يا معدتي ظلمتك الليله كتير ...خلاص اول من الضيوف يمشو ح امشي اكل وابتسمت براي
لمن رفعت راسي لقيت عمر مبتسم معاي ☺️
الولد دا مالو عايز يجلطني.... مالو بتبسم براو غايتو كلهم مجانين وما عندهم عقل بري منهم
نزلت راسي وقمنا انا والبنات رجعنا البيت
مروه قرصتني وغمزت لي😉
قلت ليها مالك بسم الله😳
قعدت تضحك هي وقالت لي ماف حاجه بتفوت علي ياختي وهسي ما وقت الكلام خلي بعد الضيوف يمشو 😂😂😂
....... ....... .......
يلا خلاص الزغاريت ملت البيت
واهل احمد جو يباركو لخالتو هويده.... وخيلاني والبقيه.... ودعناهم ومشو كلهم حتى امي وابوي
فضلنا انا ومروه مع البنات
هويده خالتي قالت لينا تمشو هسي تنضفو مكان الضيوف عند ناس خالتو سهام
مشينا انا وريل ومروه
خالتو سهام مصدعه قالت ح تطلع الغرفه ترتاح والبيت بيتكم اخدو راحتكم يا بناتي 😘💚
يلا نرتب في الجوطه الحاصله في بيتم وجاء علوش يساعدنا لكن مساعدتو بلسانو وونستو عسسسسل ياخ😂
مروه رفعت لي حواجبها
قلت ليها مالك
تااااني رفعتهم لي نظام اتلفتي وراك
اتلفت لقيت عمر واقف جنب الباب لمن شافني شفتو
اتلبش قال لي معليش لكن ما تتعبو نفسكم خلو لبكره ح تجي البت تنضفو ☺️
قلت ليو ما مشكله
هو ابتسم وفات
يلا ريل تتونس مع علي قالت ليو انت اختك الصغيره وين مش كانت قاعده قبل يومين؟!
قال ليها سفرناها لاختي لدن تقعد معاها فتره وترجع قالت زهجت هنا🌝
انا كنت شايله الكبابي اوديهم المطبخ ولمن سمعتو قلت لنفسي يا حليلك يا فدوى لمن تزهجي بتمشي تاكلي زياده ما وصلت لدرجة اسافر وحتى لو سافرت بمشي مدني لجدي الله يديو العافية 💚 .... غايتو نكبر ونشوف محن😂😂💔
وما ركزت اني جوا المطبخ الا لمن سمعت عمر يضحك قال لي نفسسسي اعرفك بتتكلمي براك ليه وبتقولي شنو 😂😂
في الأول اتجمدت في مكاني لكن قلت عايز يتظارف دا ح اتمها ليو
عاينت ليو ورفعت حاجب ومنزله حاجب وغزيت يدي في نصي
قلت ليو بتاع شمارات يا اللخو وريح بالك لانك لو باريتني ح تجن 🤣😌 يلا 🚶♀🚶♀
هو قال لي *دقيقه
#مالك انجز يا ولدي وراي شغل ولسه ماشين ننضف في البيت هناك ونرتب مطبخنا ونريح نفسنا شويه وونسه مع مروه لاني في حاجات كتيييره ما حكيتها ليها و
*هو قاطعني بضحكه😂
قلت ليو مالك 😅
قال لي بتحكي اي حاجه في وقت واحد واضحه شديد
#اها سمح يلا احكي
*ماف حاجه عايز اقول ليك طالعه حلوه شديد ماشاءالله لكن🌝
#تسلم من ذوقك لكن شنو🙄
..... قرب علي وقال لي الشعر الحلو دا مش احسن لو كان فيو طرحه ؟!☺️☺️☺️
لمن قال لي كدا حسيت بحاجه غريبه شديد وما قدرت ارد ليك
وبعدت منو وسرعه طلعت من المطبخ
قلت ليهم يلا نمشي خلاص خلصنا صح اطلعو يلا
مروه قالت لي مالك مستعجله اصبري شويه
قلت ليها ماف حاجه تاني صح ارح يلا
متوتره شديد انا وطلعت خليتم وراي ما عارفاهم لحقوني كيف
لقيت نفسنا في البيت
مروه عاينت لي ساااااي ما قالت اي حاجه
......... ......... .......
خلاص رتبنا امورنا وريل مسكت تلفونها.... وعد مع احمد كالعاده.... خالتي وخلودي نامو..... مروه نادتني في الهول وقالت لي يلا احكي سامعاك 😌😌😌👍
حكيت ليها كلللل حاجه ما خليت حاجه لحد ااااخر كلمه قالها عمر
يلا مروه بقت عامله كدا😳
قلت ليها مالك
قالت لي انتي كويسه ؟! بقت تلمس في راسي قالت لي ما تكوني محمومه 😳
*شديييييده ما علي عوجه ، مالك احكي
#احب اطمنك انك وقعتي في الحب مع انو زمنك دا كلوووووو بتنتقدي فينا😂😂😂😂
في الاول انا طلعت كلامها غلط واني ما بحب ومستحيل وووو لكن بليل خاته راسي في المخدة جات صورة عمر في بالي 💔💚
تلفوني اتصل ولقيت انو الرقم دا اتصل لي بيو علي لكن نسيت انو رقم عمر 💔رديت طوالي قلت ليو المصحيك شنو لسه يا الفالح ؟!
قال لي معاي انتي؟!
هنا يادووووب اتذكرت انو الرقم بتاع عمر ، ما عرفت اقول شنو وكلامي ما مرتب ، قلت ليو علي اتصل قبيل وافتكرتك هو وبس يعني😳✋
قعد يضحك قال لي
* عارف عارف لانو قال م معاو رصيد عايز يتصل عليك انتي
#وانت متصل ليه طيب ؟!😒
*عايذ أتأكد من الرقم بس
#وتأكدت ؟!
*ايووون أتأكدت من ردك ولسانك الطويل دا انك فدوى🌝
#خلاص تمام خليني انوم
*ما حميتك تنومي يا استاذه وتصبحي ع خير
#عمر
*نعم
#معليش
*ع شنو ؟!
#ولاشي
*مجنونه😂
#اي وانت من اهلو
........ ........ .......
بعد المكالمه دي حسيت بإحساس اول مره احس بيو واتذكرت كلام مروه.... شكلي جد عايذه اتعولق واحب يااااا الله يا الله دي عوجه دي ، بري حمانا الله😂💔
مشيت جنب مروه لقيتها خالطه طارق قلت ليها اسمعي عمر اتصل وقال كدا كدا كدا
هي قعدت تضحك قالت لي فااالحه طارق سمع الكلام كلو وعايذ يرد ليك هاك
انا دخلت في اظافري😅😁 قلت ليو نعم
قال لي احب اطمنك انه الحب وقفل فيني
..... بالجد الناس ديل كلهم مجانين مالم
مشيت سريري جاتني مروه بقت تنق لي ومحاضرات عن الحب ووو
انا شخرته نومت😂😂😂
يلا لمن الصباح صحيت لقيت انو.....
